ഫേസ്​ബുക്ക്​ കെണിയാക്കി കവർച്ച; ദമ്പതികൾ ഉൾപ്പെടെ ഏഴംഗസംഘം അറസ്​റ്റിൽ

തിരുവനന്തപുരം: ഫേസ്​ബുക്കിലൂടെ പരിചയം നടിച്ച്​ യുവാക്കളെ മർദിച്ച്​ പണവും രേഖകളും തട്ടിയ യുവതിയും ഭർത്താവും ഉൾപ്പെട്ട ഏഴംഗസംഘം പൊലീസ് പിടിയിൽ. കവടിയാർ നന്തൻകോട് ജിത്തു ഭവനിൽ ജിനു ജയൻ(19), ഭർത്താവ്​  കണ്ണമ്മൂല കൊല്ലൂർ തോട്ടുവരമ്പുവീട്ടിൽ വിഷ്ണു (24) എന്നിവരും കൂട്ടാളികളുമാണ് പിടിയിലായത്. ദമ്പതികളായ ഇവർ ഭഗത് സിങ്​ റോഡിൽ വാടകക്ക്​ താമസിച്ചാണ് തട്ടിപ്പ് നടത്തിയതെന്ന്​ പേട്ട പൊലീസ് പറഞ്ഞു. സഹായികളായ അബിൻഷാ (22), ആഷിക്(22), മൻസൂർ(20), സ്​റ്റാലിൻ(26), വിവേക് (21) എന്നിവരും പിടിയിലായി. 

ഫേസ്​ബുക്ക്​  ചാറ്റിലൂടെ യുവാവുമായി പരിചയപ്പെട്ട ജിനു ഇയാ​െളയും സുഹൃത്തി​െനയും വീട്ടിലേക്ക് വിളിച്ചുവരുത്തി. തുടർന്ന്​ കൊല്ലുമെന്ന്​ ഭീഷണിപ്പെടുത്തി കാറിൽ കയറ്റിക്കൊണ്ടുപോയി മർദിച്ച്​ 40,000 രൂപയും മൊബൈൽ ഫോണും എ.ടി.എം കാർഡുകളും തട്ടിയെടുത്തതായി പൊലീസ് പറഞ്ഞു. ഇൗമാസം 23 നായിരുന്നു സംഭവം. 

എസ്.എച്ച്.ഒ സജുകുമാർ, എസ്.ഐമാരായ സുവർണകുമാർ, വിനോദ്, പ്രതാപൻ, എ.എസ്​.​െഎ സുരേഷ്​, സി.പി.ഒമാരായ സന്തോഷ്​, സുരേഷ്​, പ്രവീൺ, രഞ്​ജിത്ത്​, ഉദയൻ, ജയശ്രീ, നീത എന്നിവരടങ്ങിയ സംഘമാണ്​ പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.