വരവില്‍ കവിഞ്ഞ സ്വത്ത് : കെ. ബാബുവിനെ എന്‍ഫോഴ്‌സ്‌മെന്റ് ചോദ്യം ചെയ്തു

തിരുവനന്തപുരം: വരവില്‍ കവിഞ്ഞ സ്വത്ത് സമ്പാദിച്ചെന്ന കേസില്‍ മുന്‍മന്ത്രി കെ. ബാബുവിനെ എന്‍ഫോഴ്സ്മ​​െൻറ് ഡ യറക്ടറേറ്റ് ചോദ്യം ചെയ്തു. കേസില്‍ വിജിലന്‍സ് നല്‍കിയ കുറ്റപത്രത്തിൻെറ അടിസ്ഥാനത്തിലാണ് ചോദ്യം ചെയ്തത്.

തനിക്ക് വരവില്‍ കവിഞ്ഞ സ്വത്തില്ലെന്നും തെറ്റായ വിവരത്തിൻെറ അടിസ്ഥാനത്തിലാണ് വിജിലന്‍സ് കുറ്റപത്രം തയ്യാറാക്കിയതെന്നും കെ.ബാബു എന്‍ഫോഴ്സ്മെന്റിനെ അറിയിച്ചു.

കഴിഞ്ഞ ദിവസം കൊച്ചിയിലെ ഓഫീസിലേക്ക് വിളിച്ചുവരുത്തിയാണ് എന്‍ഫോഴ്സ്മെന്റ് കെ.ബാബുവിൻെറ മൊഴിയെടുത്തത്. തനിക്ക് കിട്ടിയ ട്രാവല്‍, ഡെയ്ലി അലവന്‍സുകള്‍ വരുമാനമായി കണക്കാക്കിയതാണ് തെറ്റായ കണക്കിലേക്ക് വിജിലന്‍സിനെ നയിച്ചതെന്ന് കെ.ബാബു പറയുന്നു.