വിവാ​േഹതര ബന്ധം കുറ്റകരമാക്കുന്ന വകുപ്പിനെതിരായ കേസ്​ വിധി പറയാൻ മാറ്റി

ന്യൂ​ഡ​ൽ​ഹി​: വി​വാ​ഹേ​ത​ര​ബ​ന്ധ​ത്തി​ല്‍ പു​രു​ഷ​ന്മാ​രെ മാ​ത്രം കു​റ്റ​ക്കാ​രാ​ക്കു​ന്ന ഇ​ന്ത്യ​ന്‍ ശി​ക്ഷാ നി​യ​മ​ത്തി​ലെ 497ാം വ​കു​പ്പ് റ​ദ്ദാ​ക്ക​ണ​മെ​ന്ന ഹ​ര​ജി സു​പ്രീം​കോ​ട​തി വി​ധി പ​റ​യാ​നാ​യി മാ​റ്റി. വി​വാ​ഹ​മെ​ന്ന സം​ശു​ദ്ധ​മാ​യ സ്​​ഥാ​പ​ന​ത്തി​ലേ​ക്ക്​ അ​തി​ക്ര​മി​ച്ചു ക​ട​ക്കു​ന്ന ഒ​ന്നാ​ണ്​ വി​വാ​ഹേ​ത​ര ബ​ന്ധ​മെ​ന്നും അ​തി​നെ ക്രി​മി​ന​ൽ കു​റ്റ​മാ​യി നി​ല​നി​ർ​ത്ത​ണ​മെ​ന്നും കേ​​ന്ദ്ര സ​ർ​ക്കാ​ർ  ബോ​ധി​പ്പി​ച്ചു.  

വി​വാ​ഹ​ബ​ന്ധ​ത്തി​​​െൻറ സം​ശു​ദ്ധി നി​ല​നി​ര്‍ത്താ​ന്‍ ഇ​ത്​ ക്രി​മി​ന​ൽ കു​റ്റ​മാ​യി നി​ല​നി​ർ​ത്ത​ണ​മെ​ന്ന്​ കേ​ന്ദ്രം വാ​ദി​​ച്ച​പ്പോ​ൾ വി​വാ​ഹേ​ത​ര ബ​ന്ധം ക്രി​മി​ന​ല്‍ക്കു​റ്റ​മാ​ക്കു​ന്ന​തു​കൊ​ണ്ടു​ള്ള പൊ​തു ന​ന്മ എ​ന്താ​ണെ​ന്ന് കേ​ന്ദ്ര​ത്തോ​ട് സു​പ്രീം​കോ​ട​തി ചോ​ദി​ച്ചു. വി​ദേ​ശ​രാ​ജ്യ​ങ്ങ​ളി​ലെ നി​യ​മ​ങ്ങ​ള്‍ ഇ​ന്ത്യ​ക്ക്​ ചേ​രി​ല്ലെ​ന്നും ന​മ്മു​ടെ സാ​മൂ​ഹി​ക സാ​ഹ​ച​ര്യ​ങ്ങ​ള്‍ ക​ണ​ക്കി​ലെ​ടു​ത്തു​വേ​ണം തീ​രു​മാ​ന​മെ​ടു​ക്കാ​നെ​ന്നും അ​ഡീ​ഷ​ന​ല്‍ സോ​ളി​സി​റ്റ​ര്‍ ജ​ന​റ​ല്‍ പി​ങ്കി ആ​ന​ന്ദ് വാ​ദി​ച്ചു. 

ഇ​ന്ത്യ​യി​ല്‍ വി​വാ​ഹ​മെ​ന്ന​ത് സം​ശു​ദ്ധ​മാ​യ വ്യ​വ​സ്ഥ​യാ​ണ്. അ​തി​ലേ​ക്ക് അ​തി​ക്ര​മി​ച്ചു​ക​ട​ക്കു​ന്ന​ത് ക്രി​മി​ന​ല്‍ക്കു​റ്റ​മാ​യി നി​ല​നി​ല്‍ക്ക​ണ​മെ​ന്നും അ​വ​ര്‍ പ​റ​ഞ്ഞു.  നി​ല​വി​ൽ അ​വി​വാ​ഹി​ത​യു​മാ​യി ഭ​ര്‍ത്താ​വ് ബ​ന്ധ​പ്പെ​ട്ടാ​ല്‍ സ്ത്രീ​ക്ക് പ​രാ​തി​പ്പെ​ടാ​ൻ നി​ല​വി​ലു​ള്ള നി​യ​മ​ത്തി​ൽ അ​വ​സ​ര​മി​ല്ലെ​ന്ന്​ ജ​സ്​​റ്റി​സ്​ ഡി.​വൈ ച​ന്ദ്ര​ചൂ​ഢ് ചൂ​ണ്ടി​ക്കാ​ട്ടി. വി​വാ​ഹേ​ത​ര​ബ​ന്ധം കു​ടും​ബ​പ്ര​ശ്‌​നം മാ​ത്ര​മ​ല്ലേ​യെ​ന്നും അ​ത് സ​മൂ​ഹ​ത്തി​നെ​തി​രാ​യ കു​റ്റ​കൃ​ത്യ​മാ​വു​ന്ന​ത് എ​ങ്ങ​നെ​യാ​ണെ​ന്നും ജ​സ്​​റ്റി​സ്​ ഇ​ന്ദു മ​ല്‍ഹോ​ത്ര ചോ​ദി​ച്ചു. വി​വാ​ഹി​ത​നാ​യ ഒ​രാ​ള്‍ അ​വി​വാ​ഹി​ത​യു​മാ​യി ബ​ന്ധ​പ്പെ​ട്ടാ​ലും വി​വാ​ഹ​ത്തി​​​െൻറ വി​ശു​ദ്ധി ഇ​ല്ലാ​താ​വി​ല്ലേ​യെ​ന്നും കോ​ട​തി ചോ​ദി​ച്ചു. 

വി​വാ​ഹേ​ത​ര​ബ​ന്ധം ക്രി​മി​ന​ല്‍ക്കു​റ്റ​മാ​ക്കു​ന്ന 158 വ​ര്‍ഷം പ​ഴ​ക്ക​മു​ള്ള 497ാം വ​കു​പ്പ് റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​വാ​സി മ​ല​യാ​ളി ജോ​സ​ഫ് ഷൈ​ന്‍ ആ​ണ്​ ഹ​ര​ജി ന​ൽ​കി​യ​ത്. കു​ടും​ബ ഭ​ദ്ര​ത​യും വി​വാ​ഹ​ത്തി​​​െൻറ വി​ശു​ദ്ധി​യും നി​ല​നി​ര്‍ത്താ​ൻ  ക്രി​മി​ന​ല്‍ക്കു​റ്റം ചു​മ​ത്തു​ക​യും ഭീ​ഷ​ണി​പ്പെ​ടു​ത്തു​ക​യു​മ​ല്ല വേ​ണ്ട​തെ​ന്ന്​ ഹ​ര​ജി​ക്കാ​ര​നു വേ​ണ്ടി അ​ഡ്വ. കാ​ളീ​ശ്വ​രം രാ​ജ് വാ​ദി​ച്ചു.