Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകർദിനാളിനെതിരെ വ്യാജ...

കർദിനാളിനെതിരെ വ്യാജ രേഖ: വൈദികരടക്കം നാലുപേർക്കെതിരെ കുറ്റപത്രം

text_fields
bookmark_border
alenchery-bishap
cancel

കൊച്ചി: സീറോ മലബാർ സഭാധ്യക്ഷൻ മേജർ ആർച് ബിഷപ്​ കർദിനാൾ ജോർജ് ആലഞ്ചേരിയെ അപകീർത്തിപ്പെടുത്തുക എന്ന ലക്ഷ്യത്തോടെ വ്യാജ രേഖ ചമച്ചെന്ന കേസിൽ മൂന്ന്​ വൈദികർ അടക്കം നാല്​ പ്രതികൾക്കെതിരെ പൊലീസ്​ കുറ്റപത്രം സമർപ്പിച്ചു. നഗരത്തിലെ ആഡംബര ഹോട്ടലുകളിലേക്ക്​ കർദിനാളി​െൻറ അക്കൗണ്ടിൽ നിന്നും ലക്ഷങ്ങൾ കൈമാറിയെന്ന്​ വരുത്തിത്തീർക്കാനുള്ള വ്യാജരേഖകൾ നിർമിച്ചെന്ന കേസിലാണ്​ തൃക്കാക്കര പൊലീസ്​ കാക്കനാട്​ ജുഡീഷ്യൽ ഫസ്​റ്റ്​ ക്ലാസ്​ മജിസ്​ട്രേറ്റ്​ കോടതി മുമ്പാകെ കുറ്റപത്രം നൽകിയത്​.

ഫാ.ആൻറണി കല്ലൂക്കാരൻ, ഫാ.പോൾ തേലക്കാട്ട്​, ഫാ.ബെന്നി ജോൺ മാറംപറമ്പിൽ, ആദിത്യ സക്കറിയ വളവി എന്നിവരെയാണ്​ കുറ്റപത്രത്തിൽ ഒന്ന്​ മുതൽ നാലുവരെ​ പ്രതികളായി ചേർത്തിരിക്കുന്നത്​. കർദിനാൾ മാർ ജോർജ് ആലഞ്ചേരിയുടെ പേരിലുള്ള അക്കൗണ്ടിൽ നിന്നും 2016 സെപ്റ്റംബർ 21ന് ലുലു കൺ​െവൻഷൻ സെൻററി​െൻറ അക്കൗണ്ടിലേക്ക് 8.93 ലക്ഷം രൂപയും ഒക്ടോബർ 12ന്​ മാരിയറ്റ് കോർട്ട് യാഡ് ഹോട്ടലി​െൻറ അക്കൗണ്ടിലേക്ക് 16 ലക്ഷം രൂപയും 2017 ജൂലൈ ഒമ്പതിന്​ മാരിയറ്റ് ലുലു ഹോട്ടലി​െൻറ അക്കൗണ്ടിലേക്ക് 85,000 രൂപയും മാറ്റിയെന്ന്​ വരുത്തിത്തീർക്കാൻ പ്രതികൾ വ്യാജരേഖ ചമച്ചതായാണ്​ പൊലീസി​െൻറ കണ്ടെത്തൽ.

ഇതിനു പുറമേ മാരിയറ്റ് വെക്കേഷൻ ക്ലബിൽ കർദിനാളിന് അംഗത്വമുണ്ടെന്നും ലുലു മാളിൽ കർദിനാളി​െൻറ നേതൃത്വത്തിൽ 15 പേർ യോഗം ചേർന്നെന്നും വരുത്തിത്തീർക്കാനും വ്യാജരേഖ പ്രതികളുണ്ടാക്കിയെന്നും പൊലീസ്​ കുറ്റപത്രത്തിൽ പറയുന്നു. 2018 ആഗസ്​റ്റ്​ 20 മുതലുള്ള തീയതികളിലാണ് ഇതിനായുള്ള രേഖകൾ നാലാം പ്രതിയുടെ സഹായത്തോടെ ഉണ്ടാക്കിയതത്രേ. വ്യാജ രേഖകൾ ഹാജരാക്കി 2019 ജനുവരി ഏഴ്​ മുതൽ കാക്കനാട് മൗണ്ട് സെൻറ്​ തോമസിൽ നടന്ന സിനഡിൽവെച്ച്​ കർദിനാളിനെ അപമാനിക്കുകയായിരുന്നു ലക്ഷ്യംവെച്ചതെന്നാണ്​ പൊലീസ്​ പറയുന്നത്​.

പ്രതികൾക്കെതിരെ ഗൂഢാലോചന, വ്യാജ രേഖ ചമക്കൽ, വഞ്ചിക്കുക എന്ന ഉദ്ദേശ്യത്തോടെ വ്യാജ രേഖ ചമക്കുക, വ്യാജ രേഖ അറിഞ്ഞുകൊണ്ട്​ ഒറിജിനൽ എന്ന രീതിയിൽ ഉപയോഗിക്കുക, അപമാനിക്കുക എന്ന ഉദ്ദേശ്യത്തോടെ വ്യാജ രേഖ ചമക്കുക തുടങ്ങി വിവിധ കുറ്റങ്ങൾ ചുമത്തിയാണ്​ കുറ്റപത്രം. കേസിൽ നേരത്തേ അറസ്​റ്റിലായ വിഷ്​ണു റോയി എന്നയാളെ മാപ്പുസാക്ഷിയാക്കിയാണ്​ അന്വേഷണം പൂർത്തിയാക്കിയത്​.

Show Full Article
TAGS:Fake Document Case mar alencherry 
News Summary - Fake Document Case against mar alencherry: charge sheet submitted
Next Story