ക​ള്ള​നോ​ട്ട് നി​ർ​മാ​ണ​വും വി​ത​ര​ണ​വും തു​ട​ങ്ങി​യി​ട്ട് ര​ണ്ടു​മാ​സം, കമ്പം മേട്ടിലെ 'നോട്ടടി ശാല'യിൽനിന്ന് യന്ത്രവും പിടിച്ചെടുത്തു

നെ​ടു​ങ്ക​ണ്ടം: ക​മ്പം​മെ​ട്ട് അ​തി​ർ​ത്തി ചെ​ക്പോ​സ്​​റ്റി​ൽ മൂ​ന്നു​ല​ക്ഷം രൂ​പ​യു​ടെ ക​ള്ള​നോ​ട്ട് പി​ടി​കൂ​ടി​യ സം​ഭ​വ​ത്തി​ൽ ക​മ്പം​മെ​ട്ട് പൊ​ലീ​സ് ത​മി​ഴ്​​നാ​ട്ടി​ലെ മൂ​ന്ന്​ കേ​ന്ദ്ര​ങ്ങ​ളി​ൽ പ​രി​ശോ​ധ​ന ന​ട​ത്തി. പി​ടി​യി​ലാ​യ പ്ര​തി​ക​ളു​ടെ ഫോ​ൺ ന​മ്പ​ർ കേ​ന്ദ്രീ​ക​രി​ച്ച്​ ന​ട​ത്തി​യ അ​ന്വേ​ഷ​ണ​ത്തി​ൽ നി​ർ​ണാ​യ​ക വി​വ​ര​ങ്ങ​ൾ ല​ഭി​ച്ച​തോ​ടെ​യാ​ണ്​ അ​ന്വേ​ഷ​ണ​സം​ഘം ത​മി​ഴ്​​നാ​ട്ടി​ൽ പ​രി​ശോ​ധ​ന ന​ട​ത്തി​യ​ത്.

കോ​യ​മ്പ​ത്തൂ​രി​ൽ വി​ശ​ദ അ​ന്വേ​ഷ​ണം ന​ട​ത്തി​വ​രു​ക​യാ​ണ്​ പൊ​ലീ​സ്. കേ​സി​ൽ റി​മാ​ൻ​ഡി​ലാ​യി​രു​ന്ന മ​ല​യാ​ളി​യ​ട​ക്കം ആ​റം​ഗ​സം​ഘ​ത്തെ കൂ​ടു​ത​ൽ തെ​ളി​വെ​ടു​പ്പി​നാ​യി ക​മ്പം​മെ​ട്ട് പൊ​ലീ​സ് അ​ഞ്ച്​ ദി​വ​സ​ത്തേ​ക്ക് ക​സ്​​റ്റ​ഡി​യി​ൽ വാ​ങ്ങി​യി​രി​ക്കു​ക​യാ​ണ്. സം​സ്ഥാ​ന​ന്ത​ര ക​ള്ള​നോ​ട്ട് വി​ത​ര​ണ സം​ഘ​ത്തി​ലെ ക​ണ്ണി​ക​ളാ​ണ് ക​മ്പം​മെ​ട്ടി​ൽ പി​ടി​യി​ലാ​യ​ത്.

വി​ൽ​പ​ന​ക്കെ​ത്തി​ക്കു​ന്ന പൂ​ക്ക​ളു​ടെ ഇ​ട​യി​ലാ​ണ് ക​ള്ള​നോ​ട്ട് ഒ​ളി​പ്പി​ച്ചി​രി​ക്കു​ന്ന​തെ​ന്നാ​ണ്​ ഇ​വ​ർ പൊ​ലീ​സി​ന്​ മൊ​ഴി​ന​ൽ​കി​യ​ത്. എ​ന്നാ​ൽ, ഇ​വ​ർ സ​ഞ്ച​രി​ച്ച വാ​ഹ​ന​ത്തി​െൻറ മു​ക​ൾ​ഭാ​ഗ​ത്തെ ര​ഹ​സ്യ അ​റ​യി​ൽ ഒ​ളി​പ്പി​ച്ച നി​ല​യി​ൽ ഒ​രു​ല​ക്ഷ​വും സം​ഘ​ത്തി​ൽ ഉ​ൾ​പ്പെ​ട്ട മ​റ്റ് ര​ണ്ടു​പേ​ർ സ​ഞ്ച​രി​ച്ചി​രു​ന്ന ബൈ​ക്കി​ൽ​നി​ന്ന്​ ര​ണ്ടു​ല​ക്ഷം രൂ​പ​യും ക​ണ്ടെ​ത്തു​ക​യാ​യി​രു​ന്നു.സം​ഘം ക​ള്ള​നോ​ട്ട് വ്യാ​പ​ക​മാ​യി മാ​റി​യെ​ടു​ത്ത​താ​യി സം​ശ​യി​ക്കു​ന്ന​തി​നാ​ൽ കൂ​ടു​ത​ൽ വി​വ​ര​ങ്ങ​ൾ​ക്കാ​യി ത​മി​ഴ്‌​നാ​ട് കേ​ന്ദ്രീ​ക​രി​ച്ചു അ​ന്വേ​ഷ​ണം ന​ട​ത്തി​വ​രു​ക​യാ​ണ്. പി​ടി​യി​ലാ​യ​വ​രി​ൽ അ​ഞ്ചു​പേ​ർ ത​മി​ഴ്‌​നാ​ട് സ്വ​ദേ​ശി​ക​ളും ഒ​രാ​ൾ മ​ല​യാ​ളി​യു​മാ​ണ്.

