വാഹനാപകട തോതിൽ എറണാകുളം ജില്ല ഒന്നാമത്; അഞ്ചുവർഷത്തിനിടെ പൊലിഞ്ഞത് 2197 ജീവൻ

കൊ​ച്ചി: മ​ര​ണ​ക്കെ​ണി​യാ​യി എ​റ​ണാ​കു​ള​ത്തെ റോ​ഡു​ക​ൾ; അ​ഞ്ച് വ​ർ​ഷ​ത്തി​നി​ടെ ജി​ല്ല​യി​ലെ നി​ര​ത്തു​ക​ളി​ൽ പൊ​ലി​ഞ്ഞ​ത് 2197 ജീ​വ​ൻ. ജി​ല്ല ഇ​ക്ക​ണോ​മി​ക് ആ​ൻ​ഡ്​ സ്റ്റാ​റ്റി​സ്റ്റി​ക്സ് വ​കു​പ്പി​ലെ ഡെ​പ്യൂ​ട്ടി ഡ​യ​റ​ക്ട​ർ എ.​പി. ഷോ​ജ​ൻ ത​യാ​റാ​ക്കി​യ റി​പ്പോ​ർ​ട്ടി​ലാ​ണ് ഈ ​വി​വ​ര​ങ്ങ​ൾ.

സം​സ്ഥാ​ന​ത്തു​ത​ന്നെ ഏ​റ്റ​വും കൂ​ടു​ത​ൽ റോ​ഡ​പ​ക​ട​ങ്ങ​ൾ റി​പ്പോ​ർ​ട്ട് ചെ​യ്യു​ന്ന​ത് ജി​ല്ല​യി​ലാ​ണ്. ഇ​ത്​ ആ​കെ റോ​ഡ​പ​ക​ട​ങ്ങ​ളു​ടെ 14.88 ശ​ത​മാ​നം വ​രും. ഇ​തി​ൽ​ത​ന്നെ ഏ​റ്റ​വും ഉ​യ​ർ​ന്ന അ​പ​ക​ട നി​ര​ക്ക് എ​റ​ണാ​കു​ളം റൂ​റ​ൽ ജി​ല്ല​യി​ലാ​ണ്. ഇ​വി​ടെ അ​ഞ്ചു​വ​ർ​ഷ​ത്തി​നി​ടെ 17, 239 അ​പ​ക​ടം ഉ​ണ്ടാ​യി. ഇ​തി​ൽ 1503 പേ​ർ മ​രി​ക്കു​ക​യും 20,578 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. 7.30 ശ​ത​മാ​ന​മാ​ണ് മ​ര​ണ​നി​ര​ക്ക്. എ​റ​ണാ​കു​ളം സി​റ്റി​യി​ൽ 10,351 അ​പ​ക​ട​ങ്ങ​ളി​ലാ​യി 694പേ​ർ മ​രി​ക്കു​ക‍യും 10,951 പേ​ർ​ക്ക് പ​രി​ക്കേ​ൽ​ക്കു​ക​യു​മു​ണ്ടാ​യി.

ക​ഴി​ഞ്ഞ അ​ഞ്ചു​വ​ർ​ഷ​ത്തി​നി​ടെ 60,399 ഡ്രൈ​വ​ർ​മാ​ർ​ക്കെ​തി​രെ​യാ​ണ് അ​പ​ക​ട കേ​സു​ക​ൾ റി​പ്പോ​ർ​ട്ട് ചെ​യ്ത​ത്. ഇ​തി​ൽ 56,009 പു​രു​ഷ​ന്മാ​രും 4378 സ്ത്രീ​ക​ളും അ​ഞ്ച്​ ഭി​ന്ന​ലിം​ഗ​ക്കാ​രും ഉ​ൾ​പ്പെ​ടു​ന്നു.കൂ​ടാ​തെ 18 വ​യ​സ്സി​ൽ താ​ഴെ​യു​ള്ള 144 ആ​ൺ​കു​ട്ടി​ക​ളും ആ​റ്​ പെ​ൺ​കു​ട്ടി​ക​ളും ഇ​ക്കാ​ല​യ​ള​വി​ൽ വാ​ഹ​നാ​പ​ക​ട​മു​ണ്ടാ​ക്കി.

