ഫൈസൽ ഫരീദ്​ ദുബൈയിൽ പിടിയിൽ; ഇന്ത്യക്ക്​ ഉടൻ കൈമാറും

ദു​ബൈ: സ്വ​ർ​ണ​ക്ക​ട​ത്തു കേ​സി​ൽ ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ.​െ​എ.​എ) മൂ​ന്നാം​പ്ര​തി​യെ​ന്ന്​ ക​ണ്ടെ​ത്തി​യ തൃ​ശൂ​ർ സ്വ​ദേ​ശി ഫൈ​സ​ൽ ഫ​രീ​ദി​നെ​ യു.​എ.​ഇ​യി​ൽ അ​ന്വേ​ഷ​ണ സം​ഘം ക​സ്​​റ്റ​ഡി​യി​ലെ​ടു​ത്ത​താ​യി സൂ​ച​ന. ഇ്യാളെ ഉടൻ ഇന്ത്യക്ക്​ കൈമാറുമെന്നാണ്​ കരുതുന്നത്​. ഫൈ​സ​ലി​നെ​ക്കു​റി​ച്ച്​ പ​രാ​തി കൈ​മാ​റി​യ ഉ​ട​ൻ​ത​ന്നെ ​വി​ശ​ദാ​ന്വേ​ഷ​ണം ആ​രം​ഭി​ച്ച ദു​ബൈ പൊ​ലീ​സ്​ ക​ഴി​ഞ്ഞ ദി​വ​സ​ങ്ങ​ളി​ൽ ഇ​യാ​ളെ ചോ​ദ്യം ചെ​യ്​​തി​രു​ന്നു.

തു​ട​ർ​ന്ന്​ പൊ​ലീ​സി​​െൻറ ക​ർ​ശ​ന നി​രീ​ക്ഷ​ണ​ത്തി​ലാ​യി​രു​ന്നു ഫൈ​സ​ൽ. ദു​ബൈ പൊ​ലീ​സ്​ അ​റ​സ്​​റ്റ്​ ചെ​യ്​​തു എ​ന്ന അ​ഭ്യൂ​ഹം പ​ര​ന്ന​തോ​ടെ വി​വ​രം സ്ഥി​രീ​ക​രി​ക്കാ​ൻ മാ​ധ്യ​മ​ങ്ങ​ളും സു​ഹൃ​ത്തു​ക്ക​ളും ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ട്ടി​ല്ല. 

ഫൈ​സ​ലി​നെ അ​റ​സ്​​റ്റ്​ ചെ​യ്​​ത​താ​യി ദു​ബൈ പൊ​ലീ​സ്​ അ​ധി​കൃ​ത​രും സ്ഥി​രീ​ക​രി​ച്ചി​ട്ടി​ല്ല. അ​തേ​സ​മ​യം, യു.​എ.​ഇ​യു​ടെ ​ഒൗ​ദ്യോ​ഗി​ക മു​ദ്ര​ക​ൾ വ്യാ​ജ​മാ​യി നി​ർ​മി​ച്ചു, അ​ന​ധി​കൃ​ത​മാ​യി സ്വ​ർ​ണം അ​യ​ച്ചു, ന​യ​ത​ന്ത്ര കാ​ര്യാ​ല​യ​ത്തി​​െൻറ വി​ലാ​സം ദു​രു​പ​യോ​ഗം ചെ​യ്​​തു തു​ട​ങ്ങി ഇ​ന്ത്യ ന​ൽ​കി​യ തെ​ളി​വു​ക​ളും സൂ​ച​ന​ക​ളു​മെ​ല്ലാം അ​തി​ഗൗ​ര​വ​ത്തോ​ടെ​യാ​ണ്​ യു.​എ.​ഇ​യി​ലെ അ​ന്വേ​ഷ​ണ സം​ഘം കാ​ണു​ന്ന​ത്. അ​തി​നാ​ൽ ഫെ​ഡ​റ​ൽ അ​ന്വേ​ഷ​ണ ഏ​ജ​ൻ​സി ഇ​യാ​ളി​ൽ​നി​ന്ന്​ തെ​ളി​വെ​ടു​ത്ത ശേ​ഷം മാ​ത്ര​മാ​യി​രി​ക്കും അ​റ​സ്​​റ്റ്​ രേ​ഖ​പ്പെ​ടു​ത്തി ഇ​ന്ത്യ​ക്ക്​ കൈ​മാ​റു​ക.

ഫൈ​സ​ലി​​െൻറ പാ​സ്​​പോ​ർ​ട്ട്​ ഇ​ന്ത്യ റ​ദ്ദാ​ക്കി​യി​രു​ന്നു. ഇയാൾക്കെതിരെ നേ​ര​ത്തേ യു.​എ.​ഇ​യി​ൽ ​ ചെ​ക്ക്​ കേ​സു​ക​ളാ​ണു​ണ്ടാ​യി​രു​ന്ന​ത്​. എ​ന്നാ​ൽ, ദേ​ശ​സു​ര​ക്ഷ​യെ ബാ​ധി​ക്കു​ന്ന കേ​സ്​ എ​ന്ന നി​ല​യി​ലാ​ണ്​ ഇ​ന്ത്യ​യി​ൽ ര​ജി​സ്​​റ്റ​ർ ചെ​യ്​​ത കേ​സി​ലെ യു.​എ.​ഇ​ ഇ​ട​പെ​ട​ൽ.