ഈങ്ങാപുഴയിൽ ആദിവാസി മരിച്ചത്​ വ്യാജ മദ്യം കഴിച്ച​ല്ലെന്ന്​ നിഗമനം

ഈങ്ങാപ്പുഴ (കോഴിക്കോട്): പാലക്കൽ ചെമ്പിലി ആദിവാസി കോളനിയിലെ കൊളന്തൻ (68) മരിച്ചത് വ്യാജ മദ്യം കഴിച്ചല്ലെന്ന്​ ന ിഗമനം. മരിച്ചയാളുടെയും ചികിത്സയിലുള്ളവരുടെയും ശരീരത്തില്‍ മെഥനോളിൻെറ സാന്നിധ്യമില്ല. വ്യാജ മദ്യം കഴിച്ചതി​ േൻറതായ ലക്ഷണങ്ങളൊന്നും നിലവിൽ ചികിത്സയിലുള്ളവരിൽ ഇല്ല. അതിനാൽ വ്യാജ മദ്യമാണ്​​ മരണ കാരണമെന്ന സ്ഥിരീകരണത്തി ലെത്താൻ ഇപ്പോൾ പറ്റി​െല്ലന്നും എക്സൈസ്​ ഉദ്യോഗസ്ഥർ അറിയിച്ചു.

സ്ഥലത്ത്​ നടത്തിയ പരിശോധനയിലും കാ​ര്യമായ ഒന്നും കണ്ടെത്താനായിട്ടില്ല. മറ്റ് ഏതെങ്കിലും തരത്തിലുള്ള വിഷം അകത്ത് ചെന്നതാകാം മരണകാരണമെന്ന നിഗമനത്തിലാണ്​ എക്സൈസ്, പൊലീസ്​ ഉദ്യോഗസ്ഥർ. മരിച്ച കൊളന്തനൊപ്പമുണ്ടായിരുന്ന നാരായണൻ (60), ഗോപാലൻ (50) എന്നിവർ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിൽ തുടരുകയാണ്​. മൂന്നു പേരുടേയും സാമ്പിളുകളുടെ പരിശോധനാഫലം ഇന്ന് പത്ത് മണിയോടെ ലഭിക്കും.

വെള്ളിയാഴ്​ച രാത്രി ഏഴരയോടെ കൊളന്തനെ റോഡിൽ ബോധരഹിതനായി കണ്ടെത്തുകയായിരുന്നു. തൊട്ടടുത്ത അങ്ങാടിയിലുള്ളവർ ഇയാളെ താമരശേരി സര്‍ക്കാര്‍ ആശുപത്രിയിലേക്ക് കൊണ്ടുപോയതിന് പിന്നാലെ ഒപ്പമുണ്ടായിരുന്ന നാരായണന്‍, ഗോപാലന്‍ എന്നിവരെയും അവശനിലയില്‍ കണ്ടെത്തി. തുടര്‍ന്ന് ഇവരേയും ആശുപത്രിയില്‍ പ്രവേശിപ്പിച്ചു. ആരോഗ്യ നില വഷളായതിനെ തുടർന്ന്​ മെഡിക്കൽ കോളജ്​ ആശുപത്രിയിലേക്ക്​ കൊണ്ടു പോകുന്നതിനിടെയായിരുന്നു കൊളന്തൻെറ മരണം.