ആവേശപ്പറമ്പ്: ത​ളി​പ്പ​റ​മ്പി​ൽ അ​ടി​യൊ​ഴു​ക്ക് നി​ർ​ണാ​യ​കം

ക​​ണ്ണൂ​ർ: പാ​ർ​ട്ടി​ഗ്രാ​മ​ങ്ങ​ളാ​യ ആ​ന്തൂ​രും മ​ല​പ്പ​ട്ട​വും ഉ​ൾ​പ്പെ​ടു​ന്ന ത​ളി​പ്പ​റ​മ്പ് മ​ണ്ഡ​ല​ത്തി​ൽ ഇ​ത്ത​വ​ണ എ​ന്ത് സം​ഭ​വി​ക്കു​മെ​ന്ന് ആ​ർ​ക്കും എ​ളു​പ്പം പ്ര​വ​ചി​ക്കാ​നാ​വി​ല്ല. അ​ടി​യൊ​ഴു​ക്കും നി​ഷേ​ധ വോ​ട്ടു​ക​ളും എ​ല്ലാം മ​ണ്ഡ​ല​ത്തി​ന്റെ ഭാ​വി​ത​ന്നെ നി​ർ​ണ​യി​ക്കും. സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്റെ നാ​ട്ടി​ൽ ഭാ​ര്യ​യും ജി​ല്ല ക​മ്മി​റ്റി​യം​ഗ​വു​മാ​യ പി.​കെ. ശ്യാ​മ​ള​യാ​ണ് എ​ൽ.​ഡി.​എ​ഫ് സ്ഥാ​നാ​ർ​ഥി. ഇ​വ​രെ നി​ശ്ച​യി​ച്ച​തു​മു​ത​ൽ മ​ണ്ഡ​ല​ത്തി​ൽ പു​ക​ഞ്ഞ അ​തൃ​പ്തി​യി​ൽ​നി​ന്നാ​ണ് ആ​റു പ​തി​റ്റാ​ണ്ട് കാ​ല​ത്തെ സി.​പി.​എം ബ​ന്ധം മു​റി​ച്ച് യു.​ഡി.​എ​ഫ് സ്ഥാ​നാ​ർ​ഥി​യാ​യി ടി.​കെ. ഗോ​വി​ന്ദ​ന്റെ അ​ര​ങ്ങേ​റ്റം. ഔ​ദ്യോ​ഗി​ക സ്ഥാ​നാ​ർ​ഥി​ക്കും പാ​ർ​ട്ടി സെ​ക്ര​ട്ട​റി​ക്കു​മെ​തി​​രെ ഗു​രു​ത​ര ആ​രോ​പ​ണ​മു​ന്ന​യി​ച്ചാ​ണ് സി.​പി.​എം ജി​ല്ല സെ​​ക്ര​ട്ടേ​റി​യ​റ്റ് അം​ഗ​ത്വ​വും ഹാ​ൻ​വീ​വ് ചെ​യ​ർ​മാ​ൻ സ്ഥാ​ന​വും ഇ​ദ്ദേ​ഹം വ​ലി​ച്ചെ​റി​ഞ്ഞ​ത്. അ​​ഞ്ചു പ​​തി​​റ്റാ​​ണ്ടാ​​യി ഇ​​ട​​തു​​പ​​ക്ഷ​​ത്തോ​​ടൊ​​പ്പ​​മാ​​ണ് മ​ണ്ഡ​ലം. ക​​ഴി​​ഞ്ഞ തെ​​ര​​ഞ്ഞെ​​ടു​​പ്പി​​ലെ വോ​​ട്ടു​​നി​​ല​​യി​​ലു​​ണ്ടാ​​യ മാ​​റ്റ​​മാ​ണ് യു.​ഡി.​എ​ഫി​ന് നേ​രി​യ പ്ര​തീ​ക്ഷ​യു​ണ്ടാ​ക്കി​യ​ത്.

2016ല്‍ ​​എ​​ല്‍.​ഡി.​എ​​ഫ് സ്ഥാ​​നാ​​ര്‍​ഥി ജെ​യിം​​സ് മാ​​ത്യു നേ​​ടി​​യ 40,617 എ​​ന്ന ​ഭൂ​​രി​​പ​​ക്ഷം 2021ൽ ​ല​ഭി​ച്ചി​ല്ല. എം.​വി. ഗോ​വി​ന്ദ​ന് 22,689 വോ​ട്ടി​ന്റെ ഭൂ​രി​പ​ക്ഷ​മാ​ണ് ല​ഭി​ച്ച​ത്. യൂ​ത്ത് കോ​ൺ​ഗ്ര​സ് സം​സ്ഥാ​ന ജ​ന.​സെ​ക്ര​ട്ട​റി വി.​പി. അ​ബ്ദു​ൽ റ​ഷീ​ദാ​യി​രു​ന്നു എ​തി​ർ​സ്ഥാ​നാ​ർ​ഥി.

