എറണാകുളത്ത് ട്രെയിൻ മിസ്സായി; ബോംബ് വെച്ചിട്ടുണ്ടെന്ന് വിളിച്ചുപറഞ്ഞ് അടുത്ത ട്രെയിനിൽ പിന്നാലെയെത്തി, രാ​ജ​സ്ഥാ​ൻ സ്വ​ദേ​ശി അറസ്റ്റിൽ

ഷൊ​ർ​ണൂ​ർ: ഡ​ൽ​ഹി​യി​ലേ​ക്കു​ള്ള രാ​ജ​ധാ​നി എ​ക്സ്പ്ര​സി​ൽ ബോം​ബ് വെ​ച്ചി​ട്ടു​ണ്ടെ​ന്ന് വി​ളി​ച്ചു​പ​റ​ഞ്ഞ യാ​ത്ര​ക്കാ​ര​ൻ അ​റ​സ്റ്റി​ലാ​യി. രാ​ജ​സ്ഥാ​ൻ സ്വ​ദേ​ശി ജ​യ് സി​ങ് റാ​ത്തോ​ഡ് (46) ആ​ണ് അ​റ​സ്റ്റി​ലാ​യ​ത്.

സം​ഭ​വ​ത്തെ​ക്കു​റി​ച്ച് റെ​യി​ൽ​വേ പൊ​ലീ​സ് പ​റ​യു​ന്ന​തി​ങ്ങ​നെ: രാ​ജ​ധാ​നി എ​ക്സ്പ്ര​സി​ൽ എ​റ​ണാ​കു​ള​ത്തു​നി​ന്ന് ക​യ​റാ​ൻ ജ​യ് സി​ങ്​ ടി​ക്ക​റ്റെ​ടു​ത്തി​രു​ന്നു. എ​ന്നാ​ൽ, ട്രെ​യി​ൻ പു​റ​പ്പെ​ടു​ന്ന സ​മ​യ​ത്ത് ഇ​യാ​ൾ​ക്ക് സ്റ്റേ​ഷ​നി​ൽ എ​ത്താ​നാ​യി​ല്ല. തുടർന്ന് 139 ന​മ്പ​റി​ൽ വി​ളി​ച്ച് ട്രെ​യി​നി​ൽ ബോം​ബ് വെ​ച്ചി​ട്ടു​ണ്ടെ​ന്ന് അ​റി​യി​ക്കു​ക​യാ​യി​രു​ന്നു.

തൊ​ട്ട് പി​റ​കെ​യു​ള്ള ട്രെ​യി​നി​ൽ തൃ​ശൂ​രി​ലെ​ത്തി​യാ​ലും ക​യ​റി​പ്പ​റ്റാ​നാ​കി​ല്ലെ​ന്ന്​ അ​റി​ഞ്ഞ​തോ​ടെ​യാ​ണ്​ ഇ​ങ്ങ​നെ ചെ​യ്ത​ത്. സ​ന്ദേ​ശം ല​ഭി​ച്ച​തി​ന്​ പി​റ​കെ രാ​ജ​ധാ​നി എ​ക്സ്പ്ര​സ് ഷൊ​ർ​ണൂ​ർ ജ​ങ്​​ഷ​നി​ൽ നി​ർ​ത്തി​യി​ട്ട് പ​രി​ശോ​ധ​ന ന​ട​ത്തി. ര​ണ്ട​ര മ​ണി​ക്കൂ​റോ​ളം പ​രി​ശോ​ധ​ന തു​ട​ർ​ന്നു. ഈ ​സ​മ​യം തൃ​ശൂ​രി​ൽ ട്രെ​യി​നി​റ​ങ്ങി​യ ജ​യ് സി​ങ്​ ഓ​ട്ടോ​റി​ക്ഷ​യി​ൽ ഷൊ​ർ​ണൂ​രി​ലെ​ത്തി നി​ർ​ത്തി​യി​ട്ട ട്രെ​യി​നി​ൽ ക​യ​റി​ക്കൂ​ടു​ക​യാ​യി​രു​ന്നു.

എ​റ​ണാ​കു​ള​ത്തു​നി​ന്ന് ജ​യ് സി​ങ്​ ക​യ​റി​യി​ട്ടി​ല്ലെ​ന്ന വി​വ​ര​വും ശേ​ഖ​രി​ച്ചി​രു​ന്നു. എ​ന്നാ​ൽ, ബു​ക്ക് ചെ​യ്ത ബ​ർ​ത്തി​ൽ ജ​യ് സി​ങ്​ ഇ​രി​ക്കു​ന്നു​ണ്ടാ​യി​രു​ന്നു. സം​ശ​യം തോ​ന്നി ഇ​യാ​ളെ ചോ​ദ്യം ചെ​യ്ത​പ്പോ​ഴാ​ണ് ട്രെ​യി​നി​ൽ ക​യ​റി​പ്പ​റ്റാ​നു​ള്ള കു​ബു​ദ്ധി വെ​ളി​വാ​യ​ത്.