കാട്ടാന ആക്രമണത്തിൽ യുവാവിന്​ ഗുരുതരപരിക്ക്​

മുഴക്കുന്ന് (കണ്ണൂർ): ജനവാസ കേന്ദ്രത്തില്‍ ഇറങ്ങിയ കാട്ടാനയുടെ ആക്രമണത്തിൽ യുവാവിന് ഗുരുത പരിക്കേറ്റു. കാക്കയങ്ങാട് മുഴക്കുന്ന് വട്ടപ്പൊയിൽ കൂളിക്കുന്നിലെ  ഒതയോത്ത് വിനോദി(45)നാണ് കാട്ടാനയുടെ കുത്തേറ്റത്.

ഇന്നു പുലർച്ചെ അഞ്ചേകാലോടെയാണ് വിനോദിന് നേരെ കാട്ടാനക്കുട്ടത്തി​​​​െൻറ ആക്രണമുണ്ടായത്. ബന്ധുവിനെ എയർപോർട്ടിലാക്കി ബൈക്കിൽ തിരിച്ചു വരികയായിരുന്നു വിനോദ്​. വട്ടപ്പൊയിലിൽ വീട്ടിനടുത്ത് വെച്ചാണ് കാട്ടാനയുടെ മുന്നിൽ പെട്ടത്. ബൈക്ക് ചവിട്ടി തെറിപ്പിച്ച കാട്ടാനക്കൂട്ടം വിനോദിനെ അരയ്ക്കു താഴെ കുത്തി പരിക്കേൽപ്പിക്കുകയായിരുന്നു.

തുടയെല്ലും നട്ടെല്ലും ഒടിഞ്ഞു തൂങ്ങി ഗുരുതര പരിക്കേറ്റ വിനോദി​​​​െൻറ നിലവിളി കേട്ട് എത്തിയ നാട്ടുകാരും മുഴക്കുന്ന് എസ്.ഐ.രാജേഷി​​​​െൻറ നേതൃത്വത്തിലുള്ള പൊലീസ് സംഘവുമാണ് ആശുപത്രിയിലെത്തിച്ചത്. കണ്ണൂർ എ.കെ.ജി സഹകരണ ആശുപത്രി തീവ്രപരിചരണ വിഭാഗത്തിൽ പ്രവേശിപ്പിച്ചിരിക്കുന്ന യുവാവ് അപകടനില തരണം ചെയ്തിട്ടില്ല.