വ്യാജരേഖ കേസ്: പോള്‍ തേലക്കാടിന്​ മുഖ്യപ​ങ്കെന്ന്​ മുൻ വൈദിക സമിതി അംഗം

കൊച്ചി: സീറോ മലബാർ സഭ ആർച്ച്​ ബിഷപ്​ കർദിനാൾ മാർ ജോർജ്​ ആലഞ്ചേരിക്കെതിരായ വ്യാജരേഖ കേസിൽ സഭ മുൻ വക്താവ്​ ഫാ ​. പോൾ തേലക്കാട്ടിനെതിരെ ആരോപണവുമായി മുൻ വൈദിക സമിതി അംഗം. വ്യാജരേഖ ചമച്ചതിൽ പോൾ തേലക്കാട്ട്​ മുഖ്യ പങ്ക്​ വഹിച്ചിട്ടുണ്ടെന്നും സഭയിലെ പതിനഞ്ചോളം വൈദികർ ഇതിന്​ ഒത്താശ ചെയ്​തെന്നുമാണ്​ ഫാ. ആൻറണി പൂതവേലിലി​​െൻറ ആരോ പണം.

വിവാദ ഭൂമി ഇടപാടിന്​ പിന്നാലെ മാർ ജോർജ്​ ആലഞ്ചേരിയുടെ രഹസ്യ ബാങ്ക്​ അക്കൗണ്ട്​ വഴി ലക്ഷങ്ങളുടെ പണമി ടപാട്​ നടന്നതായി ആരോപിച്ച്​ ഇക്കാര്യം തെളിയിക്കുന്ന രേഖകൾ നേരത്തേ പോൾ തേലക്കാട്ട്​ അഡ്​മിനിസ്​ട്രേറ്റർ ബിഷപ്​ ജേക്കബ് മാനന്തോടത്തിന്​ കൈമാറുകയും ബിഷപ്​ ഇവ സിനഡിന്​ മുന്നിൽ സമർപ്പിക്കുകയും ചെയ്​തിരുന്നു. എന്നാൽ, കർദിനാളിന്​ ഇങ്ങനെയൊരു അക്കൗണ്ടില്ലെന്നും രേഖകൾ വ്യാജമാണെന്നും പൊലീസ്​ കഴിഞ്ഞ ദിവസം കണ്ടെത്തി. ഇതിന്​ പിന്നാലെയാണ്​ ഫാ. പോൾ തേലക്കാട്ടി​​െൻറ നേതൃത്വത്തിലാണ്​ വ്യാജരേഖ ചമച്ചതെന്ന ആരോപണവുമായി മുൻ വൈദികസമിതി അംഗം രംഗത്തെത്തിയത്​.

കർദിനാൾ വിരുദ്ധ പക്ഷക്കാരായ ഒരു വിഭാഗം വൈദികരാണ്​ വ്യജരേഖക്ക്​ പിന്നിലെന്നും ഇതിനായി ഇവർ 10 ലക്ഷം രൂപ ചെലവഴിച്ചെന്നും ആൻറണി പൂതവേലിൽ ആരോപിക്കുന്നു. വ്യാ​ജരേഖകേസ്​ അട്ടിമറിക്കാനാണ്​​ ഒരുകൂട്ടം വൈദികർ ശ്രമിക്കുന്നത്​. കൂടുതൽ വിവരങ്ങൾ അന്വേഷണ സംഘത്തോട്​ വെളിപ്പെടുത്തുമെന്നും ആൻറണി പൂതവേലിൽ അറിയിച്ചു.
അതേസമയം, ഫാ. ആൻറണി പൂതവേലിലിൻെറ ആരോപണങ്ങൾ എന്ത്​ അടിസ്​ഥാനത്തിലാണെന്നും മറ്റൊരു വൈദികനെതിരെ പ്രതികരിക്കാൻ താൽപര്യമില്ലെന്നും ഫാ. പോൾ തേലക്കാട്ട്​ ‘മാധ്യമ’ത്തോട്​ പറഞ്ഞു.

കൈയിൽ കിട്ടിയ ചില രേഖകൾ ബിഷപ്പിന്​ കൈമാറുക മാത്രമാണ്​ താൻ ചെയ്​തത്​. മറ്റൊരു കാര്യത്തിലും ഇടപെട്ടിട്ടില്ല. ഈ കേസിൽ തന്നെയും ബിഷപ്​ ജേക്കബ് മാനന്തോടത്തിനെയും പ്രതികളാക്കാൻ ഉദ്ദേശിച്ചിട്ടില്ലെന്ന്​ മാർ ജോർജ്​ ആലഞ്ചേരി സർക്കുലർ പുറപ്പെടുവിച്ചതാണ്​. എന്നിട്ടും പ്രതികളാക്കിയത്​ എന്തിന്​ എന്ന ചോദ്യം നിലനിൽക്കുന്നു. ഫാ. ആൻറണി പൂതവേലിലും താനും തമ്മിൽ ഒരിക്കലും അഭിപ്രായവ്യത്യാസം ഉണ്ടായിട്ടില്ലെന്നും ഫാ. തേലക്കാട്ട്​ പറഞ്ഞു.