'ക്രിസംഘിയെന്ന പേര്​ വീണിരിക്കുന്നു, വര്‍ഗീയവാദികളാകരുത്​'; ​വൈറലായി ഫാദർ ജെയിംസ്​ പനവേലിന്‍റെ പ്രസംഗം, വിഡിയോ കാണാം

തൃശൂർ: സമൂഹമാധ്യമങ്ങളിൽ വൈറലായി ഫാദർ ജെയിംസ്​ പനവേലിന്‍റെ പ്രസംഗം. നാദിർഷ-ജയസൂര്യ ടീമിന്‍റെ 'ഈശോ' സിനിമയുമായി ബന്ധപ്പെട്ട വിവാദങ്ങൾ പരാമർശിക്കുന്ന പ്രസംഗം സംവിധായകരായ ജിത്തു ജോസഫ്​, ജിയോ ബേബി അടക്കമുള്ളവർ പങ്കുവെച്ചു. അങ്കമാലി രൂപതയുടെ മുഖപത്രമായ 'സത്യദീപ'ത്തിന്‍റെ ഇംഗ്ലീഷ്​ എഡിഷന്‍റെ അസോസിയേറ്റ്​ എഡിറ്ററാണ്​ ജെയിംസ്​ പനവേലിൽ. പനവേൽ പള്ളിപ്പെരുന്നാള​ിനോട്​ അനുബന്ധിച്ച്​ നടത്തിയ പ്രസംഗത്തിലെ ഭാഗമാണ്​​ വൈറലായിരിക്കുന്നത്​.

ഫാദർ ജെയിംസ്​ പനവേലിന്‍റെ പ്രസംഗത്തിലെ പ്രസക്ത ഭാഗങ്ങൾ

ഇന്ന്​ സ്വാതന്ത്യ ലബ്​ധിക്ക്​ 75 വർഷം പിന്നിടു​േമ്പാൾ നമുക്ക്​ സൗകര്യമുണ്ട്​, വികസനമുണ്ട്​, നേട്ടങ്ങളുണ്ട്​. നമ്മുടെ കൂടെ ജീവിക്കുന്ന മനുഷ്യനെ അവന്റെ നിറം നോക്കി, മതം നോക്കി, ജാതി നോക്കി, കുടുംബമഹിമ നോക്കി വകഞ്ഞുമാറ്റുന്ന മനോഭാവം ഇന്നും നിനക്കുണ്ടോ?. ​എങ്കിൽ ക്രിസ്​തു ഇല്ല. ജീവിതത്തിൽ സത്യമില്ല. മതങ്ങൾക്കതീതമായി ചിന്തിക്കുന്ന മാനവീയതയുള്ളതവരായി നമ്മൾ മാറണം.

രണ്ടാഴ്ച്ച മുമ്പാണ് നാദിര്‍ഷയുടെ ഇറങ്ങാനിരിക്കുന്ന സിനിമക്ക് ഈശോ എന്ന പേരു വീണത്. ഉടനെ വാളും വടിയുമായി കത്തിക്കാന്‍ ഇറങ്ങിത്തിരിച്ച ഒരു ക്രൈസ്തവ സമൂഹം ഇവിടെയുണ്ട്​. ഇതിനു മുമ്പും സിനിമകള്‍ക്ക് പേര് വന്നിട്ടുണ്ട്, ഈ.മ.യൗ, ആമേന്‍, ഹല്ലേലൂയ്യ എന്നിങ്ങനെ എന്തെല്ലാം സിനിമകള്‍ ഉണ്ടായിട്ടുണ്ട്. അന്നൊക്കെ സംയമനം പാലിച്ച ക്രിസ്ത്യാനി ഇന്ന് വാളെടുത്തിറങ്ങിയിരിക്കുകയാണ്. അങ്ങനെ സമൂഹമാധ്യമങ്ങളില്‍ നമുക്ക് പുതിയ പേരു വീണു. അറിഞ്ഞില്ലെങ്കിൽ പറയാം. 'ക്രിസംഘി'. അത്​ നമ്മുടെ സ്വഭാവം നോക്കി വീണതാണ്​.

പണ്ടൊന്നും നമ്മൾ ഇങ്ങനെ ആയിരുന്നില്ല. മറ്റുള്ളവരേക്കാൾ തീവ്രമായ വർഗീയത നമ്മളിലേക്ക്​ വന്നതെങ്ങനെയാണ്​. ഈശോ എന്ന്​ പറയുന്നത്​ ഒരു സിനിമയിലാണോ. ഒരു പോസ്റ്ററിലാണോ. അങ്ങനെ പോസ്റ്ററോ സിനിമയോ ഇറങ്ങിയാൽ പഴുത്ത്​ പൊട്ടാറായി നിൽക്കുന്ന വ്രണമാണോ നിങ്ങളുടെ മതവികാരം?. ഇതിനുമപ്പുറമാണ്​ ക്രിസ്​തു എന്ന്​ വിശ്വസിക്കുന്ന വിശ്വാസിക്ക്​ ഇതൊന്നും പ്രശ്​നമല്ല. ക്രിസ്​തുവിനെ ശരിയായി ഉൾകൊള്ളാനും മനസ്സിലാക്കാനും സാധിക്കാനും കഴിയാതെ വരു​േമ്പാഴാണ്​ കൊത്തി കീറാനും മാന്തി കീറാനും അലമുറയിടാനും തീ കത്തിക്കാനും ഇറങ്ങുന്ന ഇറങ്ങുന്ന വര്‍ഗീയവാദി ക്രിസ്ത്യാനികളാകുന്നത്.

സ്​നേഹമുള്ളവരേ.. ഇത്​ സമുദായ വാദമാണ്​. മതാത്മകതയാണ്. നമുക്ക് വേണ്ടത് സമുദായവാദമോ മതാത്മകതയോ അല്ല. നമുക്ക് വേണ്ടത് ആത്മീയതയാണ്. യഥാർഥമായ ആത്മീയതയാണ്​. അത് മനുഷ്യനെ സ്നേഹിക്കലാണ്.