വൈദ്യുതി ഉപഭോഗം സർവകാല റെക്കോഡിൽ

തി​രു​വ​ന​ന്ത​പു​രം: ചൂ​ട്​ വ​ർ​ധി​ച്ച​തോ​ടെ സം​സ്​​ഥാ​ന​ത്തെ വൈ​ദ്യു​തി ഉ​പ​യോ​ഗം സ​ർ​വ​കാ​ല റെ​ക്കോ ​ഡി​ലേ​ക്ക്. ചൊ​വ്വാ​ഴ്​​ച രാ​ത്രി 12 വ​രെ​യു​ള്ള ക​ണ​ക്ക്​ പ്ര​കാ​രം 24 മ​ണി​ക്കൂ​റി​ൽ​ 83.086 ദ​ശ​ല​ക്ഷം യൂ​നി​ റ്റ്​ വൈ​ദ്യു​തി​യാ​ണ്​ ഉ​പ​യോ​ഗി​ച്ച​ത്. മാ​ർ​ച്ചാ​​യ​തോ​ടെ ഉ​പ​യോ​ഗം വ​ർ​ധി​ക്കു​ന്ന പ്ര​വ​ണ​ത കാ​ണി​ച്ചി​രു​ന്നു. എ​ന്നാ​ൽ, എ​ക്കാ​ല​ത്തെ​യും ഉ​യ​ർ​ന്ന ഉ​പ​യോ​ഗ​മാ​ണ്​ ചൊ​വ്വാ​ഴ്​​ച രേ​ഖ​പ്പെ​ടു​ത്തി​യ​ത്. ഇ​തി​ൽ 55.68 ദ​ശ​ല​ക്ഷം യൂ​നി​റ്റ്​ വൈ​ദ്യു​തി​യും കേ​ന്ദ്ര വി​ഹി​ത​മ​ട​ക്കം സം​സ്​​ഥാ​ന​ത്തി​ന്​ പു​റ​ത്തു​നി​ന്ന്​ വാ​ങ്ങി​യ​താ​ണ്. സം​സ്​​ഥാ​ന​ത്തെ ഉ​ൽ​പാ​ദ​നം 27.40 ദ​ശ​ല​ക്ഷം യൂ​നി​റ്റും.

പ്ര​ധാ​ന നി​ല​യ​ങ്ങ​ളി​ലെ​ല്ലാം ഉ​ൽ​​പാ​ദ​നം വ​ർ​ധി​പ്പി​ച്ചു. വ​രും ദി​വ​സ​ങ്ങ​ളി​ൽ വൈ​ദ്യു​തി ഉ​പ​യോ​ഗം ഇ​നി​യും വ​ർ​ധി​​ക്കാ​നാ​ണ്​ സാ​ധ്യ​ത. ഇ​ടു​ക്കി​യി​ൽ ചൊ​വ്വാ​ഴ്​​ച 12.99 ദ​ശ​ല​ക്ഷം യൂ​നി​റ്റ്​ ഉ​ൽ​​പാ​ദി​പ്പി​ച്ചു. ശ​ബ​രി​ഗി​രി​യി​ൽ 5.82 ദ​ശ​ല​ക്ഷ​വും. നി​ല​വി​ൽ വൈ​ദ്യു​തി ബോ​ർ​ഡി​​െൻറ സം​ഭ​ര​ണി​ക​ളി​ൽ 49 ശ​ത​മാ​നം വെ​ള്ള​മു​ണ്ട്. ഇ​ത്​ ഉ​പ​യോ​ഗി​ച്ച്​ 2022.67 ദ​ശ​ല​ക്ഷം യൂ​നി​റ്റ്​ വൈ​ദ്യു​തി ഉ​ൽ​പാ​ദി​പ്പി​ക്കാ​നാ​വ​ും.

ഇ​ടു​ക്കി, പ​മ്പ-​ക​ക്കി സം​ഭ​ര​ണി​ക​ളി​ൽ 50 ശ​ത​മാ​നം വീ​തം വെ​ള്ള​മു​ണ്ട്. ഷോ​ള​യാ​ർ 41, ഇ​ട​മ​ല​യാ​ർ 99, മാ​ട്ടു​പ്പെ​ട്ടി 53, കു​റ്റ്യാ​ടി 53, കു​ണ്ട​ള 99, താ​രി​യോ​ട്​ 31, ആ​ന​യി​റ​ങ്ക​ൽ 64, പൊ​ന്മു​ടി 48, നേ​ര്യ​മം​ഗ​ലം 45, പെ​രി​ങ്ങ​ൽ 25, ലോ​വ​ർ പെ​രി​യാ​ർ 60 ശ​ത​മാ​നം എ​ന്നി​ങ്ങ​നെ​യാ​ണ്​ മ​റ്റ്​ സം​ഭ​ര​ണി​ക​ളി​ലെ ജ​ല​നി​ര​പ്പ്. കാ​ര്യ​ക്ഷ​മ​ത​യോ​ടെ​യും ക​രു​ത​ലോ​ടെ​യും വൈ​ദ്യു​തി ഉ​പ​യോ​ഗി​ക്ക​ണ​മെ​ന്ന്​ കെ.​എ​സ്.​ഇ.​ബി അ​ഭ്യർഥിച്ചു.