Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'തൊഴിലുറപ്പിന്...

'തൊഴിലുറപ്പിന് പോയിക്കിടന്ന് ഉറങ്ങുകയല്ല, ഇറങ്ങിപ്പോടീ'; ബസിൽ കയറിയിരുന്ന യാത്രക്കാരെ അസഭ്യം പറഞ്ഞ് ഇറക്കിവിട്ട് വനിതാ കണ്ടക്ടർ -വിഡിയോ

text_fields
bookmark_border
തൊഴിലുറപ്പിന് പോയിക്കിടന്ന് ഉറങ്ങുകയല്ല, ഇറങ്ങിപ്പോടീ; ബസിൽ കയറിയിരുന്ന യാത്രക്കാരെ അസഭ്യം പറഞ്ഞ് ഇറക്കിവിട്ട് വനിതാ കണ്ടക്ടർ -വിഡിയോ
cancel

തിരുവനന്തപുരം: കെ.എസ്.ആർ.ടി.സി വനിതാ കണ്ടക്‌ടർ യാത്രക്കാരോട് മോശമായി പെരുമാറുന്ന വിഡിയോ പുറത്ത്. ആഹാരം കഴിക്കുന്ന സമയത്ത് ബസിൽ യാത്രക്കാർ കയറി ഇരുന്നു എന്ന് പറഞ്ഞ് കണ്ടക്‌ടർ ബഹളം വെക്കുകയായിരുന്നു. കൈക്കുഞ്ഞുമായി കയറിയ യാത്രക്കാർ വരെ കണ്ടക്‌ടറുടെ ബഹളത്തെ തുടർന്ന് ഇറങ്ങിപ്പോയി. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്.

ചിറയിൻകീഴ് താൽകാലിക ഡിപ്പോയിലാണ് സംഭവം. ആറ്റിങ്ങൽ- ചിറയിൻകീഴ് മെഡിക്കൽ കോളേജിലേക്ക് പോകുന്ന ബസിലെ ജീവനക്കാരിയാണ് ദൃശ്യങ്ങളിലുള്ളത്. ബസ് ഉച്ചക്ക് പന്ത്രണ്ട് മണിയോടെ ചിറയിൻകീഴിലെ താൽകാലിക ഡിപ്പോയിൽ നിർത്തിയിട്ടപ്പോഴാണ് സംഭവമുണ്ടായത്.

താൽകാലിക ബസ് സ്റ്റാൻഡ് ആയതിനാൽ ഇവിടെ വെയിറ്റിങ് ഷെഡ് ഉണ്ടായിരുന്നില്ല. അതിനാൽ യാത്രക്കാർ നേരത്തെ തന്നെ ബസിൽ കയറിയിരിക്കുന്നത് പതിവാണ്. ഇങ്ങനെ കയറിയിരുന്നപ്പോഴാണ് വനിതാ കണ്ടക്‌ടർ യാത്രക്കാർക്ക് നേരെ ആക്രോശിച്ചത്. താൻ കഴിക്കുന്ന സമയമാണിതെന്നും നിങ്ങൾ എല്ലാവരും ഇറങ്ങിപ്പോകണമെന്നും ജീവനക്കാരി ആവശ്യപ്പെട്ടു. യാത്രക്കാർ ബസിൽ നിന്നിറങ്ങാൻ വിസമ്മതിച്ചതോടെ കണ്ടക്‌ടർ പ്രകോപിതയാവുകയായിരുന്നു. യാത്രക്കാർക്ക് നേരെ അസഭ്യം പറയുന്നതും ദൃശ്യങ്ങളിൽ വ്യക്തമാണ്.

ഏതാനും ദിവസങ്ങൾക്ക് മുൻപാണ് കാട്ടാക്കടയിൽ കെ.എസ്.ആർ.ടി.സി ജീവനക്കാർ അച്ഛനെയും മകളെയും മർദിച്ച റിപ്പോർട്ട് പുറത്തുവന്നത്. ഇതിന് പിന്നാലെയാണ് ഇപ്പോൾ കെഎസ്ആർടിസിക്കെതിരെ വീണ്ടും പരാതി ഉയർന്നിരിക്കുന്നത്.

Show Full Article
TAGS:conductor ksrtc Video 
News Summary - female conductor made the passengers off the bus by insulting them - video
Next Story