ഭവന വായ്​പ തട്ടിപ്പ്: മുന്‍ വില്ലേജ് എക്സ്റ്റൻഷൻ ഓഫിസർക്ക്​ ര​ണ്ടു​വ​ർ​ഷം കഠിന തടവ്

കോ​ട്ട​യം: ഭ​വ​ന വാ​യ്​​പ ത​ട്ടി​പ്പ്​ കേ​സി​ൽ മു​ൻ വി​ല്ലേ​ജ്​ എ​ക്സ്റ്റ​ൻ​ഷ​ൻ ഓ​ഫി​സ​ർ​ക്ക്​ ര​ണ്ടു​വ​ർ​ഷം ക​ഠി​ന​ത​ട​വും പി​ഴ​യും. കോ​ട്ട​യം ത​ല​യോ​ല​പ്പ​റ​മ്പ് പ​ഞ്ചാ​യ​ത്തി​ലെ വി​ല്ലേ​ജ് എ​ക്സ്റ്റ​ൻ​ഷ​ൻ ഓ​ഫി​സ​റാ​യി​രു​ന്ന ശ്രീ​ദേ​വി​യെ​യാ​ണ്​ ഭ​വ​ന വാ​യ്​​പ ഇ​ട​പാ​ടു​മാ​യി ബ​ന്ധ​പ്പെ​ട്ട പ​ണാ​പ​ഹ​ര​ണ കേ​സി​ൽ​ കോ​ട്ട​യം വി​ജി​ല​ൻ​സ് കോ​ട​തി ജ​ഡ്ജി ര​ണ്ടു​വ​ർ​ഷം ക​ഠി​ന ത​ട​വി​നും ഒ​ന്ന​ര​ല​ക്ഷം രൂ​പ പി​ഴ​ക്കും ശി​ക്ഷി​ച്ച​ത്.

2006-’07ൽ ​ത​ല​യോ​ല​പ്പ​റ​മ്പ് വി​ല്ലേ​ജ് എ​ക്സ്റ്റ​ൻ​ഷ​ൻ ഓ​ഫി​സ​റാ​യി​രു​ന്ന ശ്രീ​ദേ​വി പ​ഞ്ചാ​യ​ത്തി​ന്‍റെ ഭ​വ​ന നി​ർ​മാ​ണ പ​ദ്ധ​തി സം​ബ​ന്ധി​ച്ച ഇ​ട​പാ​ടു​ക​ൾ വ​ഴി 1.85 ല​ക്ഷം രൂ​പ അ​പ​ഹ​രി​ച്ചെ​ന്ന്​​ കോ​ട്ട​യം വി​ജി​ല​ൻ​സ് മു​ൻ ഡി​വൈ.​എ​സ്.​പി കൃ​ഷ്ണ​കു​മാ​റി​ന്‍റെ പ്രാ​ഥ​മി​കാ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു.

തു​ട​ർ​ന്ന്​ ര​ജി​സ്റ്റ​ർ ചെ​യ്ത കേ​സി​ൽ കോ​ട്ട​യം വി​ജി​ല​ൻ​സ് മു​ൻ ഡി​വൈ.​എ​സ്.​പി​യും സം​സ്ഥാ​ന ഇ​ന്‍റ​ലി​ജ​ൻ​സ്​ എ​സ്.​പി​യു​മാ​യ സു​രേ​ഷ്​​കു​മാ​റാ​ണ്​ കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​ന് വേ​ണ്ടി കോ​ട്ട​യം വി​ജി​ല​ൻ​സ് പ്രോ​സി​ക്യൂ​ട്ട​ർ രാ​ജ്മോ​ഹ​ൻ ആ​ർ. പി​ള്ള ഹാ​ജ​രാ​യി.