ടാറിൽ തിളച്ചുരുകിയൊരു യൗവനമുണ്ടീ പൊലീസുകാരന് VIDEO

ഫ​റോ​ക്ക്: മ​ഹാ​ക​വി ര​വീ​ന്ദ്ര​നാ​ഥ ടാ​ഗോ​ർ പ​റ​ഞ്ഞി​ട്ടു​ണ്ട്, ദൈ​വ​ത്തെ തി​ര​ഞ്ഞു ന​ട​ക്കു​ന്ന​വ​ർ ചു​ട്ടു​പൊ​ള്ളു​ന്ന സൂ​ര്യ​ന് താ​ഴെ ക​രി​ങ്ക​ൽ ചീ​ളു​ക​ളി​ൽ ടാ​റു​രു​ക്കി​യൊ​ഴി​ച്ച് പാ​ത​യൊ​രു​ക്കു​ന്ന തൊ​ഴി​ലാ​ളി​യെ നോ​ക്കി​ക്കൊ​ള്ളൂ​വെ​ന്ന്. ഇ​വി​ടെ​യി​താ ഒ​രു പൊ​ലീ​സു​കാ​ര​ൻ ഉ​രു​കി​യൊ​ലി​ക്കു​ന്ന ടാ​ർ​വീ​പ്പ​ക​ളു​മാ​യി യൗ​വ​നം തി​ള​ച്ചു​മ​റി​ഞ്ഞ കാ​ല​ത്തെ​യോ​ർ​മി​പ്പി​ച്ച് നാ​ടി​​െൻറ മ​നം ക​വ​രു​ന്നു. 

ഒ​രാ​ഴ്ച​യാ​യി അ​ച്ച​ടി-​സ​മൂ​ഹ മാ​ധ്യ​മ​ങ്ങ​ളി​ൽ താ​ര​മാ​യി​രി​ക്ക​ുകയാ​ണ് ഫ​റോ​ക്ക് സി.​ഐ കെ. ​കൃ​ഷ്ണ​ൻ. സ്​​റ്റേ​ഷ​നു​മു​ന്നി​ലൂ​ടെ ചാ​ലി​യാ​റി​ന് സ​മാ​ന്ത​ര​മാ​യി ക​ട​ന്നു​പോ​കു​ന്ന ദേ​ശീ​യ പാ​ത​യി​ലും പ​രി​സ​ര​ങ്ങ​ളി​ലും അ​ന്നം തേ​ടി​യെ​ത്തി​യ ത​​െൻറ വി​യ​ർ​പ്പു​തു​ള്ളി​ക​ൾ ഒ​ഴു​കി​യൊ​ലി​ച്ചി​ട്ടു​ണ്ട്. ഒ​ന്ന​ര​പ്പ​തി​റ്റാ​ണ്ടു​മു​മ്പ് പാ​ല​ക്കാ​ട് വി​ക്ടോ​റി​യ കോ​ള​ജി​ൽ ബി​രു​ദ പ​ഠ​ന​ക്കാ​ല​മാ​യി​രു​ന്നു അ​ത്.  

അ​ഗ​ളി​യി​ലെ കാ​ളി-​വേ​ന്തി​മാ​രു​ടെ ആ​റ് മ​ക്ക​ളി​ൽ അ​ഞ്ചാ​മ​നാ​യി​രു​ന്ന കൃ​ഷ്ണ​ന് പ്രാ​ര​ബ്​​ധ​മാ​യി​രു​ന്നു കൂ​ട്ട്. ദു​രി​തം കൂ​ടു​േ​മ്പാ​ൾ സുഖമില്ലെന്നോ വിനോദയാത്രയെന്നോ പറഞ്ഞ്​ കൃ​ഷ്ണ​ൻ കോ​ള​ജി​ൽ​നി​ന്ന് മു​ങ്ങും.ചെ​ന്നെ​ത്തു​ന്ന​ത് റോ​ഡ് നി​ർ​മാ​ണ ക​രാ​റു​കാ​രോ​ടൊ​പ്പം. ഒ​രു​വി​ധം പി​ടി​ച്ചു​നി​ൽ​ക്കാ​നാ​യാ​ൽ ന​ല്ല കു​ട്ടി​യാ​യി വീ​ണ്ടും കോ​ള​ജി​ലേ​ക്ക്. 2007ൽ ​പൊ​ലീ​സി​ൽ ജോ​ലി കി​ട്ടി.

2009ൽ ​പരീക്ഷ എഴുതി എ​സ്.​ഐ ആ​യി. 2019 ൽ ​സി.​ഐ ആ​യി സ്ഥാ​ന​ക്ക​യ​റ്റം. ക​ഴി​ഞ്ഞ ജൂ​ണി​ൽ ഫ​റോ​ക്ക് സ്​​റ്റേ​ഷ​ൻ ഓ​ഫി​സ​റാ​യെ​ത്തി​യ​പ്പോ​ൾ സേവനപ​രി​ധി​യി​ൽ വ​രു​ന്ന രാ​മ​നാ​ട്ടു​ക​ര​യി​ലെ​യും ഫ​റോ​ക്കി​ലെ​യും റോ​ഡു​ക​ൾ അ​ദ്ദേ​ഹ​ത്തി​ന്​ ഗൃ​ഹാ​തു​ര സ്മ​ര​ണ​ക​ളാ​യി. സ​ഹ​പ്ര​വ​ർ​ത്ത​ക​നോ​ടൊ​പ്പം സ​ഞ്ച​രി​ക്കു​മ്പോ​ൾ താ​ൻ​കൂ​ടി വി​യ​ർ​പ്പൊ​ഴു​ക്കി​യ റോ​ഡി​ൽ പൊ​ലീ​സ് ജീ​പ്പി​ൽ ചാ​രി​നി​ന്ന്​ ഫോ​ട്ടോ​യെ​ടു​പ്പി​ച്ചു. 

ഓ​ൺ​ലൈ​ൻ ക്ലാ​സി​ൽ പ​ങ്കെ​ടു​ക്കാ​നാ​വാ​ത്ത വി​ഷ​മ​ത്തി​ൽ പെ​ൺ​കു​ട്ടി ആ​ത്മ​ഹ​ത്യ ചെ​യ്ത പ​ശ്ചാ​ത്ത​ല​ത്തി​ലാ​ണ് പ്ര​യാ​സ​ത്തി​ന് പി​ന്നാ​ലെ എ​ളു​പ്പ​വു​മു​ണ്ട് എ​ന്ന സ​ന്ദേ​ശം ന​ൽ​കി ജീ​വി​ത​ക​ഥ ഫേ​സ് ബു​ക്കി​ൽ പോ​സ്​​റ്റ്​ ചെ​യ്ത​ത്. നൈ​രാ​ശ്യ​മ​ല്ല, പോ​രാ​ട്ട​മാ​ണ് ജീ​വി​ത​വി​ജ​യ​മെ​ന്ന ആ​ശ​യ​ത്തെ ആ​യി​ര​ങ്ങ​ളാ​ണ് പി​ന്തു​ണ​ക്കു​ന്ന​ത്.