ആലപ്പുഴ ​ൈബപാസിൽ വിദഗ്​ധ സംഘത്തി​െൻറ പരിശോധന

ആലപ്പുഴ: ബൈപാസ് ഗതാഗതത്തിന് തുറക്കുന്നതിന്​ മുന്നോടിയായി വിദഗ്​ധ സംഘം പരിശോധന നടത്തി. പൊതുമരാമത്ത്​ മന്ത്രി ജി. സുധാകരൻ രൂപവത്കരിച്ച മൂന്ന്​ ചീഫ് എൻജിനീയർമാരാണ്​ 122.32 ടൺ ഭാരം കയറ്റി ഫിറ്റ്നസ് പരിശോധിച്ചത്​.

പാലം വിഭാഗം ചീഫ് എന്‍ജിനീയര്‍ എസ്. മനോമോഹന്‍, ദേശീയപാത ചീഫ് എന്‍ജിനീയര്‍ എം. അശോക് കുമാര്‍, റോഡ്സ് ചീഫ് എന്‍ജിനീയര്‍ അജിത് രാമചന്ദ്രന്‍ എന്നിവരാണ്​ പരിശോധന സമിതിയിലുണ്ടായിരുന്നത്. മദ്രാസ് ഐ.ഐ.ടിയിൽനിന്നുള്ള അരവിന്ദ് രാജ്, വിജയ് എന്നിവരും ഒപ്പമുണ്ടായിരുന്നു.

നേരത്തേയും ഭാരപരിശോധന നടത്തിയിരുന്നു. മൂന്നാമതൊരു കക്ഷി വഴിയുള്ള പരിശോധനയായിരുന്നു ബുധനാഴ്​ചത്തേത്. നിശ്ചിതഭാരം കയറ്റിയശേഷം പാലത്തി​െൻറ സ്പാനുകള്‍ക്കുണ്ടാകുന്ന ഉയർച്ച താഴ്ച നിശ്ചയിച്ചിട്ടുള്ള പരിധിക്കുള്ളിൽ തന്നെയാണോ എന്ന് ഉറപ്പാക്കുന്നതിനുള്ള പരിശോധനയാണിത്​. പരിശോധനഫലം സര്‍ക്കാറിന് ഉടൻ സമര്‍പ്പിക്കുമെന്ന് സംഘം അറിയിച്ചു.

ബൈപാസിലെ ​ദീപങ്ങളുടെ ക്രമീകരണം പൂര്‍ത്തിയായി. ദേശീയപാത അതോറിറ്റി 92 സോഡിയം വേപ്പർ ലൈറ്റുകളാണ് സ്ഥാപിച്ചത്.

എന്നാൽ, എലിവേറ്റഡ് ഹൈവേ ആയതിനാല്‍ പലഭാഗത്തും വെളിച്ചക്കുറവ്​ ശ്രദ്ധയില്‍പെട്ടതിനെത്തുടര്‍ന്ന് ലൈറ്റുകളുടെ എണ്ണം വർധിപ്പിക്കാന്‍ മന്ത്രി നിർദേശിച്ചു. ഇതേതുടർന്ന് 320 എൽ.ഇ.ഡി ലൈറ്റ് പുതുതായി ഇരുവശത്തും സ്ഥാപിച്ചിട്ടുണ്ട്. കൊമ്മാടി, കളർകോട്​ ജങ്​ഷനുകളുടെ വികസനവും സംസ്ഥാന സർക്കാറി​െൻറ ​െചലവിൽ പൂർത്തിയാക്കി.

എന്‍.എച്ച് സൂപ്രണ്ടിങ് എന്‍ജിനീയര്‍ ഉണ്ണികൃഷ്ണന്‍ നായര്‍, ആലപ്പുഴ ജില്ല ദേശീയപാത വിഭാഗം എക്സിക്യൂട്ടിവ് എന്‍ജിനീയര്‍ ആര്‍. അനില്‍കുമാര്‍ എന്നിവര്‍ സംഘത്തെ അനുഗമിച്ചു. ദേശീയപാത 66 കൊമ്മാടി മുതല്‍ കളര്‍കോട് വരെ 6.8 കിലോമീറ്ററാണ് ബൈപാസ്.