Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകാറിടിച്ച് ബൈക്ക്...

കാറിടിച്ച് ബൈക്ക് യാത്രികൻ മരിച്ചു; റോഡിൽ വീണു കിടന്നിട്ടും വഴിയാത്രക്കാർ ആരും ആശുപത്രിയിൽ എത്തിച്ചില്ല

text_fields
bookmark_border
കാറിടിച്ച് ബൈക്ക് യാത്രികൻ മരിച്ചു; റോഡിൽ വീണു കിടന്നിട്ടും വഴിയാത്രക്കാർ ആരും ആശുപത്രിയിൽ എത്തിച്ചില്ല
cancel

കോട്ടയം: എം.സി റോഡിൽ ഏറ്റുമാനൂർ കാരിത്താസിൽ ബൈക്കും കാറും കൂട്ടിയിടിച്ച് ബൈക്ക് യാത്രക്കാരൻ മരിച്ചു. അപകടത്തിൽ പരിക്കേറ്റ് റോഡിൽ വീണു കിടന്ന ബൈക്ക് യാത്രക്കാരനെ മോട്ടോർ വാഹന വകുപ്പിന്റെ വാഹനത്തിൽ മെഡിക്കൽ കോളജ് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. കോട്ടയം നട്ടാശേരി കുഴിക്കാലായിൽ അരുൺ കുമാർ ജോസഫാണ് (45)മരിച്ചത്.

ബുധനാഴ്ച രാത്രി പത്തു മണിയോടെ എം.സി റോഡിൽ കാരിത്താസ് ആശുപത്രിയ്ക്കു സമീപമായിരുന്നു അപകടം. കോട്ടയം ഭാഗത്തു നിന്നും ഏറ്റുമാനൂർ ഭാഗത്തേയ്ക്കു പോകുകയായിരുന്നു കാർ. ഈ സമയം എതിർ ദിശയിൽ നിന്നും എത്തിയ ബൈക്കിൽ കാർ ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണു കിടന്ന ബൈക്ക് യാത്രക്കാരനെ വഴിയാത്രക്കാർ ആരും തന്നെ ആശുപത്രിയിൽ എത്തിക്കാൻ തയ്യാറായില്ല.

ഈ സമയം കാരിത്താസ് ഭാഗത്ത് വാഹന പരിശോധന നടത്തുകയായിരുന്ന മോട്ടോർ വാഹന വകുപ്പ് എൻഫോഴ്‌സ്‌മെന്റ് വിഭാഗം മോട്ടോർ വെഹിക്കിൾ ഇൻസ്‌പെക്ടർ ജയപ്രകാശ് ബി, അസി.മോട്ടോർ വെഹിക്കിൾ ഇൻസ്‌പെക്ടർ വിഷ്ണു വിജയ് എന്നിവർ ചേർന്നു പരിക്കേറ്റയാളെ മോട്ടോർ വാഹന വകുപ്പിന്റെ വാഹനത്തിൽ മെഡിക്കൽ കോളേജ് ആശുപത്രിയിൽ എത്തിച്ചു. എങ്കിലും മരണം സംഭവിച്ചിരുന്നു. വാഹനത്തിന്റെ നമ്പർ ഉപയോഗിച്ചു നടത്തിയ പരിശോധനയിലാണ് മരിച്ചയാളെ തിരിച്ചറിഞ്ഞത്. മൃതദേഹം കോട്ടയം മെഡിക്കൽ കോളേജ് ആശുപത്രി അത്യാഹിത വിഭാഗത്തിൽ.

Show Full Article
TAGS:Bike accident accident death 
News Summary - Etumanur: Bike rider dies in accident
Next Story