വ്യാജ ചികിത്സ നടത്തിയതിന് മോൻസണിനെതിരെ കെ. സുധാകരൻ പരാതി നൽകും

തിരുവനന്തപുരം: പുരാവസ്തു തട്ടിപ്പ് കേസിലെ പ്രതി മോൻസൺ മാവുങ്കലിനെതിരെ നിയമനടപടികളുമായി കെ.പി.സി.സി. അധ്യക്ഷൻ കെ. സുധാകരൻ. കോ​സ്​​മ​റ്റോ​ള​ജി​സ്​​റ്റാ​ണെ​ന്ന പേ​രി​ൽ വ്യാജ ചികിത്സ നടത്തിയതിനാണ് മോൻസൺ മാവുങ്കലിനെതിരെ കെ.പി.സി.സി. അധ്യക്ഷൻ കെ. സുധാകരൻ പരാതി നൽകുക. കഴിഞ്ഞ ദിവസം കൊച്ചിയിലെ അഭിഭാഷകരുമായി നിയമനടപടികൾ സംബന്ധിച്ച് സുധാകരൻ കൂടിക്കാഴ്ച നടത്തിയിരുന്നു.

കൂടാതെ, തന്‍റെ പേര് അനാവശ്യമായി വിവാദത്തിലേക്ക് വലിച്ചിഴച്ച പരാതിക്കാരൻ അനൂപിനെതിരെ മാനനഷ്ടക്കേസ് നൽകാനും സുധാകരൻ തീരുമാനിച്ചിട്ടുണ്ട്. മോ​ൻ​സ​ണിെൻറ പു​രാ​വ​സ്തു ശേ​ഖ​ര​മു​ള്ള ക​ലൂ​ർ ആ​സാ​ദ് റോ​ഡി​ലെ വീ​ട്ടി​ൽ സു​ധാ​ക​ര​ൻ പ​ല​പ്പോ​ഴും വ​ന്നു​പോ​യി​ട്ടു​ണ്ടെ​ന്ന പരാതി ഉന്നയിച്ചത് അനൂപ് ആയിരുന്നു.

ഡോക്​ടറെന്ന നിലയിലാണ്​ പരിചയമുള്ളതെന്നും ത്വക്ക് ചികിത്സക്കായാണ് മോൻസണിന്‍റെ കൊച്ചിയിലെ വസതിയിൽ പോയതെന്നുമാണ് സുധാകരൻ പറഞ്ഞത്. മോൻസണെ കണ്ടതും ചികിത്സ നടത്തിയതും സത്യമാണെന്നും ചികിത്സക്കായി അഞ്ച് ദിവസം വീട്ടിൽ പോയിരുന്നുവെന്നും സുധാകരൻ സമ്മതിച്ചിരുന്നു. എന്നാൽ, അസുഖം ഭേദമായില്ലെന്നും വ്യാജ ചികിത്സക്കെതിരെ നിയമനടപടി സ്വീകരിക്കുമെന്നും സുധാകരൻ മാധ്യമങ്ങളോട് വ്യക്തമാക്കിയിരുന്നു.

മോ​ൻ​സ​ണുമായി ബന്ധപ്പെട്ട ഡ​ൽ​ഹി​യി​ലെ 'ഫെ​മ' കേ​സി​ൽ കെ. ​സു​ധാ​ക​ര​ൻ എം.​പി​യും ഇ​ട​പെ​ട്ട​താ​യി പ​രാ​തി​ക്കാ​ര​നാ​യ അ​നൂ​പ് മൊ​ഴി നൽകിയിരുന്നു. ഫെ​മ കേ​സു​മാ​യി ബ​ന്ധ​പ്പെ​ട്ട് കേ​സ് ന​ട​ത്തു​ന്ന ഡ​ൽ​ഹി​യി​ലെ ഗു​പ്ത അ​സോ​സി​യേ​റ്റ്സി​ന് അ​ടി​യ​ന്ത​ര​മാ​യി 25 ല​ക്ഷം വേ​ണ​മെ​ന്ന് മോ​ൻ​സ​ൺ ആവശ്യപ്പെട്ടു.

സു​ധാ​ക​ര​െൻറ നേ​തൃ​ത്വ​ത്തി​ൽ പാ​ർ​ല​മെന്‍റിന്‍റെ പ​ബ്ലി​ക് ഫി​നാ​ൻ​സ് ക​മ്മി​റ്റി​യെ​ക്കൊ​ണ്ട് പേ​പ്പ​റി​ൽ ഒ​പ്പി​ട്ട് അ​യ​ക്ക​ണ​മെ​ന്നും അ​തി​നാ​ണ് അ​ടി​യ​ന്ത​ര​മാ​യി പ​ണം വേ​ണ്ട​തെ​ന്നും എം.​പി​യോ​ട് നേ​രി​ട്ട് സം​സാ​രി​ച്ച് ബോ​ധ്യ​പ്പെ​ടു​ത്താ​മെ​ന്നും പ​റ​ഞ്ഞു. 2018 ഡി​സം​ബ​ർ 22ന് ​ക​ലൂ​രി​ലെ വീ​ട്ടി​ലെ​ത്തി എം.​പി​യു​മാ​യി ഈ ​വി​ഷ​യ​ങ്ങ​ൾ ച​ർ​ച്ച ചെ​യ്തു. ഡ​ൽ​ഹി​യി​ലെ ഫെ​മ​യു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ൾ ഉ​ട​ൻ പ​രി​ഹ​രി​ക്കാ​മെ​ന്ന് എം.​പി അ​വി​ടെ​വെ​ച്ച് ഉ​റ​പ്പു​ന​ൽ​കി. എം.​പി​യു​ടെ സാ​ന്നി​ധ്യ​ത്തി​ൽ അ​നൂ​പ് 25 ല​ക്ഷം കൈ​മാ​റു​ക​യും ചെ​യ്ത​താ​യി അനൂപിന്‍റെ പ​രാ​തി​യി​ലു​ണ്ട്.