മകളെ പീഡിപ്പിച്ചയാളുടെ കൂടെ ഒളിച്ചോടിയ യുവതിയെയും കാമുകനെയും അറസ്​റ്റ്​ ചെയ്​തു

വളാഞ്ചേരി: ഒമ്പതുവയസ്സുള്ള മകളെ പീഡിപ്പിച്ചയാളുടെ കൂടെ ഒളിച്ചോടിയ യുവതിയെയും കാമുകനെയും വളാഞ്ചേരി പൊലീസ് അറസ്​റ്റ്​ ചെയ്​തു​. 30കാരനെയും28കാരിയെയുമാണ്​ എസ്​.എച്ച്​.ഒ എം.കെ. ഷാജിയുടെ നേതൃത്വത്തിൽ പിടികൂടിയത്​.

യുവതിക്ക്​ മൂന്നരയും ഒമ്പതും വയസ്സുള്ള രണ്ട്​​ കുട്ടികളാണുള്ളത്​. കഴിഞ്ഞവർഷം മാർച്ചിലാണ്​ ​യുവതിയ​ുടെ ഒമ്പതുവയസ്സുള്ള മക​െള പീഡനത്തിനിരയാക്കിയത്​. വിവരം കുട്ടി മാതാവിനെ അറിയിച്ചെങ്കിലും ആരോടെങ്കിലും പറഞ്ഞാൽ അയാൾക്കൊപ്പം ഒളിച്ചോടുമെന്ന്​ ഭീഷണിപ്പെടുത്തിയതായി പൊലീസ് പറഞ്ഞു.

പിന്നീട്​ കുട്ടി പൊലീസിൽ പരാതി നൽകിയതോടെയാണ്​ ഇവർ ഒളിച്ചോടിയത്​. തമിഴ്​നാട്, കർണാടക എന്നിവിടങ്ങളിൽ കറങ്ങിയ ഇവരെ കഴിഞ്ഞ ദിവസമാണ് കസ്​റ്റഡിയിലെടുത്തത്. പ്രായപൂർത്തിയാകാത്ത പെൺകുട്ടിയെ പീഡിപ്പിച്ചതിന് യുവാവിനെതിരെയും പീഡന വിവരം മറച്ചുവെച്ചതിന്​ മാതാവിനെതിരെയും പോക്സോ പ്രകാരം കേസെടുത്തു.

പ്രായപൂർത്തിയാകാത്ത കുട്ടികളെ ഉപേക്ഷിച്ചതിന്​ ജുവൈനൽ ജസ്​റ്റിസ് ആക്​ട്​ പ്രകാരവും യുവതിക്കെതിരെ കേസുണ്ട്​. യുവാവിനെയും യുവതിയെയും തിരൂർ കോടതിയിൽ ഹാജരാക്കി.

എസ്.ഐമാരായ മുരളി കൃഷ്​ണൻ, ഇഖ്ബാൽ, പ്രബേഷൻ എസ്.ഐ മധു ബാലകൃഷ്​ണൻ, സ്​പെഷൽ ബ്രാഞ്ച് ഓഫിസർ നസീർ തിരൂർക്കാട്, എ.എസ്.ഐമാരായ പ്രമോദ്, ജയപ്രകാശ്, രാജേഷ്, ജോബിൻ, ഡബ്ല്യൂ.സി.പി.ഒ സമീറ എന്നിവരാണ് അന്വേഷണ സംഘത്തിലുണ്ടായിരുന്നത്.