Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമൊഴികളില്‍ വൈരുധ്യം;...

മൊഴികളില്‍ വൈരുധ്യം; എം. ശിവശങ്കറിനെ എന്‍ഫോഴ്സ്മെൻറ്​ വീണ്ടും ചോദ്യം ചെയ്യുന്നു

text_fields
bookmark_border
മൊഴികളില്‍ വൈരുധ്യം; എം. ശിവശങ്കറിനെ എന്‍ഫോഴ്സ്മെൻറ്​ വീണ്ടും ചോദ്യം ചെയ്യുന്നു
cancel

കൊച്ചി: മുഖ്യമന്ത്രിയുടെ മുന്‍ പ്രിന്‍സിപ്പ‍ല്‍ സെക്രട്ടറി എം. ശിവശങ്കറിനെ എന്‍ഫോഴ്സ്മെൻറ്​ ഡയറക്​ടറേറ്റ് വീണ്ടും ചോദ്യം ചെയ്യുന്നു. ശനിയാഴ്​ച ഉച്ചക്കുശേഷമാണ്​ ശിവശങ്കര്‍ കൊച്ചിയിലെ ഇ.ഡി ഓഫിസിലെത്തിയത്. സ്വര്‍ണക്കടത്ത് കേസില്‍ രണ്ടാം തവണയാണ് ഇദ്ദേഹത്തെ എൻഫോഴ്​സ്​മെൻറ്​ ചോദ്യം ചെയ്യുന്നത്.

ആഗസ്​റ്റ്​ ഏഴിനാണ്​ നേരത്തെ ചോദ്യം ചെയ്​തത്​. അന്ന് നൽകിയ മറുപടികളിൽ വൈരുധ്യമുണ്ടെന്ന വിലയിരുത്തലിലാണ് വീണ്ടും ചോദ്യം ചെയ്യാൻ തീരുമാനിച്ചത്. വെള്ളിയാഴ്​ച ശിവശങ്കറിനോട് ചോദ്യം ചെയ്യലിന് എത്താൻ ആവശ്യപ്പെട്ടെങ്കിലും ശാരീരിക ബുദ്ധിമുട്ടുള്ളതിനാൽ സമയം അനുവദിക്കണമെന്ന്​ അഭ്യർഥിച്ചിരുന്നു.

കേസിലെ പ്രതിയായ സ്വപ്​നയുടെ മൊഴിയിൽനിന്ന് കിട്ടിയ നിര്‍ണായക വിവരങ്ങൾ അനുസരിച്ചാണ്​ എം. ശിവശങ്കറിനെ ചോദ്യം ചെയ്യുന്നത്​. ദേശീയ അന്വേഷണ ഏജൻസിക്കും കസ്​റ്റംസിനും പിന്നാലെയാണ് എൻഫോഴ്മെൻറ്​ ഡയറക്​ടറേറ്റും ശിവശങ്കറിനെ ചോദ്യം ചെയ്യുന്നത്.

Show Full Article
TAGS:gold smuggling sivasankar enforcement directorate swapna suresh 
News Summary - enforcement directorate questioned sivasankar
Next Story