കോഴിക്കോട്​ കടലുണ്ടിയിൽ ഇടഞ്ഞോടിയ ആന തോട്ടിൽ വീണു

കടലുണ്ടി: കോഴിക്കോട്​ കടലുണ്ടിയിൽ അയ്യപ്പൻവിളക്കിനെത്തിയ ആന ഇടഞ്ഞോടി തോട്ടിൽ വീണു. അയ്യപ്പൻ വിളക്കിനോടനുബന്ധിച്ച പൂജക്കായി ഇന്ന്​ രാവിലെ 10.30 ഓടെ റെയിൽവേ സ്റ്റേഷനടുത്ത് അയ്യപ്പമഠത്തിൽ പൂജക്ക്​ കൊണ്ടുവന്നപ്പോളാണ്  സംഭവം.

ട്രെയിൻ ശബ്​ദം കേട്ട്​ ആന വിരണ്ടോടുകയായിരുന്നു​െവന്നാണ്​ നാട്ടുകാർ പറയുന്നത്​. ഒന്നര കിലോമീറ്റർ ഓടിയ ആന കോട്ടക്കടവിനും എടച്ചിറക്കും ഇടയിൽ കടലുണ്ടി പുഴയുടെ കൈത്തോടായ മാട്ടുമ്മൽ തോട്ടിലാണ് വീണത്​. തോട്ടിൽ വീണ് ചളിയിൽ പൂണ്ട ആനയെ നാട്ടുകാരും പൊലീസും ഫയർഫോഴ്​സും ചേർന്ന്​ ഉച്ചയോടെ രക്ഷിച്ചു.