Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right‘ശൈലജ അടുത്ത...

‘ശൈലജ അടുത്ത മുഖ്യമന്ത്രി എന്ന ​വ്യാജ പേജ്​ ഉണ്ടാക്കാൻ സമയമായോ?’

text_fields
bookmark_border
‘ശൈലജ അടുത്ത മുഖ്യമന്ത്രി എന്ന ​വ്യാജ പേജ്​ ഉണ്ടാക്കാൻ സമയമായോ?’
cancel

കോഴിക്കോട്​: കോവിഡ് 19 രോഗബാധക്കിടെ സമൂഹമാധ്യമങ്ങളിൽ വ്യാജപ്രചരണങ്ങൾ കൊഴുപ്പിച്ച്​ സംഘ്​പരിവാർ ഗ്രൂപ്പു കൾ. സർക്കാറിനെതിരെയും വർഗീയ ചേരിതിരിവ്​ സൃഷ്​ടിക്കുന്നവിധത്തിലും വ്യാജ സന്ദേശങ്ങൾ പടച്ചുവിടുന്നത്​ സംബന്ധി ച്ച്​ ഫേസ്​ബുക്കിലെ സംഘ്​പരിവാർ ഗ്രൂപ്പിൽ നടന്ന ചർച്ച പുറത്തായി.

‘കേരള ഹൈന്ദവ ദര്‍ശനം’ എന്ന രഹസ്യ ഗ്രൂപ്പില്‍ ബി.ജെ.പി-ആര്‍.എസ്.എസ് പ്രവര്‍ത്തകര്‍ നടത്തിയ ചര്‍ച്ചകളുടെ സ്​ക്രീൻഷോട്ടാണ്​ പ്രചരിക്കുന്നത്​. കൊറോണ തടയാനുള്ള സര്‍ക്കാര്‍ സംവിധാനങ്ങളുടെ പ്രവര്‍ത്തനങ്ങള്‍ക്കെതിരെ പ്രചാരണം നടത്താനും ആഹ്വാനമുണ്ട്​.

ഹലാല്‍ ഭക്ഷണത്തിലൂടെ കൊറോണ പകരുമെന്ന് വ്യാജ ഐഡി വഴി പ്രചരിപ്പിക്കാനാണ് സൂരജ് എലന്തൂര്‍ എന്നയാൾ പറയുന്നത്. ആഹ്വാനത്തിന് പിന്തുണയുമായി ഗ്രൂപ്പിലെ മറ്റ് അംഗങ്ങളും കമൻറ്​ ചെയ്​തിട്ടുണ്ട്​. ‘ശൈലജ ടീച്ചർ അടുത്ത മുഖ്യമന്ത്രി എന്നപേരിൽ ​വ്യാജ പേജ്​ ഉണ്ടാക്കാൻ സമയമായോ?’ എന്നാണ്​ ഗ്രൂപ്പിലെ മറ്റൊരാളുടെ അന്വേഷണം. ‘ആ പ്രചാരണം അവർക്ക്​ ഗുണം ചെയ്യും. വസ്​തുതകൾ നിരത്തി ശക്​തമായി വിമർശിക്കുക’ എന്നാണ്​ അതിന്​ മറുപടിയായി രൂപേഷ്​ എന്നയാൾ കമൻറിട്ടിരിക്കുന്നത്​.

പത്ത് ദിവസം കൂടി കാത്തിരുന്നശേഷം ഇത്തരത്തിലുള്ള പ്രചാരണങ്ങള്‍ സോഷ്യല്‍ മീഡിയ വഴി നടത്താമെന്ന് അരുണ്‍ ഗോപാല്‍ എന്നയാൾ പറയുന്നു. ജനങ്ങളെ തമ്മിലടിപ്പിക്കാനുള്ള 'സെറ്റപ്പ്' ഉണ്ടാക്കാം എന്ന് കൃഷ്‌ണ ദാസ് എന്നയാളും കമന്‍റ് ചെയ്‌തിട്ടുണ്ട്.

Show Full Article
TAGS:fake news bjp sangh parivar malayalam news 
News Summary - fake message propaganda in fb
Next Story