വൈദ്യുതി നിരക്ക്: റെഗുലേറ്ററി കമീഷന്‍ പൊതുതെളിവെടുപ്പ് സെപ്റ്റംബര്‍ അഞ്ചിന്

തിരുവനന്തപുരം: വൈദ്യുതി നിരക്ക് പരിഷ്‌കരിക്കുന്നതിനു സംസ്ഥാന വൈദ്യുതി ബോര്‍ഡ് സമര്‍പ്പിച്ചിട്ടുള്ള നിര്‍ദേശങ്ങളിന്‍മേല്‍ പൊതുജനങ്ങളുടെ അഭിപ്രായങ്ങള്‍ രേഖപ്പെടുത്തുന്നതിനായി വൈദ്യുതി റെഗുലേറ്ററി കമീഷന്റെ തെളിവെടുപ്പ് സെപ്റ്റംബര്‍ അഞ്ചിന് രാവിലെ 10.30 മുതല്‍ എറണാകുളം കോര്‍പറേഷന്‍ ടൗണ്‍ഹാളില്‍ നടത്തും.

ഇതു കൂടാതെ തപാല്‍ മുഖേനയും ഇ മെയില്‍ - kserc@erckerala.org- മുഖേനയും സമര്‍പ്പിക്കാം. രണ്ട് മാര്‍ഗങ്ങളിലൂടെയും അഭിപ്രായങ്ങള്‍ സെക്രട്ടറി, കേരള സംസ്ഥാന വൈദ്യുതി റെഗുലേറ്ററി കമ്മിഷന്‍, കെ.പി.എഫ്‌.സി ഭവനം, സിവി രാമന്‍പിള്ള റോഡ്, വെള്ളയമ്പലം, തിരുവനന്തപുരം 695 010 എന്ന വിലാസത്തില്‍ സെപ്റ്റംബര്‍ 10 ന് അഞ്ചുമണിവരെ സ്വീകരിക്കും.