വ്യാജബിരുദ സർട്ടിഫിക്കറ്റ്: നിഖിലിനെ കണ്ടെത്താൻ അന്വേഷണം ഊർജിതം

കാ​യം​കു​ളം: വ്യാ​ജ സ​ർ​ട്ടി​ഫി​ക്ക​റ്റു​ക​ളു​ടെ പി​ൻ​ബ​ല​ത്തി​ൽ എം.​എ​സ്.​എം കോ​ള​ജി​ൽ എം.​കോം പ്ര​വേ​ശ​നം നേ​ടി​യ സം​ഭ​വ​ത്തി​ൽ ഒ​ളി​വി​ൽ പോ​യ മു​ൻ എ​സ്.​എ​ഫ്.​ഐ നേ​താ​വി​നാ​യി അ​ന്വേ​ഷ​ണം ഊ​ർ​ജി​ത​മാ​യി. എ​സ്.​എ​ഫ്.​ഐ മു​ൻ ഏ​രി​യ സെ​ക്ര​ട്ട​റി​യും ജി​ല്ല ക​മ്മി​റ്റി അം​ഗ​വു​മാ​യി​രു​ന്ന കാ​യം​കു​ളം മാ​ർ​ക്ക​റ്റി​ൽ കി​ളി​ലേ​ത്ത് വീ​ട്ടി​ൽ നി​ഖി​ൽ തോ​മ​സി​നാ​യി (23) വി​വി​ധ സം​ഘ​ങ്ങ​ളാ​യി തി​രി​ഞ്ഞാ​ണ് പൊ​ലീ​സ് അ​ന്വേ​ഷ​ണം മു​ന്നേ​റു​ന്ന​ത്.

ക​ലിം​ഗ സ​ർ​വ​ക​ലാ​ശാ​ല​യി​ൽ പൊ​ലീ​സ് നേ​രി​ട്ട് ന​ട​ത്തി​യ അ​ന്വേ​ഷ​ണ​ത്തി​ൽ ഇ​ങ്ങ​നെ​യൊ​രു വി​ദ്യാ​ർ​ഥി അ​വി​ടെ ഉ​ണ്ടാ​യി​രു​ന്നി​ല്ലെ​ന്ന് ബോ​ധ്യ​പ്പെ​ട്ടി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ ഇ​യാ​ൾ പ​ഠി​ച്ച എം.​എ​സ്.​എം കോ​ള​ജി​ൽ​നി​ന്ന്​ ഇ​തു​മാ​യി ബ​ന്ധ​പ്പെ​ട്ട എ​ല്ലാ​രേ​ഖ​ക​ളും പൊ​ലീ​സ് ക​ണ്ടു​കെ​ട്ടി. പ്ര​വേ​ശ​ന ന​ട​പ​ടി​ക​ൾ സം​ബ​ന്ധി​ച്ച് അ​ന്ന് ചു​മ​ത​ല​യി​ലു​ണ്ടാ​യി​രു​ന്ന അ​ധ്യാ​പ​ക-​അ​ന​ധ്യാ​പ​ക​രെ ചോ​ദ്യം ചെ​യ്യു​മെ​ന്നാ​ണ് അ​റി​യു​ന്ന​ത്.

