ആറളം ഫാമിൽ കാട്ടാനയുടെ ആക്രമണത്തിൽ തൊഴിലാളി കൊല്ലപ്പെട്ടു

കേളകം (കണ്ണൂർ): ആറളം ഫാമിൽ കാട്ടാനയുടെ ആക്രമണത്തിൽ ഫാം തൊഴിലാളി കൊല്ലപ്പെട്ടു. ആറളം പന്നിമൂലയിൽ ദന്തപാല നാരായണൻ (55) ആണ് കൊല്ലപ്പെട്ടത്. ഞായറാഴ്ച രാവിലെ 10ഓടെയാണ് സംഭവം.

ഫാം നാലാം ബ്ലോക്കിൽ വെച്ചാണ് കാട്ടാന നാരായണനെ ആക്രമിച്ചത്. ഇദ്ദേഹം സംഭവസ്ഥലത്ത് തന്നെ മരിച്ചു.

മുമ്പും നിരവധി പേർ ആറളം ഫാമിൽ കാട്ടാന ആക്രമണത്തിൽ കൊല്ലപ്പെട്ടിട്ടുണ്ട്.