ഫേസ്​ബുക്ക്​ പരാമർശം: മു​ൻ എം.​എ​ൽ.​എ​ ആർ. രാജേഷിനെതിരെ ക്രിമിനൽ കോടതിയലക്ഷ്യ കേസ്

കൊ​ച്ചി: ഭാ​ര​താം​ബ വി​ഷ​യ​ത്തി​ൽ വൈ​സ്​ ചാ​ൻ​സ​ല​ർ സ​സ്​​പെ​ൻ​ഡ്​ ചെ​യ്ത കേ​ര​ള സ​ർ​വ​ക​ലാ​ശാ​ല ര​ജി​സ്​​ട്രാ​ർ ന​ൽ​കി​യ ഹ​ര​ജി​യു​മാ​യി ബ​ന്ധ​പ്പെ​ട്ട്​ ജ​ഡ്ജി​മാ​ർ​ക്കെ​തി​രെ ഫേ​സ്​​ബു​ക്ക്​ പോ​സ്റ്റി​ട്ട സി​ൻ​ഡി​ക്കേ​റ്റ് അം​ഗ​വും മു​ൻ എം.​എ​ൽ.​എ​യു​മാ​യ ആ​ർ. രാ​ജേ​ഷി​നെ​തി​രെ ഹൈ​കോ​ട​തി സ്വ​മേ​ധ​യാ ക്രി​മി​ന​ൽ കോ​ട​തി​യ​ല​ക്ഷ്യ കേ​സെ​ടു​ത്തു.

ജൂ​ലൈ ആ​റി​ന്​ ഫേ​സ്ബു​ക്കി​ലി​ട്ട പോ​സ്റ്റ് പ്ര​ഥ​മ​ദൃ​ഷ്ട്യാ നീ​തി​ന്യാ​യ വ്യ​വ​സ്ഥ​യി​ൽ ഇ​ട​പെ​ടു​ന്ന​തും കോ​ട​തി​യെ അ​പ​കീ​ർ​ത്തി​പ്പെ​ടു​ത്തു​ന്ന​തു​മാ​ണെ​ന്നും വി​ല​യി​രു​ത്തി​യാ​ണ്​ ജ​സ്റ്റി​സ് ഡി.​കെ. സി​ങ്ങി​ന്റെ ഉ​ത്ത​ര​വ്. കോ​ട​തി​യ​ല​ക്ഷ്യ ന​ട​പ​ടി​യു​ടെ ഭാ​ഗ​മാ​യി രാ​ജേ​ഷ് ഈ ​മാ​സം 23ന് ​രാ​വി​ലെ 10.15ന് ​കോ​ട​തി​യി​ൽ ഹാ​ജ​രാ​ക​ണം. കേ​സ് ചീ​ഫ് ജ​സ്റ്റി​സി​ന്റെ ഉ​ത്ത​ര​വ് പ്ര​കാ​രം ഉ​ചി​ത​മാ​യ ബെ​ഞ്ചി​ന് വി​ടാ​നും ര​ജി​സ്ട്രി​ക്ക് നി‌​ർ​ദേ​ശം ന​ൽ​കി.

പ​ല കാ​ര്യ​ങ്ങ​ൾ​ക്കാ​യി സി​ൻ​ഡി​ക്കേ​റ്റ്​ അം​ഗ​മെ​ന്ന നി​ല​യി​ൽ ഹൈ​കോ​ട​തി​യെ സ​മീ​പി​ച്ചി​ട്ടു​ള്ള​യാ​ളാ​ണ്​ രാ​ജേ​ഷ്. സ​ർ​വ​ക​ലാ​ശാ​ല​യു​ടെ​യും സി​ൻ​ഡി​ക്കേ​റ്റി​ന്‍റെ​യും വി​വി​ധ ഹ​ര​ജി​ക​ൾ പ​രി​ഗ​ണ​ന​യി​ലി​രി​ക്കേ​യാ​ണ് കോ​ട​തി​യെ സ​മ്മ​ർ​ദ​ത്തി​ലാ​ക്കാ​ൻ നോ​ക്കി​യ​ത്. കോ​ട​തി ഉ​ത്ത​ര​വു​ക​ളെ​യ​ല്ല, ജ​ഡ്ജി​മാ​രെ​യാ​ണ്​ വി​മ​ർ​ശി​ച്ചി​രി​ക്കു​ന്ന​ത്.

വി​ദ്യാ​ഭ്യാ​സ കാ​ര്യ​ങ്ങ​ൾ പ​രി​ഗ​ണി​ക്കു​ന്ന ബെ​ഞ്ചി​ന് നേ​തൃ​ത്വം ന​ൽ​കു​ന്ന ജ​ഡ്ജി​മാ​രെ അ​പ​കീ​ർ​ത്തി​പ്പെ​ടു​ത്തു​ക​യാ​ണ്​ ചെ​യ്തി​തി​രി​ക്കു​ന്ന​ത്. ഫേ​സ്​​ബു​ക്ക്​ പോ​സ്റ്റി​ന്‍റെ ഇം​ഗ്ലീ​ഷ്​ പ​രി​ഭാ​ഷ​യ​ട​ക്കം ഉ​ത്ത​ര​വി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. അ​ടി​സ്ഥാ​ന​ര​ഹി​ത​മാ​യ ആ​രോ​പ​ണ​ങ്ങ​ൾ മോ​ശ​മാ​യ ഭാ​ഷ​യി​ൽ ഉ​ന്ന​യി​ച്ചി​രി​ക്കു​ന്ന​തി​നെ ലാ​ഘ​വ​ത്തോ​ടെ കാ​ണാ​നാ​കി​ല്ലെ​ന്നും കോ​ട​തി നി​രീ​ക്ഷി​ച്ചു.

അ​തേ​സ​മ​യം, രാ​ജേ​ഷി​നെ​തി​രെ ക്രി​മി​ന​ൽ കോ​ട​തി​യ​ല​ക്ഷ്യ ന​ട​പ​ടി ആ​വ​ശ്യ​പ്പെ​ട്ട്​ ഹൈ​കോ​ട​തി അ​ഭി​ഭാ​ഷ​ക​നാ​യ ബി.​എ​ച്ച്. മ​ൻ​സൂ​ർ ര​ജി​സ്​​ട്രാ​ർ ജ​ന​റ​ലി​ന്​ അ​പേ​ക്ഷ ന​ൽ​കി.