സി.പി.എം പ്രവർത്തകർക്കുനേരെ സ്ഫോടകവസ്തു എറിഞ്ഞു

കൂത്തുപറമ്പ്: ചെറുവാഞ്ചേരിയിൽ സി.പി.എം പ്രവർത്തകർക്കുനേരെ ആക്രമണശ്രമം. പാട്യം ദിനാചരണത്തിന്റെ ഭാഗമായി കൊടിതോരണങ്ങൾ കെട്ടുന്നതിനിടെ ഒരുസംഘം സ്ഫോടകവസ്തു എറിയുകയായിരുന്നു. തിങ്കളാഴ്ച രാത്രി പത്തരയോടെ ചെറുവാഞ്ചേരി -കണ്ണവം റോഡിൽ വില്ലേജ് ഓഫിസിന് സമീപത്താണ് സംഭവം. ചെറുവാഞ്ചേരി ടൗൺ ബ്രാഞ്ച് സെക്രട്ടറി കുറ്റ്യൻ അമൽ ഉൾപ്പെടെയുള്ളവർക്കുനേരെയാണ് ആക്രമണ ശ്രമമുണ്ടായത്. സംഭവത്തിനുപിന്നിൽ ആർ.എസ്.എസ് പ്രവർത്തകരാണെന്ന് സി.പി.എം ആരോപിച്ചു. കണ്ണവം പൊലീസ് സ്വമേധയാ കേസെടുത്തു.