പ്രവാസികൾ ക്വാറന്‍റീനിൽ; എട്ടുപേരെ ​ആശുപത്രിയിലേക്ക്​ മാറ്റി

കൊച്ചി/കോഴിക്കോട്: ആദ്യ രണ്ട് വിമാനങ്ങളിൽ കേരളത്തിലെത്തിയ പ്രവാസികളെ പരിശോധനകൾ പൂർത്തിയാക്കിയ ശേഷം മുൻകൂട്ടി നിശ്ചയിച്ച ക്വാറന്‍റീൻ കേന്ദ്രങ്ങളിലേക്ക് മാറ്റി. അ​ബൂദബി​യി​ൽ നി​ന്ന്​ കൊ​ച്ചിയി​ലെ​ത്തി​യ അ​ഞ്ച് പേ​രെയും ദുബൈയിൽ നിന്ന്​ കരിപ്പൂരിലെത്തിയ മൂന്നു പേരെയും ആരോഗ്യ പ്രശ്നങ്ങൾ കണ്ടതിനെ തുടർന്ന്​ ആശുപത്രിയിലേക്ക് മാറ്റി. 

കൊച്ചിയിൽ നിന്നുള്ളവരെ അ​ഞ്ച് ആം​ബു​ല​ൻ​സി​ൽ ക​യ​റ്റി ആ​ലു​വ ജി​ല്ല ആ​ശു​പ​ത്രി​യി​ലാണ്​ എ​ത്തി​ച്ച​ത്. വൃക്ക രോഗിയായ മലപ്പുറം സ്വദേശിയെ കോഴിക്കോട് മെഡിക്കല്‍ കോളജ്​ ആശുപത്രിയിലേക്കും ചുമയുള്ള മറ്റൊരു മലപ്പുറം സ്വദേശിയെയും പൊള്ളലേറ്റ് ചികിത്സയിലായിരുന്ന വയനാട് സ്വദേശിയെയും മഞ്ചേരി മെഡിക്കല്‍ കോളജ്​ ആശുപത്രിയിലേക്കും​ മാറ്റി.

ശ​ക്ത​മാ​യ സു​ര​ക്ഷ​പ​രി​ശോ​ധ​ന പൂ​ർ​ത്തി​യാ​ക്കി ആ​ദ്യ​ത്തെ പ്ര​വാ​സി രാത്രി 12നുശേഷമാണ്​ കൊച്ചി വി​മാ​ന​ത്താ​വ​ള​ത്തി​ന്​ പു​റ​ത്തി​റ​ങ്ങിയത്​. മ​ല​പ്പു​റം: പ​ത്ത് (സ്ത്രീ)​, 13 (പു​രുഷന്മാർ), പാ​ല​ക്കാ​ട്: നാ​ല് (സ്ത്രീ​), 11 (പു​രു​.). പ​ത്ത​നം​തി​ട്ട: നാ​ല് (സ്ത്രീ​), നാ​ല് (പു​രു​), തൃ​ശൂ​ർ: 34 (സ്ത്രീ​), 38 (പു​രു​), എ​റ​ണാ​കു​ളം: 12 (സ്ത്രീ​),13 (പു​രു.), കോ​ട്ട​യം: ഏ​ഴ് (സ്ത്രീ​), ആ​റ് (പു​രു​.), ആ​ല​പ്പു​ഴ: എ​ട്ട്​ (സ്​​ത്രീ​)എ​ട്ട്​ പു​രു​ഷ​ന്മാ​ർ. കാ​സ​ർ​കോ​ട്: ഒ​രാ​ൾ. ഇ​തി​നു​പു​റ​മെ നാ​ല് കു​ട്ടി​ക​ളും മ​റ്റ്​ നാ​ലു​പേ​രും കൊ​ച്ചി​യി​ലെ​ത്തി. 

കൊ​ച്ചി​യി​ൽ എ​ത്തി​യ​വ​രി​ൽ ഏ​റ്റ​വും കൂ​ടു​ത​ൽ തൃ​ശൂ​രി​ൽ നി​ന്നു​ള്ള പ്ര​വാ​സി​ക​ളാ​യി​രു​ന്നു. ഇ​വ​രി​ൽ 60 പേ​രെ മൂ​ന്ന്​ ബ​സു​ക​ളി​ലാ​യി തൃ​ശൂ​രി​ലെ നി​രീ​ക്ഷ​ണ കേ​ന്ദ്ര​ത്തി​ലേ​ക്ക്​ മാ​റ്റി. യാ​ത്ര​ക്കാ​രെ ക്വാ​റ​ൻ​റീ​ൻ ​േക​ന്ദ്ര​ങ്ങ​ളി​ലേ​ക്ക്​ കൊ​ണ്ടു​പോ​കാ​ൻ എ​ട്ട്​ കെ.​എ​സ്.​ആ​ർ.​ടി.​സി ബ​സു​ക​ളും 40 ടാ​ക്​​സി കാ​റു​ക​ളു​ം​ ഏ​ർ​പ്പെ​ടു​ത്തി​യി​രു​ന്നു. 

