എൻഡോസൾഫാൻ: സർക്കാർ മുട്ടുമടക്കി, സമരത്തിന്​ സമാപ്​തി

തിരുവനന്തപുരം: എൻഡോസൾഫാൻ ഇരകളുടെ തളരാത്ത സമരവീര്യത്തിനുമുന്നിൽ സർക്കാർ മുട്ടുമടക്കി. അഞ്ചുദിവസം നീണ്ട നിര ാഹാരത്തിനും മുഖ്യമ​ന്ത്രിയുടെ വസതിയിലേക്ക്​ അമ്മമാർ നടത്തിയ സങ്കടമാർച്ച​​ിനും പിന്നാലെ ആവശ്യങ്ങളെല്ലാം സർക്കാർ അംഗീകരിച്ചു, സമരം പിൻവലിച്ചു.

മുഖ്യമന്ത്രി പിണറായി വിജയ​​​​െൻറ അധ്യക്ഷതയിൽ നടന്ന ചർച്ചയിൽ, 27 പഞ്ചായത്തിലെയും മൂന്ന്​ മുനിസിപ്പാലിറ്റിയിലെയും മുഴുവൻ ദുരിതബാധിതരെയും അതിർത്തി നോക്കാതെ ഇരകളായി പരിഗണിക്ക​​​​ുമെന്ന്​ ഉറപ്പുനൽകി​. പ്രധാന ആവശ്യം അംഗീകരിച്ചതോടെ സെക്ര​േട്ടറിയറ്റ്​ നടയിലെ സമരം അവസാനിപ്പിച്ചതായി എൻഡോസൾഫാൻ പീഡിത ജനകീയസമിതി സെക്രട്ടറി അമ്പലത്തറ കുഞ്ഞികൃഷ്ണന്‍ അറിയിച്ചു. അഞ്ച്​ ദിവസമായി നിരാഹാരമനുഷ്​ഠിക്കുന്ന ദയാബായിയും നാരങ്ങാനീര്​ കുടിച്ച്​ സമരം അവസാനിപ്പിച്ചു.

പുനരധിവാസവും കടം എഴുതിത്തള്ളലുമടക്കം 14 ആവശ്യങ്ങൾ ഉന്നയിച്ചായിരുന്നു​ സമരം​. അതിർത്തി പരിഗണനയുടെ കാര്യത്തിൽ സർക്കാർ കടുംപിടിത്തം കാട്ടിയതോടെ സമരത്തി​​​െൻറ മൂന്നാംദിവസം നടന്ന മന്ത്രിതലചർച്ച അലസിപ്പിരിഞ്ഞു. ഇതിനുപിറകേ, ഞായറാഴ്​ച മുഖ്യമന്ത്രിയുടെ വസതിയി​േലക്ക്​ മാർച്ച്​ പ്രഖ്യാപിച്ചു. മാർച്ചിന്​ മുമ്പ്​ മുഖ്യമന്ത്രിയുടെ ഒാഫിസ്​ ഇടപെട്ട്​ ചർച്ചക്ക്​ ​ശ്രമിച്ചു. എന്നാൽ, സങ്കടമാർച്ചുമായി മുന്നോട്ടുപോകാനായിരുന്നു തീരുമാനം.

ഞായറാഴ്​ച ഉച്ചക്ക്​ ഒന്നരയോടെ മുഖ്യമന്ത്രിയുടെ പ്രൈവറ്റ്​ സെക്രട്ടറി എം.വി. ജയരാജനാണ്​ ചർച്ച തുടങ്ങിയതെങ്കിലും പിന്നാലെ മുഖ്യമന്ത്രിയുമെത്തി. ആവശ്യങ്ങൾ പൂർണമായും അംഗീകരിക്കുന്ന സമീപനമാണ്​ മുഖ്യമന്ത്രി സ്വീകരിച്ചത്​. സമരസമിതി കണ്‍വീനര്‍ അമ്പലത്തറ കുഞ്ഞികൃഷ്ണന്‍, സമരസമിതി പ്രതിനിധികളായ അംബികാസുതന്‍ മാങ്ങാട്, മുനീസ അമ്പലത്തറ, കെ. സന്തോഷ് കുമാര്‍, അമ്മമാരുടെ പ്രതിനിധികളായി കെ. സെമീറ, അരുണി ചന്ദ്രന്‍ എന്നിവർ ചർച്ചയിൽ പങ്കെടുത്തു.

കൂടുതൽ പേർക്ക്​ ആനുകൂല്യം
ദുരിതബാധിതമായ മുഴുവൻ പഞ്ചായത്തുകളെയും പരിഗണിക്കുന്നതോടെ ഇതുവരെ പുറത്തായിരുന്ന 1541 ഇരകൾക്ക്​ പട്ടികയിൽ ഇടം ലഭിക്കും. 2017 ലെ മെഡിക്കൽ ക്യാമ്പിൽ 1905 പേരെയാണ്​ ദുരിതബാധിതരെന്ന്​ ക​ണ്ടെത്തിയത്​. അതിർത്തി മാനദണ്ഡം മാറ്റാൻ ധാരണയായതോടെ കൂടുതൽ പേർക്ക്​ ആനുകൂല്യം ലഭിക്കും. 1541 പേരിൽ 18 വയസ്സിന്​ താഴെയുള്ള 482 പേരെ വേഗം പട്ടികയിൽപെടുത്തും. ശേഷിക്കുന്നവരെ മെഡിക്കൽ സംഘത്തി​​​െൻറ പരിശോധനയുടെ അടിസ്ഥാനത്തിൽ ഉൾ​െപ്പടുത്തും. ഹര്‍ത്താല്‍ മൂലം മെഡിക്കൽ ക്യാമ്പിൽ പങ്കെടുക്കാന്‍ കഴിയാതിരുന്ന ആയിരത്തിലേറെ പേർക്ക്​ വീണ്ടും ക്യാമ്പ്. ഈ മാസം 10 മുതൽ ക്യാമ്പ്​ ആരംഭിക്കും. പുനരധിവാസപ്രവര്‍ത്തനം വേഗത്തിലാക്കും, ആദ്യഘട്ടമായി അഞ്ചുകോടി. പാതിവഴിയിലായ ബഡ്‌സ് സ്‌കൂളുകള്‍ എല്ലാ സജ്ജീകരണങ്ങളോടുംകൂടി പ്രവര്‍ത്തിപ്പിക്കും.ആറ് ബഡ്‌സ് സ്‌കൂളുകള്‍ ഈ മാസം അവസാനം ഉദ്ഘാടനം ചെയ്യും.


