You are here

കള്ളവോട്ട്​: പത്തുപേർക്കെതിരെ കേസെടുത്തു 

11:33 AM
11/05/2019
vote-54

കണ്ണൂർ:  കള്ളവോട്ട്​ ചെയ്​തെന്ന്​ തെരഞ്ഞെടുപ്പ്​ കമീഷൻ സ്​ഥിരീകരിച്ചതിനെ തുടർന്ന്​ കണ്ണൂർ ജില്ലയിൽ  ഒമ്പത്​ മുസ്​ലിംലീഗ്​  പ്രവർത്തക​ർക്കെതിരെയും ഒരു സി.പി.എം പ്രവർത്തകനുമെതി​െരയും പൊലീസ്​​ കേസെടുത്ത്​ അന്വേഷണം ആരംഭിച്ചു​.  

കണ്ണൂർ ലോക്​സഭ മണ്ഡലത്തിൽ ഉൾപ്പെട്ട തളിപ്പറമ്പ് നിയോജകമണ്ഡലത്തിലെ പാമ്പുരുത്തി മാപ്പിള എ.യു.പി സ്​കൂളിലെ 166ാം നമ്പർ ബൂത്തിൽ കള്ളവോട്ട്​ ചെയ്​തതിന്​ അബ്​ദുൽ സലാം, മർഷാദ്, മുഹമ്മദ്​ അസ്​ലം, ​െക.പി.  ഉനൈസ്, അബ്​ദുൽ സലാം, കെ. മുഹമ്മദ്​ അനസ്, കെ.പി. സാദിഖ്​,  ഷമാൽ, മുബഷിർ എന്നിവർക്കെതിരെ മയ്യിൽ പൊലീസാണ്​ കേസെടുത്തത്​. ഇന്ത്യൻ  ശിക്ഷാനിയമം 171 സി, ഡി, എഫ്​ വകുപ്പുകൾ പ്രകാരമാണ്​  കേസ്​.  

ധർമടം മണ്ഡലത്തിലെ കുന്നിരിക്ക സ്​കൂളിലെ 52 നമ്പർ ബൂത്തിൽ കള്ളവോട്ട്​ ചെയ്​ത സി.പി.എം പ്രവർത്തകൻ എ.കെ. സായൂജിനെതിരെ കൂത്തുപറമ്പ്​ പൊലീസും കേസെടുത്തു. ആൾമാറാട്ടം നടത്തി കള്ളവോട്ട്​ ചെയ്​തുവെന്നാണ്​ സായൂജിനെതിരെ ചുമത്തിയ കുറ്റം. ഇതോ​െട  ലോക്​സഭ തെരഞ്ഞെടുപ്പിനുശേഷം കള്ളവോട്ട്​  സംഭവത്തിൽ  ജില്ലയിൽ നാല്​ പൊലീസ്​ സ്​റ്റേഷനുകളിലായി 16 പേർക്കെതിരെ  കേസെടുത്തു.ആരെയും ഇതുവരെ അറസ്​റ്റ്​ ചെയ്​തിട്ടില്ല. 

സ്വതന്ത്ര സ്ഥാനാർഥി കെ. സുധാകര​​െൻറ ബൂത്ത് ഏജൻറ് സി.കെ. മുഹമ്മദ് കുഞ്ഞി, എൽ.ഡി.എഫ് സ്ഥാനാർഥി പി.കെ. ശ്രീമതിയുടെ ബൂത്ത് ഏജൻറ്​ വി.കെ. ഷഫീർ എന്നിവരുടെ പരാതിയെ തുടർന്നാണ്​ പാമ്പുരുത്തിയിലെ ലീഗ്​ പ്രവർത്തകർക്കെതിരെ നടപടിയുണ്ടാകു​ന്നത്​. വിഡിയോ ദൃശ്യങ്ങൾ പരിശോധിച്ച്​ കള്ളവോട്ട്​ ബോധ്യപ്പെട്ട ജില്ല കലക്​ടർ മുഖ്യ തെരഞ്ഞെടുപ്പ്​ ഓഫിസർക്ക്​ റിപ്പോർട്ട്​ നൽകുകയായിരുന്നു. കോൺഗ്രസ്​ ദൃശ്യങ്ങൾ സഹിതം നൽകിയ പരാതിയെ തുടർന്നാണ്​ സി.പി.എം പ്രവർത്തകൻ സായൂജിനെതിരെ നടപടിയുണ്ടായത്​. 

അതിനിടെ, കള്ളവോട്ടുമായി ബന്ധപ്പെട്ട്​ കൂടുതൽ പേർക്ക്​ ഹാജരാകാൻ ആവശ്യപ്പെട്ട്​ ജില്ല കലക്​ടർ നോട്ടിസ്​ നൽകി. 199 കള്ള​േവാട്ടുകൾ നടന്നെന്നു  കാണിച്ച്​ കോൺഗ്രസ്​ നൽകിയ പരാതിയു​ടെ അടിസ്​ഥാനത്തിലാണ്​ നോട്ടിസുകൾ നൽകിയത്​. കള്ളവോട്ട്​  ചെയ്​തവർക്കും കള്ളവോട്ട്​ ചെയ്യപ്പെട്ട ക്രമനമ്പറിലുള്ള വോട്ടർമാർക്കുമാണ്​ നോട്ടിസ്​ നൽകിയത്​. ഇവരിൽനിന്ന്​ മൊഴിയെടുക്കുകയും തുടർന്ന്​ വിഡിയോ ദൃശ്യങ്ങൾ പരിശോധിക്കുകയും ചെയ്​തതിനുശേഷം മുഖ്യ തെരഞ്ഞെടുപ്പ്​ ഒാഫിസർക്ക്​ കലക്​ടർ റിപ്പോർട്ട്​ നൽകും. 


 

Loading...
COMMENTS