അരവണ പായസ നിർമാണത്തെ കുറിച്ച്​ വ്യാജ പ്രചാരണം; ദേവസ്വം ബോർഡ്​ പരാതി നൽകി

ശബരിമല: ദേവസ്വത്തിലെ പ്രധാന പ്രസാദമായ അരവണ പായസത്തെക്കുറിച്ചും നിർമാണ രീതിയെക്കുറിച്ചും സമൂഹ മാധ്യമങ്ങളിലൂടെയും മറ്റും വ്യാജ പ്രചാരണം നടത്തുന്നതായി തിരുവിതാംകൂർ ദേവസ്വം ബോർഡ്​. സമൂഹ മാധ്യമങ്ങളിലൂടെയും ജനം ടി.വി യിലൂടെയും നടക്കുന്ന കുപ്രചാരണങ്ങൾക്കെതിരെ കേസ് രജിസ്​റ്റർ ചെയ്തു കുറ്റക്കാർക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് ശബരിമല എക്സിക്യൂട്ടിവ് ഓഫിസർ സന്നിധാനം പൊലീസ് സ്​റ്റേഷനിൽ പരാതി നൽകിയതായി ദേവസ്വം കമീഷണർ അറിയിച്ചു.