എഫ്​.ബി പോസ്​റ്റ്​ ഷെയർ ​ചെയ്​ത​ കേസ്​ ​ഹൈകോടതി റദ്ദാക്കി

​െകാച്ചി: മതവികാരം വ്രണപ്പെടുത്തുന്ന ഫേസ്​ബുക്ക്​ പോസ്​റ്റ്​ ഷെയർ ​ചെയ്​തതിന്​ യുവാവിനെതിരെ എടുത്ത കേസ്​ ​ഹൈകോടതി റദ്ദാക്കി. മലപ്പുറം കാടാമ്പുഴ ഡി. സാജിദിനെതിരെ ഫേസ്​​ബുക്ക്​ പോസ്​റ്റ്​ പ്രചരിപ്പിച്ച്​ കലാപത്തി ന്​ പ്രകോപനമുണ്ടാക്കിയെന്നാരോപിച്ച്​ കാടാമ്പുഴ പൊലീസ്​ രജിസ്​റ്റർ ചെയ്​ത കേസുകളാണ്​ ജസ്​റ്റിസ്​ ആർ. നാരായണ പിഷാരടി റദ്ദാക്കിയത്​.

പൊതുസ്​ഥലത്ത്​ മലവിസർജനം നടത്തിയതിന്​ പിന്നാക്ക വിഭാഗക്കാരായ രണ്ട്​ കുട്ടികളെ മധ്യപ്രദേശിൽ ആൾക്കൂട്ടം മർദിച്ചു കൊന്ന സംഭവത്തിൽ മറ്റൊരാൾ എഴുതിയ കവിത ഷെയർ ചെയ്​തതാണ്​ കേസെടുക്കാനുണ്ടായ സംഭവം​.

ഹിന്ദു സമുദായ അംഗങ്ങളെ ആക്ഷേപിക്കുന്നതാണ്​ വാക്കുകളെന്നും സമുദായാംഗങ്ങൾക്ക്​ വേദനയുണ്ടാക്കിയെന്നും ആരോപിച്ച്​ നൽകിയ പരാതിയിൽ ഹരജിക്കാരനെ ഒന്നും കവിതയെഴുതിയയാളെ രണ്ടും പ്രതികളായാണ്​ കേസെടുത്തത്​. എന്നാൽ, ഇത്തരമൊരു കേസ്​ ചുമത്താൻ മതിയായ കാരണങ്ങളില്ലെന്നും നടപടി റദ്ദാക്കണമെന്നുമായിരുന്നു ഹരജിക്കാര​​െൻറ ആവശ്യം.

പോസ്​റ്റിട്ട വ്യക്തിക്കെതിരെ രജിസ്​റ്റർ ചെയ്ത കേസ് പ്രഥമദൃഷ്​ട്യാ നിലനിൽക്കുമെന്ന്​ വിലയിരുത്തിയെങ്കിലും ഹരജിക്കാര​നെതിരെ കുറ്റം ചുമത്താൻ കാരണമില്ലെന്ന്​ കോടതി​ ചൂണ്ടിക്കാട്ടി. കുറ്റം ചുമത്താൻ മതിയായ കാരണങ്ങൾ നിലവിലില്ലെന്ന്​ വിലയിരുത്തിയ​ കോടതി കേസുകൾ റദ്ദാക്കുകയായിരുന്നു. എന്നാൽ, ഉത്തരവ്​ ഹരജിക്കാരന്​ മാത്രമാണ്​ ബാധക​െമന്നും എഫ്.​ഐ.ആർ റദ്ദാക്കുന്നില്ലെന്നും ഉത്തരവിൽ പറഞ്ഞു.