ഇ.പി ജയരാജനെ കണ്ടുവെന്നത്​ പുതിയ വെളിപ്പെടുത്തലല്ലെന്ന് ഫെനി ബാലകൃഷ്ണൻ

ആലപ്പുഴ: സോളാർ കേസുമായി ബന്ധപ്പെട്ട്​ എൽ.ഡി.എഫ്​ കൺവീനറും സി.പി.എം നേതാവുമായ ഇ.പി. ജയരാജനെ കണ്ടുവെന്നത്​ പുതിയ വെളിപ്പെടുത്തലല്ലെന്ന്​ പരാതിക്കാരിയുടെ മുൻ അഭിഭാഷകൻ ഫെനി ബാലകൃഷ്ണൻ. ഫെനിയെ തനിക്ക്​ പരിചയമില്ലെന്നും പിന്നിൽ മറ്റാരോ ഉ​ണ്ടെന്നും പ്രതികരിച്ച ഇ.പി. ജയരാജന്​​ മറുപടി നൽകി മാവേലിക്കരയിൽ മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം.

കൊല്ലത്തെ ​െഗസ്റ്റ്​​ ഹൗസിലാണ്​ ഇ.പി. ജയരാജനെ കണ്ടത്​. നങ്ങ്യാർകുളങ്ങരയിൽ നിന്നാണ് ഇ.പിയുടെ കാറിൽ കയറിയത്. പിന്നീട് ഫോണിലും പലതവണ ബന്ധപ്പെട്ടിരുന്നു. പരാതിക്കാരി തന്നെ ഇ.പി. ജയരാജനെ കണ്ടെന്ന് പറഞ്ഞിട്ടുണ്ട്​. നേര​ത്തേ ഇതിന്‍റെ വിഡിയോക്ലിപ്​ പല മാധ്യമങ്ങളിലും വന്നിട്ടുണ്ട്​.

പ്രദീപ്​കുമാർ എന്നയാളാണ്​ ആദ്യം ഫോണിൽ ബന്ധപ്പെട്ടത്​. വെള്ള നിറത്തിലെ കാറിലാണ്​ സഞ്ചരിച്ചത് എന്നാണ്​ ഓർമ​. കൊല്ലത്തെ ​െഗസ്റ്റ്​ ഹൗസിലെ മുകളിലത്തെ നിലയിലായിരുന്നു കൂടിക്കാഴ്ച. സോളാർ വിഷയം എങ്ങനെയും കത്തിച്ചുനിർത്തി ഉമ്മൻ ചാണ്ടി സർക്കാറിനെ താഴെയിറക്കണമെന്നായിരുന്നു ആവശ്യം.

തെളിവുണ്ടെങ്കിൽ അത്​ തരണമെന്നും അതിനായി ഫെനിക്ക്​ വേണ്ടത്​ ചെയ്യാമെന്നും ജയരാജൻ പറഞ്ഞു. പരാതിക്കാരിയോട്​ ചോദിച്ചിട്ടേ തെളിവ്​ നൽകാൻ പറ്റൂവെന്ന്​ പറഞ്ഞതായും ഫെനി കൂട്ടിച്ചേർത്തു.