തി​രു​വ​ന​ന്ത​പു​ര​ത്തു​ണ്ടാ​യി​രു​ന്ന നി​ഖി​ൽ തി​ങ്ക​ളാ​ഴ്ച രാ​ത്രി വീ​ട്ടി​ലെ​ത്തി​യ ശേ​ഷ​മാ​ണ് മൊ​ബൈ​ൽ സ്വി​ച്ച് ഓ​ഫ് ചെ​യ്ത് ഒ​ളി​വി​ൽ പോ​യ​തെ​ന്നാ​ണ് പ്രാ​ഥ​മി​ക നി​ഗ​മ​നം. ഒ​ളി​ത്താ​വ​ളം ക​ണ്ടെ​ത്തു​ന്ന​തി​നാ​യി ഇ​യാ​ളു​ടെ സു​ഹൃ​ത്തു​ക്ക​ളെ ക​സ്റ്റ​ഡി​യി​ൽ എ​ടു​ത്ത് പൊ​ലീ​സ് ചോ​ദ്യം ചെ​യ്യു​ന്നു​ണ്ട്. 465, 471, 468 എ​ന്നീ വ​കു​പ്പു​ക​ളാ​ണ് നി​ഖി​ലി​ന് എ​തി​രെ ചു​മ​ത്തി​യി​രി​ക്കു​ന്ന​ത്. വ​ഞ്ച​ന ചെ​യ്യ​ണ​മെ​ന്ന ഉ​ദ്ദേ​ശ്യ​ത്തോ​ടെ​യു​ള്ള വ്യാ​ജ​രേ​ഖ നി​ർ​മാ​ണ​മാ​ണ് പ്ര​ധാ​ന കു​റ്റം. ഡി​വൈ.​എ​സ്.​പി ജി. ​അ​ജ​യ്നാ​ഥി​ന്‍റെ​യും സി.​ഐ മു​ഹ​മ്മ​ദ് ഷാ​ഫി​യു​ടെ​യും നേ​തൃ​ത്വ​ത്തി​ലു​ള്ള പ​ത്ത് അം​ഗ​ങ്ങ​ൾ അ​ട​ങ്ങു​ന്ന പ്ര​ത്യേ​ക സം​ഘ​മാ​ണ് കേ​സ് അ​ന്വേ​ഷി​ക്കു​ന്ന​ത്. ഇ​യാ​ളെ ക​സ്റ്റ​ഡി​യി​ൽ ല​ഭി​ച്ചാ​ൽ മാ​ത്ര​മേ ത​ട്ടി​പ്പി​ന്‍റെ ആ​ഴം സം​ബ​ന്ധി​ച്ച് വ്യ​ക്ത​ത വ​രു​ക​യു​ള്ളൂ​വെ​ന്ന് ഡി​വൈ.​എ​സ്.​പി അ​ജ​യ്നാ​ഥ് പ​റ​ഞ്ഞു.

അ​തേ​സ​മ​യം, വ്യാ​ജ ബി​രു​ദ സ​ർ​ട്ടി​ഫി​ക്ക​റ്റ് ത​യാ​റാ​ക്കി​യ​തി​ന് പി​ന്നി​ൽ മു​ൻ എ​സ്.​എ​ഫ്.​ഐ നേ​താ​വി​ന്‍റെ നേ​തൃ​ത്വ​ത്തി​ൽ വ​ൻ സം​ഘം പ്ര​വ​ർ​ത്തി​ച്ചി​രു​ന്ന​താ​യാ​ണ് പു​റ​ത്തു​വ​രു​ന്ന വി​വ​ര​ങ്ങ​ൾ. ഏ​രി​യ​യു​ടെ ഉ​ത്ത​ര​വാ​ദി​ത്തം വ​ഹി​ക്കു​ന്ന സ​മ​യ​ത്താ​ണ് ഇ​യാ​ൾ വ്യാ​ജ ബി​രു​ദ സ​ർ​ട്ടി​ഫി​ക്ക​റ്റ് ലോ​ബി​യു​ടെ ഇ​ട​നി​ല​ക്കാ​ര​നാ​യി പ്ര​വ​ർ​ത്തി​ച്ച​ത​ത്രേ. പി​ന്നീ​ട് സം​ഘ​ട​ന ന​ട​പ​ടി​യി​ൽ പാ​ർ​ട്ടി​യി​ൽ​നി​ന്ന്​ പു​റ​ത്താ​യ​തോ​ടെ വി​ദേ​ശ​ത്തേ​ക്ക് പോ​കു​ക​യാ​യി​രു​ന്നു. എ​സ്.​എ​ഫ്.​ഐ​യി​ലെ വി​ഭാ​ഗീ​യ​ത​യി​ൽ ഇ​രു​പ​ക്ഷ​മാ​യി തി​രി​ഞ്ഞ​തോ​ടെ​യാ​ണ് തു​റു​പ്പു​ചീ​ട്ടെ​ന്ന നി​ല​യി​ൽ നി​ഖി​ലി​ന്‍റെ വ്യാ​ജ സ​ർ​ട്ടി​ഫി​ക്ക​റ്റ് വി​ഷ​യം ഇ​വ​ർ സം​ഘ​ട​ന​ക്ക​ക​ത്ത് ച​ർ​ച്ച​യാ​ക്കി​യ​തെ​ന്നാ​ണ് പ​റ​യു​ന്ന​ത്.