വ്യാജവാര്‍ത്തകള്‍ കണ്ടെത്തല്‍ പാഠപുസ്തകത്തില്‍; ബ്രിട്ടനുമുമ്പേ​ നടപ്പാക്കി കേരളം

തി​രു​വ​ന​ന്ത​പു​രം: ഓ​ണ്‍ലൈ​ന്‍ വ​ഴി പ്ര​ച​രി​ക്കു​ന്ന വ്യാ​ജ​വാ​ര്‍ത്ത​ക​ള്‍ തി​രി​ച്ച​റി​യാ​നും ‘ഫാ​ക്ട് ചെ​ക്കി​ങ്ങി​ന്’ കു​ട്ടി​ക​ളെ പ​ര്യാ​പ്ത​രാ​ക്കാ​നും ല​ക്ഷ്യ​മി​ടു​ന്ന ഉ​ള്ള​ട​ക്കം കേ​ര​ള​ത്തി​ലെ അ​ഞ്ച്, ഏ​ഴ്​ ക്ലാ​സു​ക​ളി​ലെ പു​തി​യ ഐ.​സി.​ടി പാ​ഠ​പു​സ്ത​ക​ങ്ങ​ളു​ടെ ഭാ​ഗ​മാ​യി. ബ്രി​ട്ട​നി​ലെ കു​ടി​യേ​റ്റ​വി​രു​ദ്ധ ക​ലാ​പ​ത്തി​ന്‍റെ പ​ശ്ചാ​ത്ത​ല​ത്തി​ൽ പ്രൈ​മ​റി പാ​ഠ്യ​പ​ദ്ധ​തി​യി​ല്‍ ഇ​ക്കാ​ര്യം ഉ​ള്‍പ്പെ​ടു​ത്തു​മെ​ന്ന വാ​ര്‍ത്ത പു​റ​ത്തു​വ​ന്നി​രു​ന്നു.

2022ല്‍ ‘​സ​ത്യ​മേ​വ ജ​യ​തേ’ പ​ദ്ധ​തി​യു​ടെ ഭാ​ഗ​മാ​യി അ​ഞ്ചു​മു​ത​ല്‍ 10 വ​രെ ക്ലാ​സു​ക​ളി​ലെ 19.72 ല​ക്ഷം കു​ട്ടി​ക​ള്‍ക്ക് വ്യാ​ജ​വാ​ര്‍ത്ത​ക​ള്‍ പ്ര​തി​രോ​ധി​ക്കാ​നു​ള്ള പ്ര​ത്യേ​ക ഡി​ജി​റ്റ​ല്‍ സാ​ക്ഷ​ര​ത പ​രി​ശീ​ല​നം കൈ​റ്റി​ന്റെ നേ​തൃ​ത്വ​ത്തി​ല്‍ ന​ട​ന്നി​രു​ന്നു. 5920 പ​രി​ശീ​ല​ക​രു​ടെ സ​ഹാ​യ​ത്തോ​ടെ​യാ​ണ് യു.​പി ത​ല​ത്തി​ലെ 9.48 ല​ക്ഷം കു​ട്ടി​ക​ള്‍ക്കും ഹൈ​സ്കൂ​ളി​ലെ 10.24 ല​ക്ഷം കു​ട്ടി​ക​ള്‍ക്കും രാ​ജ്യ​ത്താ​ദ്യ​മാ​യി പ​രി​ശീ​ല​നം ന​ല്‍കി​യ​ത്.

‘സ​ത്യ​മേ​വ ജ​യ​തേ’​യു​ടെ അ​നു​ഭ​വം ഉ​ള്‍ക്കൊ​ണ്ടാ​ണ് പു​തി​യ ഐ.​സി.​ടി പാ​ഠ​പു​സ്ത​ക​ത്തി​ല്‍ വ്യാ​ജ​വാ​ര്‍ത്ത​ക​ളും ദു​രു​ദ്ദേ​ശ്യ​ത്തോ​ടെ​യു​ള്ള ഉ​ള്ള​ട​ക്ക​ങ്ങ​ളും തി​രി​ച്ച​റി​യാ​ന്‍ കു​ട്ടി​ക​ളെ പ​ര്യാ​പ്ത​മാ​ക്കു​ന്ന അ​ധ്യാ​യ​ങ്ങ​ള്‍ ഉ​ള്‍പ്പെ​ടു​ത്തി​യ​തെ​ന്ന് കൈ​റ്റ് സി.​ഇ.​ഒ കെ. ​അ​ന്‍വ​ര്‍ സാ​ദ​ത്ത് പ​റ​ഞ്ഞു. അ​ടു​ത്ത വ​ര്‍ഷം ആ​റ്, എ​ട്ട്, ഒ​മ്പ​ത്, 10 ക്ലാ​സു​ക​ളി​ലെ ഐ.​സി.​ടി പാ​ഠ​പു​സ്ത​ക​ങ്ങ​ള്‍‍ മാ​റു​മ്പോ​ള്‍ ഈ ​രം​ഗ​ത്തെ ഏ​റ്റ​വും പു​തി​യ വി​വ​ര​ങ്ങ​ള്‍കൂ​ടി അ​തി​ലു​ള്‍പ്പെ​ടു​ത്തും.

വ്യാ​ജ​വാ​ര്‍ത്ത​ക​ള്‍ തി​രി​ച്ച​റി​യാ​നും ആ​ധി​കാ​രി​ക​ത ഉ​റ​പ്പാ​ക്കാ​നും മാ​ത്ര​മ​ല്ല സ്ക്രീ​ന്‍ സ​മ​യം നി​യ​ന്ത്രി​ക്കാ​നും അ​ഞ്ചാം ക്ലാ​സി​ലെ ‘ഇ​ന്റ​ര്‍നെ​റ്റി​ല്‍ തി​ര​യു​മ്പോ​ള്‍’ എ​ന്ന അ​ധ്യാ​യ​ത്തി​ലു​ണ്ട്.

ഏ​ഴാം ക്ലാ​സി​ലെ ‘തി​ര​യാം, ക​ണ്ടെ​ത്താം’ എ​ന്ന അ​ധ്യാ​യ​ത്തി​ലും ല​ഭി​ക്കു​ന്ന വി​വ​ര​ങ്ങ​ളു​ടെ ആ​ധി​കാ​രി​ക​ത ഉ​റ​പ്പാ​ക്കു​ന്ന​തും തെ​റ്റാ​യ വി​വ​ര​ങ്ങ​ള്‍ പ്ര​ച​രി​പ്പി​ക്കു​ന്ന​തും പ​ങ്കു​വെ​ക്കു​ന്ന​തും കു​റ്റ​ക​ര​മാ​ണെ​ന്ന്​ വി​ശ​ദീ​ക​രി​ക്കു​ന്നു.