Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightജീവനക്കാരുടെ ശമ്പള...

ജീവനക്കാരുടെ ശമ്പള കുടിശ്ശിക വൈകും; ആദ്യ ഗഡു പി.എഫിൽ നൽകുന്നത്​ നീട്ടി

text_fields
bookmark_border
salary
cancel

തിരുവനന്തപുരം: സർക്കാർ ജീവനക്കാരുടെയും അധ്യാപകരുടെയും ശമ്പള പരിഷ്കരണ കുടിശ്ശിക പ്രോവിഡന്‍റ്​ ഫണ്ട്​ അക്കൗണ്ടിലേക്ക്​ നൽകുന്നത്​ നീട്ടിവെച്ചു. ആദ്യഗഡുവായ 25 ശതമാനം ഏപ്രിൽ ഒന്നിന്​ പി.എഫിൽ ക്രെഡിറ്റ്​ ചെയ്യുമെന്നായിരുന്നു പ്രഖ്യാപനം. എന്നാൽ, അത്​ ഇനിയൊരു ഉത്തരവുണ്ടാകുന്നതുവരെ നീട്ടിവെച്ച്​ ധനവകുപ്പ്​ വ്യാഴാഴ്ച ഉത്തരവിറക്കി. ഇതോടെ, തുടർന്നുള്ള ഗഡുക്കളുടെ കാര്യവും അനിശ്ചിതത്വത്തിലായി. സാമ്പത്തിക പ്രതിസന്ധിയാണ്​ തീരുമാനത്തിന്​ കാരണമെന്ന്​ ധനവകുപ്പ്​ വിശദീകരിക്കുന്നു.

ശമ്പള പരിഷ്കരണ കുടിശ്ശിക പണമായി നാല്​ ഘട്ടമായി നൽകുമെന്നായിരുന്നു ആദ്യം സർക്കാർ വാഗ്ദാനം. പിന്നീട്​, ഉത്തരവിറങ്ങിയപ്പോൾ നാല്​ ഗഡുവായി പി.എഫിൽ ലയിപ്പിക്കുമെന്നായി. 2023 ഏപ്രിൽ ഒന്ന്​, ഒക്​ടോബർ ഒന്ന്​, 2024 ഏപ്രിൽ ഒന്ന്​, ഒക്​ടോബർ ഒന്ന്​ എന്നിങ്ങനെയാണ്​ നാല്​ ഗഡുക്കളെന്ന്​ വ്യക്തമാക്കിയിരുന്നു​. എന്നാൽ, ശനിയാഴ്ച ആദ്യഗഡുവായ 25 ശതമാനം ജീവനക്കാരുടെ പി.എഫിൽ ഇടേണ്ട സമയമായിരിക്കെയാണ്​ അപ്രതീക്ഷിതമായി നീട്ടിവെച്ച്​ ധനവകുപ്പ്​ ഉത്തരവിറക്കിയത്​. ആദ്യ ഗഡു മുടങ്ങിയതോടെ അവശേഷിക്കുന്ന ഗഡുക്കളുടെ കാര്യം എന്താകുമെന്ന കാര്യത്തിൽ ആശങ്കയുയർന്നു.

202-23 വർഷത്തെ ലീവ്​ സറണ്ടർ പി.എഫിൽ ലയിപ്പിച്ചിട്ടുണ്ട്​. 2027ലേ ഇത്​ പിൻവലിക്കാനാകൂ. ജീവനക്കാർക്ക്​ അഞ്ച്​ ഗഡു ക്ഷാമബത്തയും കുടിശ്ശികയാണ്​. ഇത്​ 15 ശതമാനം വരും. ഡി.എ കുടിശ്ശിക അനുവദിക്കാത്തതിലും ശമ്പള കുടിശ്ശിക അനുവദിക്കാത്തതിലും സർക്കാർ ജീവനക്കാർ പ്രതിഷേധത്തിലാണ്​. പെൻഷൻ കുടിശ്ശിക നൽകുന്നതും സർക്കാർ നീട്ടിവെച്ചിട്ടുണ്ട്​. പി.എഫിലേക്ക്​ ശമ്പള കുടിശ്ശിക ഇപ്പോൾ നിക്ഷേപിച്ചാൽ സംസ്ഥാനത്തിന്‍റെ സാമ്പത്തിക സ്ഥിതി രൂക്ഷമാകുമെന്നാണ്​ ധനവകുപ്പ്​ വിലയിരുത്തൽ. പി.എഫിൽ കുടിശ്ശിക നൽകുന്നത്​ നീട്ടിവെച്ച തീരുമാനത്തിൽ ജീവനക്കാരുടെ സംഘടനകൾ പ്രതിഷേധത്തിലാണ്​. ഉത്തരവ്​ പിൻവലിക്കണമെന്നും അടിയന്തരമായി നൽകാൻ നടപടിയെടുക്കണമെന്നും സെക്രട്ടേറിയറ്റ്​ എംപ്ലോയീസ്​ അസോസിയേഷൻ നേതാക്കളായ എം.എസ്​. ഇർഷാദും കെ. ബിനോദും ആവശ്യപ്പെട്ടു

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:employeessalary
News Summary - Employees' salary arrears will be delayed
Next Story