വിജിലൻസിൽ ഡെ​പ്യൂ​ട്ടേ​ഷ​ന് ഇനി പരീക്ഷ ആദ്യ പരീക്ഷ ഏപ്രിൽ ഒന്നിന്​

തി​രു​വ​ന​ന്ത​പു​രം: വി​ജി​ല​ൻ​സി​ലേ​ക്ക് ഡെ​പ്യൂ​ട്ടേ​ഷ​ൻ ഇ​നി എ​ളു​പ്പ​മ​ല്ല. യോ​ഗ്യ​ത പ​രീ​ക്ഷ പാ​സാ​യാ​ൽ മാ​ത്ര​മേ വി​ജി​ല​ൻ​സി​ൽ ജോ​ലി ല​ഭി​ക്കൂ. ‘എ​ളു​പ്പ​പ​ണി​യു​ള്ള സ​​ങ്കേ​തം’ എ​ന്ന നി​ല​യി​ൽ​ പൊ​ലീ​സി​ൽ പ​ല​രും വി​ജി​ല​ൻ​സി​ലേ​ക്ക്​ ഡെ​പ്യൂ​ട്ടേ​ഷ​ൻ വാ​ങ്ങു​ന്ന രീ​തി​ക്കാ​ണ്​ മാ​റ്റം വ​രു​ന്ന​ത്. യോ​ഗ്യ​ത പ​രീ​ക്ഷ പാ​സാ​കു​ന്ന ഉ​ദ്യോ​ഗ​സ്ഥ​ന്‍റെ മു​ൻ​കാ​ല പ്ര​വ​ർ​ത്ത​ന​ങ്ങ​ൾ കൂ​ടി പ​രി​ശോ​ധി​ച്ച്​ മാ​ത്ര​മാ​കും നി​യ​മ​നം. അ​ഴി​മ​തി, ക്രി​മി​ന​ൽ കേ​സു​ക​ളി​ൽ ആ​രോ​പ​ണ​വി​ധേ​യ​രാ​യ​വ​രെ അ​ഴി​മ​തി​ക്കെ​തി​രാ​യ പോ​രാ​ട്ടം ന​ട​ത്തു​ന്ന വി​ജി​ല​ൻ​സി​ൽ നി​യ​മി​ക്ക​രു​തെ​ന്ന്​ നി​ല​വി​ൽ​ വ്യ​വ​സ്ഥ​യു​ണ്ട്. സ്​​പെ​ഷ​ൽ ബ്രാ​ഞ്ച്​ റി​പ്പോ​ർ​ട്ടു​ക​ളു​ടെ ഉ​ൾ​പ്പെ​ടെ അ​ടി​സ്ഥാ​ന​ത്തി​ലാ​യി​രി​ക്ക​ണം നി​യ​മ​ന​മെ​ന്നാ​ണ്​ ച​ട്ടം.

വി​ജി​ല​ൻ​സി​ലെ ചി​ല ഉ​ന്ന​തോ​ദ്യോ​ഗ​സ്ഥ​ർ ത​ന്നെ കൈ​ക്കൂ​ലി വാ​ങ്ങി അ​ഴി​മ​തി​ക്കേ​സ്​ ഒ​ത്തു​തീ​ർ​പ്പാ​ക്കാ​ൻ ശ്ര​മി​ച്ച​താ​യും മ​ണ്ണ്, മ​ണ​ൽ മാ​ഫി​യ​ക്കാ​യി ഇ​ട​നി​ല​ക്കാ​ര​നാ​യി പ്ര​വ​ർ​ത്തി​ച്ചെ​ന്നു​മൊ​ക്കെ ക​ണ്ടെ​ത്തി​യ സാ​ഹ​ച​ര്യ​ത്തി​ലാ​ണ്​ തീ​രു​മാ​നം. പൊ​ലീ​സ്​ സേ​നാം​ഗ​ങ്ങ​ൾ സ​ർ​വി​സ്​ കാ​ല​യ​ള​വി​ൽ വി​ജി​ല​ൻ​സി​ലും സേ​വ​ന​മ​നു​ഷ്ഠി​ച്ചെ​ന്ന്​ ഉ​റ​പ്പു​വ​രു​ത്താ​നു​ള്ള നീ​ക്ക​വും ആ​രം​ഭി​ച്ചി​ട്ടു​ണ്ട്.

പ​രീ​ക്ഷ​ക്കാ​യു​ള്ള പ​രീ​ക്ഷ ന​ട​ത്തി​പ്പി​നു​ള്ള നി​ർ​ദേ​ശ​ങ്ങ​ളും സി​ല​ബ​സും വി​ജി​ല​ൻ​സ് പു​റ​ത്തി​റ​ക്കി. ഏ​പ്രി​ൽ ഒ​ന്നി​ന് ആ​ദ്യ പ​രീ​ക്ഷ ന​ട​ത്തും. നി​ല​വി​ൽ ക്രൈം​ബ്രാ​ഞ്ച്​ നി​യ​മ​ന​ത്തി​ന്​ യോ​ഗ്യ​ത പ​രീ​ക്ഷ​യു​ണ്ട്. അ​തേ രീ​തി​യാ​ണ്​ വി​ജി​ല​ൻ​സി​ലും അ​വ​ലം​ബി​ക്കു​ക. 100 മാ​ർ​ക്കി​നാ​ണ് എ​ഴു​ത്തു​പ​രീ​ക്ഷ. 600 പൊ​ലീ​സു​കാ​ർ​ക്കാ​ണ് ആ​ദ്യ പ​രീ​ക്ഷ എ​ഴു​താ​ൻ അ​വ​സ​രം. കു​റ​ഞ്ഞ​ത്​ മൂ​ന്നു​​വ​ർ​ഷം വി​ജി​ല​ൻ​സി​ൽ സേ​വ​ന​മ​നു​ഷ്ഠി​ക്ക​ണ​മെ​ന്ന്​ ഉ​റ​പ്പു​വ​രു​ത്തും.