മീൻ വണ്ടിയിൽ കഞ്ചാവ് കടത്തെന്ന് വ്യാജസന്ദേശം നൽകി എക്സൈസിനെ കബളിപ്പിച്ചു

ചാലക്കുടി: എക്സൈസ് വിഭാഗം വ്യാജ സന്ദേശത്തിൽ കുടുങ്ങി. അജ്ഞാത​െൻറ ഫോൺ വിളിയെ തുടർന്ന് വാഹനം തടഞ്ഞ് പരിശോധന നടത്തിയ എക്സൈസ് സംഘമാണ് കബളിപ്പിക്കപ്പെട്ടത്.

വിശാഖപട്ടണത്തുനിന്ന് കൊച്ചിയിലേക്ക് മീൻ കൊണ്ടുവരുന്ന കണ്ടെയ്നർ ലോറിയിൽ കഞ്ചാവുണ്ടെന്നായിരുന്നു സന്ദേശം. ബുധനാഴ്ച ഉച്ചക്ക്​ 12ഓടെ വിവരമറിഞ്ഞ് എക്സൈസ് സംഘം രണ്ട്​ ജീപ്പുകളിൽ പാഞ്ഞെത്തി ദേശീയപാതയിലെ നഗരസഭ ജങ്​ഷനിൽ നിലയുറപ്പിക്കുകയായിരുന്നു. ലോറി വന്നെപ്പോൾ തടഞ്ഞുനിർത്തി. മറ്റ് വാഹനങ്ങൾക്ക് തടസ്സമുണ്ടാകാതിരിക്കാൻ സർവിസ് റോഡിലേക്ക് മാറ്റിയിട്ടാണ് പരിശോധിച്ചത്.

ചാലക്കുടി എക്സൈസ് ഇൻസ്പെക്ടർ രാജേഷി​െൻറ നേതൃത്വത്തിൽ കണ്ടെയ്നർ തുറന്ന് പരിശോധിച്ചെങ്കിലും കഞ്ചാവ് കണ്ടെത്താനായില്ല.

മത്സ്യം കൊണ്ടുപോകുന്ന പെട്ടികൾ മാത്രമേ അതിൽ ഉണ്ടായിരുന്നുള്ളൂ. വ്യാജ സന്ദേശത്തി‍െൻറ ഉറവിടം കണ്ടെത്താനുള്ള ശ്രമത്തിലാണ് എക്‌സൈസ്.