2024 ലെ ​​ലോ​​ക്​​സ​​ഭ തെ​​ര​​ഞ്ഞെ​​ടു​​പ്പി​​ൽ കോ​ൺ​ഗ്ര​സി​ലെ കെ. ​​സു​​ധാ​​ക​​ര​​ന് 8787 വോ​​ട്ടി​​ന്‍റെ ഭൂ​​രി​​പ​​ക്ഷ​​മാ​​ണ് ത​​ളി​​പ്പ​​റ​മ്പ് സ​മ്മാ​നി​ച്ച​ത്. 2025ലെ ​ത​​ദ്ദേ​​ശ​​തെ​​ര​​ഞ്ഞെ​​ടു​​പ്പി​​ൽ 8189 വോ​​ട്ടി​​ന്റെ ലീ​​ഡ് എ​ൽ.​ഡി.​എ​ഫി​ന്. പാ​ർ​ട്ടി​ക്കോ​ട്ട​യി​ലെ ഈ​മാ​റ്റം യു.​ഡി.​എ​ഫ് നി​രീ​ക്ഷി​ച്ചു​​കൊ​ണ്ടി​രി​ക്കെ​യാ​ണ് ടി.​കെ. ഗോ​വി​ന്ദ​ൻ സി.​പി.​എം വി​ടു​ന്ന​ത്. ഇ​ത് ഗു​ണ​ക​ര​മാ​കു​മെ​ന്ന പ്ര​തീ​ക്ഷ​യി​ലാ​ണ് യു.​ഡി.​എ​ഫ് ഇ​ദ്ദേ​ഹ​ത്തെ പി​ന്തു​ണ​ക്കാ​ൻ തീ​രു​മാ​നി​ച്ച​ത്.

അ​ഭി​മാ​ന പോ​രാ​ട്ട​മെ​ന്ന നി​ല​ക്ക് ര​ണ്ടും ക​ൽ​പ്പി​ച്ചാ​ണ് സി.​പി.​എ​മ്മും പ്ര​വ​ർ​ത്തി​ക്കു​ന്ന​ത്. ടി.​കെ. ഗോ​വി​ന്ദ​ൻ അ​ധി​കാ​ര​മോ​ഹി​യും ഇ​ദ്ദേ​ഹ​ത്തി​ന് സീ​റ്റ് വേ​ണ​മെ​ന്ന് ഒ​രു​ക​മ്മി​റ്റി​യി​ലും ഒ​രാ​ളും പ​റ​ഞ്ഞി​ട്ടി​ല്ലെ​ന്നും പാ​ർ​ട്ടി വി​ശ​ദീ​ക​രി​ക്കു​ന്നു. പി.​കെ. ശ്യാ​മ​ള​യെ സ്ഥാ​നാ​ർ​ഥി​യാ​ക്കി​യ​തി​നു പി​ന്നി​ൽ സ്വ​ജ​ന​പ​ക്ഷ​പാ​ത​മി​ല്ലെ​ന്നും നേ​താ​ക്ക​ൾ ആ​വ​ർ​ത്തി​ക്കു​ന്നു.

അ​തേ​സ​മ​യം, ടി.​​കെ. ഗോ​​വി​​ന്ദ​​നെ പി​​ന്തു​​ണ​​ക്കാ​​നു​ള്ള തീ​രു​മാ​ന​ത്തി​നെ​തി​രെ കോ​ൺ​ഗ്ര​സി​ന​ക​ത്ത് പ്ര​തി​ഷേ​ധ​മു​ണ്ട്. കെ.​പി.​​സി.​​സി അം​​ഗ​​മാ​​യി​​രു​​ന്ന കൊ​​യ്യം ജ​​നാ​​ർ​​ദ​​ന​​ൻ യു.​​ഡി.​എ​​ഫ് വി​​മ​​ത സ്ഥാ​​നാ​​ർ​​ഥി​​യാ​​യ​ത് അ​ങ്ങ​നെ​യാ​ണ്. ബി.​​ജെ.​​പി ക​​ണ്ണൂ​​ർ ജി​​ല്ല മു​ൻ പ്ര​​സി​​ഡ​​ന്‍റ് എ​​ന്‍. ഹ​​രി​​ദാ​​സാ​​ണ് എ​​ന്‍.​​ഡി.​​എ. സ്ഥാ​​നാ​​ർ​ഥി. കോ​ൺ​ഗ്ര​സ് വി​മ​ത​ൻ പി​ടി​ക്കു​ന്ന വോ​ട്ടും മ​ണ്ഡ​ല​ത്തി​ൽ നി​ർ​ണാ​യ​ക​മാ​ണ്.