ഹജ്ജിന് പരിസമാപ്തി; മുഴുവൻ ഹാജിമാരും ഇന്ന് മടങ്ങും

മ​ക്ക: പി​ശാ​ചി​നെ​തി​രെ പ്ര​തീ​കാ​ത്മ​ക​മാ​യി അ​വ​സാ​ന ക​ല്ലേ​റ് ക​ർ​മ​വും​ പൂ​ർ​ത്തി​യാ​ക്കി ഈ ​വ​ർ​ഷ​ത്തെ ഹ​ജ്ജി​ന്​ ഇ​ന്ന് പ​രി​സ​മാ​പ്തി​യാ​കും. ഹ​ജ്ജി​ലെ സു​പ്ര​ധാ​ന ക​ർ​മ​ങ്ങ​ളെ​ല്ലാം തീ​ർ​ന്ന​തോ​ടെ വെ​ള്ളി​യാ​ഴ്ച വൈ​കീ​ട്ട് മു​ത​ൽ ത​ന്നെ ഹാ​ജി​മാ​ർ മി​ന​യി​ൽ​നി​ന്നും മ​ട​ങ്ങിത്തുട​ങ്ങി​.അ​വ​ശേ​ഷി​ക്കു​ന്ന ഹാ​ജി​മാ​രാ​ണ് ജം​റ സ്തൂ​പ​ങ്ങ​ളി​ൽ ക​ല്ലേ​റ് പൂ​ർ​ത്തി​യാ​ക്കി മി​ന താ​ഴ്വാ​രം വി​ടു​ക. ഹ​ജ്ജ് ക​ർ​മ​ങ്ങ​ൾ​ക്ക് വി​രാ​മ​മാ​യ​തോ​ടെ തീ​ർ​ഥാ​ട​ക​ര്‍ വി​ട​വാ​ങ്ങ​ൽ ത്വ​വാ​ഫ് പൂ​ർ​ത്തി​യാ​ക്കി വി​ശു​ദ്ധ മ​ക്ക​യോ​ട് വി​ട പ​റ​ഞ്ഞു തു​ട​ങ്ങി.

ഇ​ന്ത്യ​യി​ൽ നി​ന്നെ​ത്തി​യ പ​കു​തി​യി​ല​ധി​കം തീ​ർ​ഥാ​ട​ക​രും വെ​ള്ളി​യാ​ഴ്ച ത​ന്നെ മി​ന​യി​ൽ നി​ന്ന് ദു​ൽ​ഹ​ജ്ജ് 12 ലെ ​ക​ല്ലേ​റ്​ പൂ​ർ​ത്തി​യാ​ക്കി അ​സീ​സി​യി​ലെ ക്യാ​മ്പി​ലേ​ക്ക് മ​ട​ങ്ങി​യി​രു​ന്നു. വെ​ള്ളി​യാ​ഴ്ച്ച രാ​ത്രി മി​ന​യി​ൽ ത​ങ്ങാ​നു​ള്ള സൗ​ക​ര്യ​വും ഹ​ജ്ജ് ഏ​ജ​ൻ​സി​ക​ൾ ഒ​രു​ക്കി​യി​രു​ന്നു. ബാ​ക്കി​വ​രു​ന്ന മു​ഴു​വ​ൻ തീ​ർ​ഥാ​ട​ക​രും ശ​നി​യാ​ഴ്​​ച വൈ​കു​ന്നേ​ര​ത്തോ​ടെ താ​മ​സ​സ്ഥ​ല​ങ്ങ​ളി​ൽ തി​രി​ച്ചെ​ത്തും. തി​ര​ക്കൊ​ഴി​വാ​ക്കാ​ൻ ഹ​ജ്ജ് മ​ന്ത്രാ​ല​യം ഓ​രോ സ​ർ​വി​സ് ക​മ്പ​നി​ക്കും മി​ന​യി​ൽ​നി​ന്ന് മ​ട​ങ്ങു​ന്ന​തി​ന്​ പ്ര​ത്യേ​ക സ​മ​യം അ​നു​വ​ദി​ച്ചി​രു​ന്നു.

സം​സ്ഥാ​ന ഹ​ജ്ജ് ക​മ്മി​റ്റി​യി​ൽ എ​ത്തി​യ മ​ല​യാ​ളി ഹാ​ജി​മാ​ർ ഭൂരിഭാഗവും ചൊ​വ്വാ​ഴ്ച ക​ർ​മം പൂ​ർ​ത്തി​യാ​ക്കി​യാ​വും മ​ട​ങ്ങു​ക. ഹ​ജ്ജി​ലെ ത്വ​വാ​ഫും സ​ഫ മ​ർ​വ കു​ന്നു​ക​ൾ​ക്കി​ട​യി​ലെ പ്ര​യാ​ണ​വും നേ​ര​ത്തേ പൂ​ർ​ത്തീ​ക​രി​ക്കാ​ത്ത മ​ല​യാ​ളി തീ​ർ​ഥാ​ട​ക​ർ താ​മ​സ​സ്ഥ​ല​ങ്ങ​ളി​ൽ തി​രി​ച്ചെ​ത്തി​യ​തി​നു​ശേ​ഷ​മാ​കും നി​ർ​വ​ഹി​ക്കു​ക. സ്വ​കാ​ര്യ ഗ്രൂ​പ്പു​ക​ളി​ലെ​ത്തി​യ മ​ല​യാ​ളി ഹാ​ജി​മാ​ർ അ​ധി​ക​വും മൂ​ന്നു ദി​വ​സ​ത്തെ ക​ല്ലേ​റ് ക​ർ​മം പൂ​ർ​ത്തീ​ക​രി​ച്ച് ഇ​ന്ന് വൈ​കു​ന്നേ​ര​ത്തോ​ടെ​യാ​ണ് തി​രി​ച്ചെ​ത്തു​ക. ഇ​ന്ത്യ​ൻ ഹാ​ജി​മാ​രു​ടെ സ്വ​ദേ​ശ​ങ്ങ​ളി​ലേ​ക്കു​ള്ള മ​ട​ക്ക​യാ​ത്ര ജൂ​ലൈ മൂ​ന്ന്​ മു​ത​ൽ ആ​രം​ഭി​ക്കും.