​ഫസൽ വ​ധം​: വെളിപ്പെടുത്തൽ സി.പി.എം-പൊലീസ്​ ഗൂ​ഢാ​േലാചന -കുമ്മനം

കൊല്ലം: ഫസൽ വധക്കേസിലെ പ​ുതിയ വെളിപ്പെടുത്തൽ സി.പി.എം-പാലീസ്​ ഗൂഢാലോചനയുടെ ഭാഗമ​ാണെന്ന്​ ബി.ജെ.പി സംസ്​ഥാന പ്രസിഡൻറ്​ കുമ്മനം രാജശേഖരൻ. പൊലീസ്​​ മർദിച്ചാണ്​ സുബീഷി​െ​​നക്കൊണ്ട്​ ഇങ്ങനെ പറയിച്ചതെന്നും അദ്ദേഹം മാധ്യമപ്രവർത്തകരോട്​ പറഞ്ഞു. ഫസൽ വധക്കേസിൽ ശരിയായ പ്രതികളെ​ത്തന്നെയാണ്​ സി.ബി.​െഎ പിടികൂടിയത്​. ഇപ്പോഴ​െത്ത വാദങ്ങളൊന്നും നിലനിൽക്കുന്നതല്ല. മദ്യനയത്തി​​​െൻറ പേരില്‍ സര്‍ക്കാറിനെതിരെ ഉണ്ടായിട്ടുള്ള ജനരോഷത്തെ തിരിച്ചുവിടാനുള്ള ശ്രമമാണ് നടക്കുന്നത്.

സി.പി.എം നടത്തുന്ന ഈനീക്കം തീക്കൊള്ളികൊണ്ട് തലചൊറിയലാണ്. കള്ളപ്രചാരണങ്ങള്‍ വഴി സി.പി.എം അണികളെ നിയമലംഘകരും അക്രമികളുമായി മാറ്റുന്നു. സംസ്​ഥാനത്താകെ സി.പി.എം പ്രവർത്തകർ അഴിഞ്ഞാടുകയാണ്. ബി.ജെ.പി, -ബി.എം.എസ് ഓഫിസുകളും കൊടിമരങ്ങളും ബോര്‍ഡുകളും നശിപ്പിക്കുന്നു. കേരളത്തിലെത്തിയ  എല്‍.കെ. അദ്വാനിക്ക് നേരെവരെ അക്രമത്തിന് പദ്ധതിയിട്ടു. സീതാറാം യെച്ചൂരിയെ ആരും ആക്രമിച്ചിട്ടില്ല. ജനാധിപത്യപരമായി പ്രതിഷേധം അറിയിക്കുകയാണ് ചെയ്തതെന്നും കുമ്മനം പറഞ്ഞു.