സങ്കടമാർച്ച് സമ്മർദമായി, സർക്കാർ കണ്ണുതുറന്നു
തിരുവനന്തപുരം: അഞ്ച്​ ദിവസമായി തുടരുന്ന അതിജീവനസമരം അവസാനിപ്പിക്കുന്നതിന്​ വഴിതുറന്നത്​ എൻഡോസൾഫാൻ ഇരകൾ മുഖ്യമന്ത്രിയുടെ വസതിയിലേക്ക്​ നടത്തിയ സങ്കടമാർച്ച്​. അധികാരികളുടെ കണ്ണുതുറപ്പിക്കാൻ ദുരിതംപേറുന്ന കുട്ടികളെ തോളിലേന്തി അമ്മമാർ നടത്തിയ മാർച്ച്​ പ്രതിഷേധത്തിനപ്പുറം നെഞ്ചുപിടപ്പിക്കുന്നതായിരുന്നു. സെക്ര​േട്ടറിയറ്റിന്​ മുന്നിലെ സമരപ്പന്തലിൽനിന്ന്​ കുഞ്ഞുങ്ങളും ഒപ്പമുള്ളവരും വാഹനങ്ങളിലും അമ്മമാർ പ്രകടനമായുമാണ്​ ദേവസ്വം ബോർഡ്​ ജങ്​ഷനിലെത്തിയത്​. തുടർന്ന്​ സങ്കടമാർച്ചായി ബാരി​ക്കേഡിന്​ മുന്നി​േലക്ക​ും. മാർച്ച്​ തുടങ്ങുംമുമ്പും ശേഷവും മുഖ്യമന്ത്രിയുടെ ഒാഫിസിൽനിന്ന്​ ഇടപെടലുണ്ടായിരുന്നു. ഒരുമണിക്ക്​ മു​െമ്പത്തിയാൽ മുഖ്യമന്ത്രിയുമായി നേരിട്ട്​ ചർച്ച നടത്താമെന്നായിരുന്നു അറിയിപ്പ്​. എന്നാൽ സമരസമിതി യോഗം ചേർന്ന്​ ശേഷം ഒന്ന​ര​ക്ക്​ ചർച്ചക്കെത്താമെന്ന്​ അറിയിച്ചു. സങ്കടമാർച്ചിൽ ഇക്കാര്യം പ്രഖ്യാപിക്കുകയ​​ും ചെയ്​തു.

കനത്ത വെയിലിനെ അവഗണിച്ച്​ നിരവധിപേരാണ്​ ​െഎക്യദാർഢ്യമർപ്പിക്കാനെത്തിയത്​. സമരത്തിന്​ കിട്ടിയ സ്വീകാര്യതയും സർക്കാർ ഇടപെടൽ വേഗത്തിലാക്കി. വി.എം. സുധീരനും മുഖ്യമന്ത്രിയുടെ ഒാഫിസുമായി ബന്ധപ്പെട്ടിരുന്നു. ഒന്നരക്ക്​ തുടങ്ങിയ ചർച്ച മൂന്നരയോടെയാണ്​ അവസാനിച്ചത്​. ചർച്ചയുടെ ഒാരോഘട്ടത്തിലും പ്രതീക്ഷയിലായിരുന്നു സമരപ്പന്തൽ. സർക്കാർ തീരുമാനം അറിഞ്ഞതോടെ സമരപ്പന്തൽ വൈകാരിക മുഹൂർത്തങ്ങൾക്ക്​ വഴിമാറി​. ആനന്ദക്കണ്ണീരോടെയാണ്​ അമ്മമാർ തീരുമാന​ത്തെ എതിരേറ്റത്​. കുട്ടികളെ കെട്ടിപ്പിടിച്ച്​ കരയുന്ന അമ്മമാർ കാഴ്​ചക്കാരുടെ കണ്ണ്​ നനയിച്ചു. ഇങ്ങനെ സമരം ചെയ്യേണ്ടിവന്നതിൽ സങ്കടമു​ണ്ടെന്നും സർക്കാർ ​നേരത്തെ ഇട​െപട്ടിരുന്നെങ്കിൽ മാർച്ച്​ നടത്തേണ്ടിവരില്ലായിരു​െന്നന്നുമായിരുന്നു അമ്മമാരുടെ പ്രതികരണം. ഉറപ്പ്​ പാലിക്കുന്നതിൽ സർക്കാർ അടിയന്തര പരിഗണന നൽകണമെന്ന്​ സമരസഹായ സമിതി ചെയർമാൻ എം. ഷാജർഖാൻ ആവശ്യപ്പെട്ടു.