സബ് ആർ.ടി ഓഫിസിൽ ഉദ്യോഗസ്ഥൻ ചമഞ്ഞ് ‘വ്യാജൻ’ ജോലി ചെയ്തത് പത്ത് വർഷം!

തി​രൂ​ര​ങ്ങാ​ടി (മ​ല​പ്പു​റം): തി​രൂ​ര​ങ്ങാ​ടി സ​ബ് ആ​ർ.​ടി ഓ​ഫി​സി​ൽ ഉ​ദ്യോ​ഗ​സ്ഥ​നെ​ന്ന വ്യാ​ജേ​ന യു​വാ​വ്​ ജോ​ലി ചെ​യ്ത​ത് പ​ത്ത് വ​ർ​ഷ​ത്തോ​ളം. ഉ​ദ്യോ​ഗ​സ്ഥ​രു​ടെ യൂ​സ​ർ ഐ​ഡി​യും പാ​സ് വേ​ഡു​മെ​ല്ലാം ഉ​പ​യോ​ഗി​ച്ച്, സ​ർ​ക്കാ​ർ ഉ​ദ്യോ​ഗ​സ്ഥ​ന​ല്ലാ​ത്ത ഇ​യാ​ൾ ക​മ്പ്യൂ​ട്ട​ർ ജോ​ലി​ക​ള​ട​ക്കം ചെ​യ്ത് വ​രി​ക​യാ​യി​രു​ന്നു. താ​നൂ​ർ സ്വ​ദേ​ശി​യാ​യ ഇ​യാ​ൾ ഏ​ജ​ന്റു​മാ​രു​ടെ ബി​നാ​മി​യാ​ണ്. ഇ​യാ​ൾ​ക്കു​ള്ള വേ​ത​നം ഉ​ദ്യോ​ഗ​സ്ഥ​രും ഏ​ജ​ന്‍റു​മാ​രു​മാ​ണ് ന​ൽ​കി​യി​രു​ന്ന​ത്. ഉ​ദ്യോ​ഗ​സ്ഥ​ർ കൈ​കാ​ര്യം ചെ​യ്യേ​ണ്ട പ​ല രേ​ഖ​ക​ളും ഇ​യാ​ളാ​ണ​ത്രെ അ​പ്‌​ലോ​ഡ് ചെ​യ്തി​രു​ന്ന​ത്.

‘മീ​ഡി​യ​വ​ൺ’ പു​റ​ത്തു​കൊ​ണ്ട് വ​ന്ന ഈ ​വാ​ർ​ത്ത​യെ​തു​ട​ർ​ന്ന്​ ട്രാ​ൻ​സ്​​പോ​ർ​ട്ട്​ ക​മീ​ഷ​ണ​റു​ടെ നി​ർ​ദേ​ശ​പ്ര​കാ​രം ​തൃ​ശൂ​ർ മേ​ഖ​ല ഡെ​പ്യൂ​ട്ടി ക​മീ​ഷ​ണ​ർ എം.​പി. ജെ​യിം​സ്​ ​സ​ബ് ആ​ർ.​ടി ഓ​ഫി​സി​ൽ പ​രി​ശോ​ധ​ന ന​ട​ത്തി. ദി​വ​സ​ങ്ങ​ൾ​ക്ക് മു​മ്പ് ചു​മ​ത​ല​യേ​റ്റ താ​ൻ ഇ​ക്കാ​ര്യം അ​റി​ഞ്ഞി​രു​ന്നി​ല്ലെ​ന്നും കീ​ഴു​ദ്യോ​ഗ​സ്ഥ​രോ​ട് വി​ശ​ദീ​ക​ര​ണം തേ​ടി​യി​ട്ടു​​ണ്ടെ​ന്നും തി​രൂ​ര​ങ്ങാ​ടി ജോ​യ​ന്‍റ്​ ആ​ർ.​ടി.​ഒ സി.​പി. സ​ക്ക​റി​യ പ​റ​ഞ്ഞു.

വാ​ർ​ത്ത വ​ന്ന​തോ​ടെ തി​ങ്ക​ളാ​ഴ്ച ഉ​ച്ച​ക്ക് ശേ​ഷ​മാ​ണ്​ ഡെ​പ്യൂ​ട്ടി ട്രാ​ൻ​സ്​​പോ​ർ​ട്ട്​ ക​മീ​ഷ​ണ​ർ എം.​പി. ജെ​യിം​സ്​ ഓ​ഫി​സി​ൽ പ​രി​ശോ​ധ​ന​ക്ക്​ എ​ത്തി​യ​ത്. ക​മ്പ്യൂ​ട്ട​റു​ക​ളും ഫ​യ​ലു​ക​ളും പ​രി​ശോ​ധി​ച്ച അ​ദ്ദേ​ഹം ഉ​ദ്യോ​ഗ​സ്ഥ​രി​ൽ​നി​ന്ന് വി​വ​ര​ങ്ങ​ൾ ശേ​ഖ​രി​ച്ചു. ട്രാ​ൻ​സ്​​പോ​ർ​ട്ട്​ ക​മീ​ഷ​ണ​ർ​ക്ക്​ ഉ​ട​ൻ റി​പ്പോ​ർ​ട്ട്​ ന​ൽ​കു​മെ​ന്ന്​ ഡെ​പ്യൂ​ട്ടി ക​മീ​ഷ​ണ​ർ അ​റി​യി​ച്ചു. സം​ഭ​വ​ത്തി​ൽ ഓ​ഫി​സി​ലെ ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി​യു​ണ്ടാ​യേ​ക്കും. അ​തേ​സ​മ​യം, വ്യാ​ജ​നാ​യി ജോ​ലി ചെ​യ്ത യു​വാ​വി​നെ​തി​രെ ന​ട​പ​ടി​യൊ​ന്നു​മെ​ടു​ത്തി​ട്ടി​ല്ല.