ത​മി​ഴ്‌​നാ​ട്ടി​ൽ​നി​ന്ന്​ ക​ള്ള​നോ​ട്ട് വി​ത​ര​ണം ചെ​യ്യാ​നെ​ത്തു​ന്ന സം​ഘ​ത്തെ​ക്കു​റി​ച്ച് ഇ​ടു​ക്കി നാ​ർ​കോ​ട്ടി​ക് ഡി​വൈ.​എ​സ്.​പി​ക്കു ല​ഭി​ച്ച ര​ഹ​സ്യ വി​വ​ര​ത്തി​െൻറ അ​ടി​സ്ഥാ​ന​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് സം​ഘം കു​ടു​ങ്ങി​യ​ത്. ചി​ന്ന​മ​ന്നൂ​ർ മ​ഹാ​രാ​ജ​ൻ (32),കോ​യ​മ്പ​ത്തൂ​ർ സ്വ​ദേ​ശി ചു​രു​ളി (32), ക​മ്പം സ്വ​ദേ​ശി മ​ണി​യ​പ്പ​ൻ (30), വീ​ര​പാ​ണ്ടി സ്വ​ദേ​ശി പാ​ണ്ടി (53), ഉ​ത്ത​മ​പാ​ള​യം സ്വ​ദേ​ശി സു​ബ​യ്യ​ൻ (53) കു​മ​ളി സ്വ​ദേ​ശി സെ​ബാ​സ്​​റ്റ്യ​ൻ (42),എ​ന്നി​വ​രെ​യാ​ണ് അ​റ​സ്​​റ്റ്​ ചെ​യ്​​ത​ത്.

നോട്ടടിക്കാൻ ഉപയോഗിക്കുന്ന ​െമഷീനും പേപ്പറും പിടിച്ചെടുത്തു

നെ​ടു​ങ്ക​ണ്ടം: അ​തി​ർ​ത്തി ചെ​ക്പോ​സ്​​റ്റാ​യ ക​മ്പം​മെ​ട്ടി​ൽ മൂ​ന്നു​ല​ക്ഷം രൂ​പ​യു​ടെ ക​ള്ള​നോ​ട്ട് പി​ടി​കൂ​ടി​യ സം​ഭ​വ​ത്തി​ലെ റി​മാ​ൻ​ഡ്​ പ്ര​തി​ക​ളു​മാ​യി പൊ​ലീ​സ്​ ത​മി​ഴ്നാ​ട്ടി​ൽ ന​ട​ത്തി​യ തെ​ളി​വെ​ടു​പ്പി​ൽ നോ​ട്ട​ടി​ക്കാ​ൻ ഉ​പ​യോ​ഗി​ക്കു​ന്ന മൂ​ന്ന​ര​ല​ക്ഷം രൂ​പ​യു​ടെ മെ​ഷീ​നും അ​ച്ച​ടി​ക്കാ​നു​ള്ള പേ​പ്പ​റും പി​ടി​ച്ചെ​ടു​ത്തു.

ആ​റം​ഗ സം​ഘ​ത്തി​ലെ ചി​ന്ന​മ​ന്നൂ​ർ സ്വ​ദേ​ശി മ​ഹാ​രാ​ജ​െൻറ വീ​ട്ടി​ൽ​നി​ന്നു​മാ​ണ് ഇ​വ ക​ണ്ടെ​ടു​ത്ത​ത്. പ്ര​തി​ക​ളു​മാ​യി ക​ഴി​ഞ്ഞ ശ​നി​യാ​ഴ്ച മു​ത​ൽ അ​ന്വേ​ഷ​ണ​സം​ഘം ത​മി​ഴ്നാ​ട്ടി​ലെ കോ​യ​മ്പ​ത്തൂ​ർ, തേ​നി, വീ​ര​പാ​ണ്ടി, ഉ​ത്ത​മ​പാ​ള​യം, കു​മ​ളി, ക​മ്പം എ​ന്നി​വി​ട​ങ്ങ​ളി​ൽ അ​ന്വേ​ഷ​ണം ന​ട​ത്തി.

ക​ള്ള​നോ​ട്ട് നി​ർ​മാ​ണ​വും വി​ത​ര​ണ​വും തു​ട​ങ്ങി​യി​ട്ട് ര​ണ്ടു​മാ​സം പി​ന്നി​ട്ട​താ​യി ഇ​വ​ർ പൊ​ലീ​സി​നോ​ട് പ​റ​ഞ്ഞു. കോ​യ​മ്പ​ത്തൂ​രും ക​മ്പ​വും കേ​ന്ദ്രീ​ക​രി​ച്ച് നോ​ട്ട് വി​ത​ര​ണം ന​ട​ത്താ​ൻ ഏ​ജ​ൻ​റു​മാ​രെ നി​യോ​ഗി​ച്ചി​രു​ന്ന​താ​യും പ്ര​തി​ക​ൾ വ്യ​ക്ത​മാ​ക്കി.

അ​ച്ച​ടി​ച്ച നോ​ട്ട് വി​ത​ര​ണം ചെ​യ്ത ഏ​ജ​ൻ​റു​മാ​രെ കേ​ന്ദ്രീ​ക​രി​ച്ച്​ അ​ന്വേ​ഷ​ണം തു​ട​രു​ക​യാ​ണ്. മ​ല​യാ​ളി​യ​ട​ക്കം ആ​റം​ഗ സം​ഘ​ത്തെ അ​ഞ്ചു​ദി​വ​സ​ത്തെ ക​സ്​​റ്റ​ഡി കാ​ലാ​വ​ധി​ക്കു​ശേ​ഷം ​​ചൊ​വ്വാ​ഴ്​​ച തി​രി​കെ കോ​ട​തി​യി​ൽ ഹാ​ജ​രാ​ക്കും.