ഗ​ർ​ഭി​ണി​ക​ൾ, മു​തി​ർ​ന്ന പൗ​ര​ന്മാ​ർ, 10 വ​യ​സ്സി​ൽ താ​ഴെ​യു​ള്ള കു​ട്ടി​ക​ൾ തു​ട​ങ്ങി​യവ​രെ വീ​ടു​ക​ളി​ലേ​ക്ക് നി​രീ​ക്ഷ​ണ​ത്തി​ന് അ​യ​ച്ചു. ഇ​വ​രെ കൂ​ട്ടി​ക്കൊ​ണ്ടു​പോ​കാ​ൻ ഒ​രു​ബ​ന്ധു​വി​ന് മാ​ത്രം മേ​ഖ​ല​യി​ലേ​ക്ക് പ്ര​വേ​ശ​നം അ​നു​വ​ദി​ച്ചു. കാ​സ​ർ​കോ​ട് ജി​ല്ല​ക്കാ​ര​നാ​യ ഏ​ക​യാ​ത്ര​ക്കാ​ര​നെ ക​ള​മ​ശ്ശേ​രി​യി​ലെ എ​സ്.​സി.​എം.​എ​സ് ഹോ​സ്​​റ്റ​ലി​ലേ​ക്കാ​ണ് കൊ​ണ്ടു​പോ​യ​ത്. 

അ​ഞ്ച് കു​ട്ടി​ക​ളു​ൾ​പ്പെ​ടെ 182 പേ​രാ​ണ് വ്യാ​ഴാ​ഴ്ച രാ​ത്രി 10.32ന്​ എ​യ​ർ ഇ​ന്ത്യ എ​ക്സ്പ്ര​സ് വി​മാ​ന​ത്തി​ൽ കോ​ഴി​ക്കോ​ട്​ വി​മാ​ന​ത്താ​വ​ള​ത്തി​ൽ ഇ​റ​ങ്ങി​യ​ത്. മ​ല​പ്പു​റം ഉ​ൾ​പ്പെ​ടെ ഒ​മ്പ​ത് ജി​ല്ല​ക​ളി​ൽ നി​ന്നു​ള്ള​വ​രാ​ണ് വി​മാ​ന​ത്തി​ലു​ണ്ടാ​യി​രു​ന്ന​ത്. യാ​ത്ര​ക്കാ​രെ എ​യ്റോ​ബ്രി​ഡ്ജി​ൽ ത​ന്നെ തെ​ർ​മ​ൽ സ്കാ​നി​ങി​ന് വി​ധേ​യ​രാ​ക്കി. 

ആ​രോ​ഗ്യ പ്ര​ശ്ന​മി​ല്ലാ​ത്ത മ​ല​പ്പു​റം ജി​ല്ല​ക്കാരെ കാ​ളി​കാ​വി​ലെ സ​ഫ ആ​ശു​പ​ത്രി​യി​ലെ കോ​വി​ഡ് കെ​യ​ര്‍ സ​​െൻറ​റി​ലേ​ക്ക് മാ​റ്റി. മ​റ്റ് ജി​ല്ല​ക​ളി​ൽ നി​ന്നു​ള്ള​വ​രെ ബ​സു​ക​ളി​ലും ടാ​ക്സി​ക​ളി​ലു​മാ​യി യാ​ത്ര​യാ​ക്കി. അ​ബൂ​ദ​ബി​യി​ൽ നി​ന്ന്​ കൊ​ച്ചി​യി​ലെ​ത്തി​യ 23 മ​ല​പ്പു​റം ജി​ല്ല​ക്കാ​രി​ൽ 18 പേ​രെ കാ​ലി​ക്ക​റ്റ് സ​ർ​വ​ക​ലാ​ശാ​ല ഹോ​സ്​​റ്റ​ലി​ലേ​ക്കാണ്​ മാ​റ്റിയത്. റി​യാ​ദ് വി​മാ​നം വെ​ള്ളി​യാ​ഴ്ച ക​രി​പ്പൂ​രി​ലെ​ത്തും.  മേ​യ് 11ന് ​ബ​ഹ്ൈ​റ​നി​ൽ നി​ന്നും 13ന് ​കു​വൈ​ത്തി​ൽ നി​ന്നും ക​രി​പ്പൂ​രിേ​ല​ക്ക് സ​ർ​വി​സു​ണ്ട്.  ഗർഭിണികളെയും കുട്ടികളെയും വീടുകളിലേക്കയക്കുകയും ബാക്കിയുള്ളവരെ ക്വാറൻറീനിലേക്ക്​ മാറ്റുകയും ചെയ്യും.