അധ്യാപകൻ പരീക്ഷ എഴുതിയ സംഭവം​: പരീക്ഷാ ഡെപ്യൂട്ടി സുപ്രണ്ട്​ കീഴടങ്ങി

മുക്കം/താമരശ്ശേരി: നീലേശ്വരം ഗവ. ഹയർ സെക്കൻഡറി സ്കൂളിൽ വിദ്യാർഥികൾക്കുവേണ്ടി അധ്യാപകൻ പരീക്ഷയെഴുതിയ സംഭവത്ത ിൽ മൂന്നാംപ്രതി പി.കെ. ഫൈസലിന് ജാമ്യം. വെള്ളിയാഴ്ച രാവിലെ മുക്കം പൊലീസ് സ്​റ്റേഷനിൽ കീഴടങ്ങിയ ഫൈസലിന് താമരശേരി ജുഡീഷ്യൽ ഫസ്​റ്റ് ക്ലാസ് മജിസ്ട്രേറ്റ് കോടതിയാണ് ജാമ്യം അനുവദിച്ചത്. പ്ലസ് ടു പരീക്ഷ നടത്തിപ്പിൽ ഡെപ്യൂട്ട ി ചീഫി‍​െൻറ ചുമതലക്കാരനായിരുന്നു പി.കെ. ഫൈസൽ.

കോഴിക്കോട് പ്രിൻസിപ്പൽ സെഷൻസ് കോടതിയിലും ഹൈ​േകാടതിയിലും മുൻകൂർ ജാമ്യാപേക്ഷ നൽകിയിരുന്നെങ്കിലും അന്വേഷണ ഉദ്യോഗസ്ഥർ മുമ്പാകെ 10 ദിവസത്തിനകം ഹാജരാവാൻ കോടതി നിർദേശിക്കുകയായിരുന്നു. ഇതിനെ തുടർന്നാണ് ഇദ്ദേഹം വെള്ളിയാഴ്ച രാവിലെ പൊലീസ് സ്​റ്റേഷനിൽ ഹാജരായത്. അറസ്​റ്റ് രേഖപ്പെടുത്തിയ പൊലീസ് അധ്യാപകനെ താമരശ്ശേരി കോടതിയിൽ ഹാജരാക്കി. എല്ലാ ശനിയാഴ്ചകളിൽ മുക്കം പൊലീസ് സ്​റ്റേഷനിൽ ഹാജരാകണമെന്ന വ്യവസ്ഥയോടെയാണു രണ്ട് ആൾജാമ്യത്തിൽ ജാമ്യം അനുവദിച്ചത്.

വെള്ളിയാഴ്ച വൈകീട്ട് മൂന്നോടെയാണ് മുക്കം പൊലീസ് അധ്യാപകനെ താമരശ്ശേരി കോടതിയിൽ ഹാജരാക്കിയത്. ഒന്നും രണ്ടും പ്രതികളായ പരീക്ഷ ചീഫ് സൂപ്രണ്ടും നീലേശ്വരം ഗവ. ഹയർ സെക്കൻഡറി സ്​കൂളിലെ പ്രിൻസിപ്പലുമായ കെ. റസിയ, ഇതേ സ്​കൂളിലെ അധ്യാപകനും അഡീഷനൽ ഡെപ്യൂട്ടി ചീഫുമായ നിഷാദ് വി. മുഹമ്മദ് എന്നിവർ ഒരു മാസത്തിലേറെയായി ഒളിവിലാണ്. കഴിഞ്ഞ മേയ് 13നാണ് വിദ്യാർഥികൾക്ക് വേണ്ടി പരീക്ഷ എഴുതിയ സംഭവത്തിൽ മൂന്ന് അധ്യാപകർക്കെതിരെ മുക്കം പൊലീസ് വിവിധ വകുപ്പുകൾ ചേർത്ത് കേ​െസടുത്തത്.