കള്ളക്കടത്തെന്ന് സന്ദേശം; പോത്തുകളുമായി വന്ന കണ്ടെയ്​നർ തടഞ്ഞിട്ട്​ പരിശോധന

കൽപറ്റ: പടിഞ്ഞാറത്തറ പുതുശേരിക്കടവിൽ ഇതരസംസ്ഥാനത്ത് നിന്ന് പോത്തുകളെ കൊണ്ടുവന്ന ക​െണ്ടയ്നറിൽ മണിക്കൂറുകളോളം നീണ്ട പരിശോധന. വാഹനത്തിൽ കള്ളക്കടത്ത് സാധനങ്ങളുണ്ടന്ന സന്ദേശത്തെ തുടർന്നായിരുന്നു പൊലീസ്​ പരിശോധന.

പോത്തുകളെ വാഹനത്തിൽ നിന്നും പുറത്തിറക്കി ഡോഗ് സ്ക്വാഡ് അടക്കം പരിശോധന നടത്തിയിട്ടും ഒന്നും ക​െണ്ടത്താനായില്ല. ഇതോടെയാണ് സന്ദേശം വ്യാജമാണെന്ന് അറിയുന്നത്. ഒഡിഷയിൽ നിന്ന് പോത്തുകളെ കൊണ്ടുവന്ന രണ്ട് കണ്ടെയ്നറുകളിലാണ്​ പുതുശേരിക്കടവിൽ വെച്ച് പോലീസും ഡോഗ് സ്ക്വാഡും പരിശോധന നടത്തിയത്.

ഗൾഫിൽ നിന്ന് അവധിയിലെത്തി തിരിച്ച് പോവാൻ കഴിയാത്ത പുതുശേരിക്കടവിലെ പ്രവാസികളായ യുവാക്കൾ തുടങ്ങിയ പുതിയ സംരംഭമായിരുന്നു പോത്ത് കച്ചവടം.