Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightജനങ്ങളെ തെറ്റ്​...

ജനങ്ങളെ തെറ്റ്​ ചെയ്യാൻ രമേശ്​ ചെന്നിത്തലയും കെ. സുരേന്ദ്രനും പ്രേരിപ്പിക്കുന്നു -ഇ.പി. ജയരാജൻ

text_fields
bookmark_border
ജനങ്ങളെ തെറ്റ്​ ചെയ്യാൻ രമേശ്​ ചെന്നിത്തലയും കെ. സുരേന്ദ്രനും പ്രേരിപ്പിക്കുന്നു -ഇ.പി. ജയരാജൻ
cancel

തിരുവനന്തപുരം: നവമാധ്യമങ്ങൾ വന്നതോടെ എന്തും പറയാമെന്നും ചെയ്യാമെന്നുമുള്ള അവസ്​ഥയാണെന്ന്​ മന്ത്രി ഇ.പി. ജയരാജൻ മാധ്യമങ്ങളോട്​ പറഞ്ഞു. ഇതിനെതിരെ നല്ല രീതിയിൽ ജാഗ്രത മാധ്യമങ്ങളിൽനിന്നടക്കം ഉണ്ടാകണം. രമേശ്​ ചെന്നിത്തലയും ചില സാമൂഹിക വിരുദ്ധൻമാരും നടത്തുന്ന പ്രവർത്തനങ്ങൾ സംസ്​ഥാനത്തിന്​ തിരിച്ചടിയാകും. ജനങ്ങളെ സൈബർ കുറ്റങ്ങൾ ചെയ്യാൻ പ്രതിപക്ഷ നേതാവ്​ രമേശ്​ ചെന്നിത്തലയും ബി.ജെ.പി സംസ്​ഥാന പ്രസിഡൻറ്​ കെ. സുരേന്ദ്രനും പ്രേരിപ്പിക്കുകയാണ്​. 

മുഖ്യമന്ത്രിയുടേ​തടക്കം ചിത്രങ്ങളിൽ കൃത്രിമത്വം നടത്തി പ്രചരിക്കുകയാണ്​ പലരും. അദ്ദേഹത്തിനും കുടുംബമുണ്ടെന്ന്​​ മനസ്സിലാക്കണം. കുറെകൂടി മാന്യമായി പ്രവർത്തിക്കാൻ ​ശ്രമിക്കണം. എന്ത്​ മരണക്കളി കളിച്ചാലും നാശം യു.ഡി.എഫിനും ബി.ജെ.പിക്കും മാത്രമാണ്​. 

സ്വർണക്കടത്ത്​ കേസിൽ കസ്​റ്റംസ്​ ആവശ്യപ്പെട്ടാൽ മാത്രമാണ്​ സർക്കാറിന്​ അന്വേഷണം നടത്താൻ കഴിയുകയെന്ന്​ ചോദ്യത്തിന്​ മറുപടിയായി മന്ത്രി പറഞ്ഞു. അവർ ആവശ്യപ്പെടു​േമ്പാൾ സഹായം നൽകുകയാണ്​ ചെയ്യുന്നത്​. നല്ലരീതിയിൽ സഹായം ലഭിച്ചുവെന്ന്​ അവർ പറയുകയും ചെയ്​തു. കേരള പൊലീസും ഇക്കാര്യത്തിൽ​ ജാഗ്രത പാലിച്ചിട്ടുണ്ട്​. 

പലരും അന്വേഷണം വഴിതിരിച്ചുവിടാൻ ശ്രമിക്കുകയാണ്​. അന്വേഷണം പലരുടെയും അടുത്തേക്ക്​ എത്തും. അതുകൊണ്ടാണ്​ ചിലരെല്ലാം ​വെപ്രാളം കാണിക്കുന്നത്​. കേസിലെ പ്രതി സന്ദീപ്​ നായർക്ക്​ ബി.ജെ.പിയമായി ബന്ധ​മുണ്ടെന്നും മന്ത്രി പറഞ്ഞു.

Latest Video:

Show Full Article
TAGS:kerala news smuggling Minister 
News Summary - ep jayarajan against ramesh chennithala and k surendran
Next Story