എസ്​.എഫ്​​.​െഎക്കാരനെ വിട്ടയക്കാൻ സ്​റ്റേഷനിൽ തള്ളിക്കയറി; 10 പേർക്കെതിരെ കേസ്​

ഇരവിപുരം: വാഹന പരിശോധനക്കിടെ പൊലീസ് സ്​റ്റേഷനിലേക്ക് കൂട്ടിക്കൊണ്ടുവന്ന എസ്.എഫ്.ഐ പ്രവർത്തകനെ വിട്ടയക്കണ മെന്നാ​വശ്യപ്പെട്ട് പൊലീസ് സ്​റ്റേഷനിലെത്തി ബഹളം വെച്ച 10 പേർക്കെതിരെ കേസെടുത്തു. മയ്യനാട് കുറ്റിക്കാട് സ്വ ദേശികളായ സജിൻ ദാസ്, സുർജിത്, രവി രാജ്, സജീർ എന്നിവർക്കും കണ്ടാലറിയാവുന്ന ആറുപേർക്കെതിരെയുമാണ് ഇരവിപുരം പൊലീസ ് കേസെടുത്തത്.

ഞായറാഴ്​ച വൈകീട്ട് അഞ്ചോടെയായിരുന്നു സംഭവം. ഇരവിപുരം എസ്.ഐയുടെ നേതൃത്വത്തിൽ പട്രോളിങ്​ നടത്തവെ മയ്യനാട് ഭാഗത്തു​െവച്ച് സജിൻ ദാസ് എന്ന യുവാവിനെ ബൈക്കി​​െൻറ രേഖകൾ കൈവശം ഇല്ലാത്തതിനെ തുടർന്ന് സ്​റ്റേഷനിലേക്ക് കൂട്ടിക്കൊണ്ടുവന്നു. വാഹനത്തി​​െൻറ രേഖകൾ കൊണ്ടുവന്നാൽ വിട്ടയക്കാമെന്ന് പറയുകയും ചെയ്​തു. സംഭവമറിഞ്ഞെത്തിയ ഡി.വൈ.എഫ്.ഐ പ്രവർത്തകർ സ്​റ്റേഷനിലേക്ക് തള്ളിക്കയറി ബഹളം വെക്കുകയും വിട്ടയക്കണമെന്നാവശ്യപ്പെടുകയുമായിരുന്നു. ബൈക്കി​​െൻറ രേഖകൾ കാണിച്ചതിനെ തുടർന്ന് സജിൻ ദാസിനെ വിട്ടയക്കുകയും ചെയ്തു.

ഇയാളെ കൂട്ടിക്കൊണ്ടുപോകാനെത്തിയവരാണ് ബഹളം വെച്ചത്. ഡി.വൈഎഫ്.ഐ ജില്ല ജാഥക്ക്​ മുന്നോടിയായുള്ള പ്രകടനത്തിൽ പങ്കെടുക്കുന്നതിന്​ പ്രവർത്തകരെയും കാത്തുനിന്ന സജിൻ ദാസിനെ പൊലീസ് അകാരണമായി കസ്​റ്റഡിയിലെടുക്കുകയായിരു​െന്നന്നാണ് ഡി.വൈ.എഫ്.ഐ പ്രവർത്തകർ പറയുന്നത്. സംഭവത്തെക്കുറിച്ച് ഉന്നത പൊലീസ് ഉദ്യോഗസ്ഥർ അന്വേഷണം ആരംഭിച്ചിട്ടുണ്ട്.