അച്ഛനെയും മകളെയും പിങ്ക്​ ​പൊലീസ്​ അപമാനിച്ച സംഭവം: കോടതിയിൽ ​ഇരയായ പെൺകുട്ടിയുടെ ഹരജി

കൊച്ചി: മൊബൈല്‍ ഫോണ്‍ മോഷ്​ടാക്കളായി ചിത്രീകരിച്ച്​ ആറ്റിങ്ങലിൽ അച്ഛ​െനയും മകളെയും പിങ്ക് ​െപാലീസ് ഉദ്യോഗസ്ഥ പരസ്യവിചാരണ ചെയ്​ത സംഭവത്തിൽ നഷ്​ടപരിഹാരം തേടിയും നടപടി ആവശ്യപ്പെട്ടും​ ഇരയായ പെൺകുട്ടി ഹൈകോടതിയിൽ. പൊലീസ്​ വാഹനത്തിൽനിന്ന്​ മൊബൈൽ ​​േഫാൺ എടുത്തതായി ആരോപിച്ച പിങ്ക് പൊലീസ് ഉദ്യോഗസ്ഥ സി.പി. രജിത തന്നെ കള്ളിയെന്ന്​ വിളിക്കുകയും അപമാനിക്കുകയും ചെയ്​ത സംഭവത്തിൽ ഉദ്യോഗസ്ഥക്കെതിരെ നടപടിയുണ്ടായില്ലെന്ന്​ ആരോപിച്ചാണ് ഹരജിയുമായി കോടതിയെ സമീപിച്ചിരിക്കുന്നത്​.

Also Read:പിങ്ക്​ പൊലീസി​െൻറ പരസ്യവിചാരണ: പരമാവധി ശിക്ഷ നല്‍കി, കൂടുതല്‍ നടപടിക്കുള്ള തെറ്റ് ചെയ്തില്ലെന്ന്​ റിപ്പോർട്ട്​

തുല്യമായ അന്തസ്സോടെ ജീവിക്കാനുള്ള അവകാശം ഉറപ്പുവരുത്തണമെന്നും 50 ലക്ഷം നഷ്​ടപരിഹാരം അനുവദിക്കണമെന്നുമാണ്​ ആവശ്യം. ​

ആഗസ്​റ്റ്​ 27നാണ്​ മൊബൈൽ ഫോൺ മോഷ്​ടി​െച്ചന്ന പേരിൽ പിതാവിനെയും മകളെയും പൊലീസ്​ നടുറോഡിൽ അപമാനിച്ചത്​. തുമ്പ വി.എസ്.എസ്.സിയിലേക്ക് വലിയ ലോറിയിൽ കാർഗോ കൊണ്ടുപോകുന്നത് കാണാൻ മകളുമായി ​മൂന്നുമുക്ക്​ ജങ്​ഷനിലെത്തിയപ്പോഴാണ്​ പൊലീസ്​ അപമര്യാദയായി പെരുമാറിയത്​.

Also Read:ഇല്ലാത്ത മൊബൈൽ മോഷണത്തിൻെറ പേരിൽ മൂന്നാം ക്ലാസുകാരിക്കും പിതാവിനും പിങ്ക് പൊലീസിൻെറ പരസ്യ വിചാരണ

അച്ഛനെയും മകളെയും തടഞ്ഞുവെച്ച്​ അപമാനിക്കുന്നതിനിടെ മൊബൈൽ ഫോൺ പൊലീസ് വാഹനത്തിൽനിന്നുതന്നെ കണ്ടെത്തിയെങ്കിലും ഉദ്യോഗസ്ഥ മാപ്പ് പറയാൻപോലും തയാറായില്ല. മാനസികമായി തകർന്ന കുട്ടിയെ കൗൺസലിങ്ങിന് വിധേയമാക്കുകയാണ്​. രജിതക്കെതിരെ പൊലീസ് മേധാവിക്കടക്കം പരാതി നൽകിയിട്ടും നടപടിയുണ്ടായില്ല.

സംഭവത്തെത്തുടർന്ന്​ ഉദ്യോഗസ്ഥയെ സ്ഥലം മാറ്റിയത്​ അവർക്ക്​ കൂടുതൽ സൗകര്യപ്രദമായവിധം കൊല്ലത്തേക്കാണ്​. രജിതക്കെതിരെ മാതൃകപരമായ നടപടി സ്വീകരിക്കാൻ നിർദേശിക്കണമെന്നാണ്​ ഹരജിയിലെ ആവശ്യം.