18-35 പ്രാ​യ​പ​രി​ധി​യി​ലു​ള്ള 9937 പു​രു​ഷ​ൻ​മാ​രും 749 സ്ത്രീ​ക​ളും 26-35 പ്രാ​യ പ​രി​ധി​യി​ലു​ള്ള 12,419 പു​രു​ഷ​ന്മാ​രും 1254 സ്ത്രീ​ക​ളും മൂ​ന്ന്​ ഭി​ന്ന​ലിം​ഗ​ക്കാ​രും ഇ​ക്കൂ​ട്ട​ത്തി​ൽ​പ്പെ​ടു​ന്നു. 36-45 പ്രാ​യ​പ​രി​ധി​യി​ലു​ള്ള 10,909 പു​രു​ഷ​ന്മാ​രും1282 സ്ത്രീ​ക​ളും ഒ​രു ഭി​ന്ന​ലിം​ഗ​ക്കാ​രി​യും 46-60 പ്രാ​യ​ത്തി​ലു​ള്ള 10,701 പു​രു​ഷ​ന്മാ​രും 754 സ്ത്രീ​ക​ളും ഒ​രു ഭി​ന്ന​ലിം​ഗ​ക്കാ​രി​യും 60 വ​യ​സ്സി​ന് മു​ക​ളി​ലു​ള്ള 2974 പു​രു​ഷ​ന്മാ​രും 56 സ്ത്രീ​ക​ളും വാ​ഹ​നാ​പ​ക​ട​മു​ണ്ടാ​ക്കി​യ​താ​യി റി​പ്പോ​ർ​ട്ട് പ​റ​യു​ന്നു.

ഇ​രു​ച​ക്ര വാ​ഹ​ന​ങ്ങ​ളാ​ണ് അ​പ​ക​ട​ത്തി​ൽ​പെ​ടു​ന്ന​വ​യി​ൽ ഭൂ​രി​പ​ക്ഷ​വും. ഇ​ത് ആ​കെ അ​പ​ക​ട​നി​ര​ക്കി​ന്‍റെ 41 ശ​ത​മാ​നം വ​രും. ആ​കെ അ​പ​ക​ട​ങ്ങ​ളു​ടെ പ​കു​തി​യി​ല​ധി​ക​വും ഗ്രാ​മീ​ണ-​ന​ഗ​ര റോ​ഡു​ക​ളി​ലാ​ണ്. എ​ന്നാ​ൽ, ദേ​ശീ​യ​പാ​ത​ക​ളി​ൽ 23 ശ​ത​മാ​ന​വും സം​സ്ഥാ​ന​പാ​ത​ക​ളി​ൽ 20 ശ​ത​മാ​ന​വും അ​പ​ക​ട​ങ്ങ​ൾ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ണ്ട്. ആ​കെ അ​പ​ക​ട​ങ്ങ​ളു​ടെ 60 ശ​ത​മാ​ന​ത്തി​ല​ധി​ക​വും 18-45 പ്രാ​യ​പ​രി​ധി​യി​ലു​ള്ള​വ​രാ​ണ് ഇ​ര​യാ​യ​തെ​ന്നും റി​പ്പോ​ർ​ട്ട് വി​ല​യി​രു​ത്തു​ന്നു​ണ്ട്. അ​ശ്ര​ദ്ധ​മാ​യ വാ​ഹ​ന​മോ​ടി​ക്ക​ലാ​ണ് ഭൂ​രി​പ​ക്ഷം അ​പ​ക​ട​ങ്ങ​ളു​ടെ​യും കാ​ര​ണം. ഇ​തോ​ടൊ​പ്പം ത​ന്നെ മ​ദ്യ​പി​ച്ചു​ള്ള വാ​ഹ​ന​മോ​ടി​ക്ക​ൽ, റോ​ഡു​ക​ളു​ടെ ശോ​ച്യാ​വ​സ്ഥ, മൊ​ബൈ​ൽ ഫോ​ൺ ഉ​പ‍യോ​ഗം തു​ട​ങ്ങി​യ​വ​യും അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്ന​താ​യി റി​പ്പോ​ർ​ട്ട് ചൂ​ണ്ടി​ക്കാ​ണി​ച്ചി​ട്ടു​ണ്ട്.