പാക്കേജുകളു​ടെ പേരിൽ ചൂഷണം: മെഡിസെപ്പിൽ കൈപൊള്ളുന്നു

തി​രു​വ​ന​ന്ത​പു​രം: മെ​ഡി​സെ​പ്പി​ൽ കാ​ഷ്​​ലെ​സ്​ ചി​കി​ത്സ അ​ട്ടി​മ​റി​ച്ച​തി​ന്​ പി​ന്നാ​ലെ ജീ​വ​ന​ക്കാ​ർ​ക്ക്​ ഇ​രു​ട്ട​ടി​യാ​യി ‘പാ​ക്കേ​ജു’​ക​ളു​ടെ​ പേ​രി​ലെ ചൂ​ഷ​ണ​വും. പ​ദ്ധ​തി പ്ര​ഖ്യാ​പി​ച്ച സ​മ​യ​ത്ത്​ ന​ൽ​കി​യ ആ​നൂ​കൂ​ല്യ​ങ്ങ​ൾ ഓ​രോ​ന്നാ​യി വെ​ട്ടി​ക്കു​റ​ക്കു​ന്ന​താ​ണ്​ ഒ​ന്ന​ര വ​ർ​ഷം പി​ന്നി​ടു​മ്പോ​ഴു​ള്ള കാ​ഴ്ച. പാ​ക്കേ​ജ്​ അ​ടി​സ്ഥാ​ന​ത്തി​ലാ​ണ്​ മെ​ഡി​സെ​പ്പി​ൽ വി​വി​ധ രോ​ഗ​ങ്ങ​ൾ​ക്കു​ള്ള ചി​കി​ത്സ അ​നു​വ​ദി​ക്കു​ന്ന​ത്.

ഒ​ന്നി​ല​ധി​കം അ​സു​ഖ​ങ്ങ​ൾ​ക്ക്​ ഒ​രേ​സ​മ​യം ചി​കി​ത്സ അ​നു​വ​ദി​ക്കി​ല്ലെ​ന്ന​താ​ണ്​ ഇ​തി​ന്‍റെ മ​റു​വ​ശം. ഒ​രു അ​സു​ഖ​ത്തി​ന്​ ചി​കി​ത്സ​യി​ലി​രി​ക്കെ മ​റ്റ്​ അ​സു​ഖ​ങ്ങ​ൾ​ക്ക് അ​തേ ആ​ശു​പ​ത്രി​യി​ൽ പ​ണം കൊ​ടു​ത്ത്​ ചി​കി​ത്സ തേ​ടേ​ണ്ട സ്ഥി​തി​യാ​ണി​പ്പോ​ൾ. പാ​ക്കേ​ജ് പ​രി​ധി​യി​ൽ വ​രു​ന്ന അ​വ​കാ​ശ​പ്പെ​ട്ട തു​ക മു​ഴു​വ​നാ​യും രോ​ഗി​ക്ക്​ അ​നു​വ​ദി​ക്കു​ന്നു​മി​ല്ല.

എം.​ആ​ർ.​ഐ, സി.​ടി സ്​​കാ​ൻ എ​ന്നി​വ​യെ​ല്ലാം ചേ​ർ​ന്ന​താ​ണ്​ പാ​ക്കേ​ജെ​ങ്കി​ലും ആ​ശു​പ​ത്രി​ക​ൾ ഇ​വ​യ്ക്ക്​ പ്ര​ത്യേ​കം ബി​ൽ ന​ൽ​കും. ഇ​ത്​ ഇ​ൻ​ഷു​റ​ൻ​സ്​ ക​മ്പ​നി വെ​ട്ടു​മെ​ന്ന​തി​നാ​ൽ ഈ ​ചെ​ല​വു​ക​ൾ രോ​ഗി​യു​ടെ ചു​മ​ലി​ലാ​ണ്. സ​ർ​ക്കാ​ർ ആ​ശു​പ​ത്രി​ക​ളി​ലെ ചി​കി​ത്സ​ക്ക്​ പ​ല​പ്പോ​ഴും പാ​ക്കേ​ജ്​ പ്ര​കാ​ര​മു​ള്ള തു​ക വേ​ണ്ടി വ​രി​ല്ല.

ആ​ശു​പ​ത്രി അ​ധി​കൃ​ത​ർ യ​ഥാ​ർ​ഥ ബി​ൽ തു​ക ക്ല​യി​മി​നാ​യി അ​യ​ക്കു​മെ​ങ്കി​ലും പാ​ക്കേ​ജി​ൽ ഉ​ൾ​പ്പെ​ട്ട മു​ഴു​വ​ൻ തു​ക​യും ഉ​പ​ഭോ​ക്താ​വി​ന്‍റെ ഇ​ൻ​ഷു​റ​ൻ​സ്​ അ​ക്കൗ​ണ്ടി​ൽ​നി​ന്ന്​ കു​റ​വു​വ​രു​ത്തും. ഈ ​സാ​ഹ​ച​ര്യ​ത്തി​ൽ പാ​ക്കേ​ജ്​ സം​വി​ധാ​നം ഒ​ഴി​വാ​ക്കി ചി​കി​ത്സ​ക്ക്​ ചെ​ല​വാ​കു​ന്ന തു​ക അ​നു​വ​ദി​ക്കു​ന്ന രീ​തി​യി​ലേ​ക്ക്​ പ​ദ്ധ​തി പു​നഃ​ക്ര​മീ​ക​രി​ക്ക​ണ​മെ​ന്നാണ് ആ​വ​ശ്യം.

ആ​ശു​പ​ത്രി​ക​ളി​ൽ​നി​ന്ന്​ ബി​ൽ പ്ര​കാ​രം സ​മ​ർ​പ്പി​ച്ച ക്ല​യി​മി​ലെ തു​ക​യെ​ക്കാ​ൾ കൂ​ടു​ത​ലാ​യി ഉ​പ​ഭോ​ക്താ​വി​ന്‍റെ ഇ​ൻ​ഷു​റ​ൻ​സ്​ അ​ക്കൗ​ണ്ടി​ൽ​നി​ന്ന്​ കു​റ​വു​വ​രു​ത്തു​ന്ന​താ​യും പ​രാ​തി​യു​ണ്ട്.