ട്രാൻസ്ഫോർമർ തകരാർ; കോഴിക്കോട്, വയനാട്, കണ്ണൂര്‍, കാസർകോഡ് ജില്ലകളില്‍ ഭാഗികമായി വൈദ്യുതി തടസപ്പെട്ടേക്കും

കോഴിക്കോട്: ട്രാൻസ്ഫോർമർ അറ്റകുറ്റപ്പണികളെ തുടർന്ന് കോഴിക്കോട്, വയനാട്, കണ്ണൂര്‍, കാസർകോഡ് ജില്ലകളില്‍ മെയ് 25 വരെ ഭാഗികമായി വൈദ്യുതി തടസപ്പെട്ടേക്കുമെന്ന് കെ.എസ്.ഇ.ബി.എല്‍ അറിയിച്ചു.

പവര്‍‍ഗ്രിഡ് കോര്‍‍പ്പറേഷന്റെ കോഴിക്കോട് 400 കെ.വി. സബ്സ്റ്റേഷനിലെ 3-ാം നമ്പര്‍ 500 എം.വി.എ. ട്രാന്‍‍സ്ഫോര്‍‍മറിന്റെ 220 കെ.വി. ബുഷിംഗില്‍‍ തകരാര്‍ സംഭവിച്ചതിനെ തുടർന്നാണ് അറ്റകുറ്റപ്പണികൾ നടക്കുന്നത്. തകരാർ പരിഹരിക്കാൻ ഒരാഴ്ച വേണ്ടിവരുമെന്ന് പവര്‍‍ഗ്രിഡ് കോര്‍‍പ്പറേഷന്‍ അറിയിച്ചിരിക്കുന്നത്.