മുല്ലപ്പെരിയാൻ ഡാം ​െപാട്ടിയെന്ന്​ സന്ദേശമിട്ട യുവാവിനെ അറസ്​റ്റ്​​ ചെയ്​തു

പാലക്കാട്​: പ്രളയക്കെടുതിക്കിടെ മുല്ലപ്പെരിയാർ ഡാം പൊട്ടിയെന്ന് പറഞ്ഞ് വോയ്സ് മെസേജ് അയച്ച യുവാവിനെ നെന്മാറ പൊലീസ് അറസ്റ്റ് ചെയ്തു. നെന്മാറ നെല്ലിക്കാട്ട് പറമ്പ് അശ്വിൻ ബാബുവിനെയാണ് അറസ്റ്റ് ചെയ്തത്.

പ്രളയദുരിതത്തിനിടെ നിരവധി തെറ്റിദ്ധാരണാജനകമായ സന്ദേശങ്ങൾ സമൂഹമാധ്യമങ്ങൾ വഴി പ്രചരിച്ചിരുന്നു. ജനങ്ങളെ ഭീതിയിലാഴ്​ത്തുന്ന ഇത്തരം വ്യാജ സന്ദേശങ്ങൾ അയക്കുന്നവർക്കും അത്​ പ്രചരിപ്പിക്കുന്നവർക്കുമെതിരെ ശക്​തമായ നടപടികൾ സ്വീകരിക്കുമെന്ന്​ സർക്കാറും പൊലീസും മുന്നറിയിപ്പ്​ നൽകിയിരുന്നു.